మీరు ఇటీవల టాటా పంచ్ ఈవీ (Tata Punch EV) కొన్నారా? అయితే ఈ వార్త కచ్చితంగా చదవాల్సిందే. టాటా మోటార్స్ నుంచి ఎంతో ప్రతిష్టాత్మకమైన ఆదరణ పొందుతున్న ఈ ఎలక్ట్రిక్ ఎస్‌యూవీ ఇప్పుడు వార్తల్లో నిలిచింది. కారణం సంతోషకరమైనది కాదు, కాస్త ఆందోళన కలిగించేది. ఈ కారు బ్రేకింగ్ సిస్టమ్‎లో ఏదో లోపం ఉందని, అందుకే కంపెనీ గుట్టుచప్పుడు కాకుండా కొన్ని వాహనాలను వెనక్కి పిలిపిస్తోందని (Recall) సమాచారం అందుతోంది. ఇప్పటికే డీలర్లు స్వయంగా కస్టమర్లకు ఫోన్ చేసి కారును సర్వీస్ సెంటర్‌కు తీసుకురావాలని కోరుతున్నారు.

పెట్రోల్ బంకుకు వెళ్లాలంటేనే భయమేస్తోందా ? పెట్రోల్, డీజిల్ ధరలు(petrol diesel price) సామాన్యుల జేబులకు చిల్లు పెడుతున్న వేళ, ఇప్పుడు అందరి చూపు ఎలక్ట్రిక్ వాహనాల (EV) వైపు మళ్లుతోంది. కేవలం పర్యావరణం కోసమే కాదు, భారీగా డబ్బు ఆదా చేసేందుకు ఇవి చక్కని మార్గంగా మారాయి. తాజాగా ప్రధానమంత్రి నరేంద్ర మోదీ(PM Narendra modi) కూడా ఇంధన పొదుపుపై పిలుపునివ్వడంతో ఈ చర్చ మరింత ఊపందుకుంది. మీరు కూడా కొత్తగా ఒక ఎలక్ట్రిక్ ఎస్‌యూవీ(electric SUV) కొనాలని ఆలోచిస్తున్నారా? అయితే భారత మార్కెట్లో సంచలనం సృష్టిస్తున్న, అత్యధిక రేంజ్ ఇచ్చే టాప్-5 ఎలక్ట్రిక్ కార్ల వివరాలు తెలుసుకుందాం.

పెరుగుతున్న పెట్రోల్ ధరలను చూస్తుంటే సామాన్యుడి గుండె గుభేల్ మంటోంది. రోజూ ఆఫీసుకి కారులో వెళ్లాలంటే జేబు చిల్లు పడాల్సిందే. ఎలక్ట్రిక్ కారు(Electric Cars) కొందామంటే ఛార్జింగ్ టెన్షన్, లాంగ్ జర్నీలో ఆగిపోతుందన్న భయం. ఇలాంటి చిక్కులన్నింటికీ ఏకైక పరిష్కారం హైబ్రిడ్ కార్స్(hybrid Cars). పెట్రోల్ ఇంజిన్, ఎలక్ట్రిక్ మోటార్ కలయికతో పనిచేసే ఈ కార్స్, మీకు ఊహించని మైలేజీని అందిస్తాయి. మరి ఆఫీసు ప్రయాణాలకు అతి తక్కువ ఖర్చుతో రాజసంలా దూసుకెళ్లే ఆ టాప్-5 కార్ల విశేషాలు తెలుసుకుందాం.

ప్రస్తుతం ఇండియన్ రోడ్లపై 7 సీటర్ కార్లకు ఉన్న క్రేజ్ అంతా ఇంతా కాదు. ఎంత పెద్ద ఫ్యామిలీలు అయినా, స్నేహితులతో కలిసి ట్రిప్పులకు వెళ్లడానికైనా పెద్ద కార్లనే అందరూ ఇష్టపడుతున్నారు. అయితే పెరుగుతున్న పెట్రోల్ ధరలు ఈ పెద్ద కార్ల యజమానులకు కంటిమీద కునుకు లేకుండా చేస్తున్నాయి. అందుకే ఇప్పుడు అందరి చూపు ఎలక్ట్రిక్ 7 సీటర్ల వైపు మళ్లింది. టాటా, మారుతి, టయోటా వంటి దిగ్గజ కంపెనీలు సామాన్యుల నుంచి సెలబ్రిటీల వరకు అందరినీ ఆకట్టుకునేలా భారీ రేంజ్ ఇచ్చే ఈవీలను రెడీ చేస్తున్నాయి. ఒక్కసారి ఛార్జ్ చేస్తే 600 కిలోమీటర్ల వరకు దూసుకుపోయే ఆ 5 అదిరిపోయే కార్ల వివరాలు తెలుసుకుందాం.

మీరు ఫ్యామిలీతో కలిసి లాంగ్ ట్రిప్ వెళ్తున్నారా? వెనక సీట్లో కూర్చున్నప్పుడు ఇరుకుగా అనిపిస్తోందా? అయితే మీకు కావాల్సింది సాధారణ బెంచ్ సీట్లు కాదు.. కెప్టెన్ సీట్లు. విమానంలో బిజినెస్ క్లాస్ సీట్లలాగా, ఒకరికొకరు తగలకుండా, హాయిగా కాళ్లు చాపుకుని కూర్చునే వెసులుబాటు ఈ సీట్లలో ఉంటుంది. అందుకే ఇప్పుడు ఇండియాలో కెప్టెన్ సీట్లు ఉన్న ఎంపీవీ (MPV) కార్లకు విపరీతమైన డిమాండ్ పెరిగింది. మరి మీ బడ్జెట్‌లో టాప్-5 బెస్ట్ ఆప్షన్లు ఏవో ఇప్పుడు చూద్దాం!

టాలీవుడ్ సీనియర్ నటుడు, క్యారెక్టర్ ఆర్టిస్ట్ నరేష్ విజయకృష్ణ మరోసారి వార్తల్లో నిలిచారు. ఈసారి తన అద్భుతమైన నటనతోనో లేదా వ్యక్తిగత విషయాలతోనో కాకుండా, తన గ్యారేజీలోకి చేరిన ఒక లగ్జరీ స్పోర్ట్స్ కారుతో అందరి దృష్టిని ఆకర్షించారు. ఖరీదైన కార్లు, లగ్జరీ లైఫ్‎స్టైల్‎కు కేరాఫ్ అడ్రస్‌గా నిలిచే నరేష్, తాజాగా ప్రపంచ ప్రఖ్యాత బ్రాండ్ అయిన పోర్షే (Porsche) నుంచి పనామెరా టర్బో జీ 3 మోడల్ కారును సొంతం చేసుకున్నారు. ఈ కారు ధర, దాని ఫీచర్లు చూస్తుంటే ఎవరైనా ముక్కున వేలేసుకోవాల్సిందే.

భారతీయ ఆటోమొబైల్ మార్కెట్లో ఒకప్పుడు ప్రత్యేక గుర్తింపు తెచ్చుకున్న సెడాన్ కార్లలో హోండా సిటీ (Honda City) పేరు ముందుంటుంది. మధ్యతరగతి కుటుంబాల నుంచి యువ ఉద్యోగుల వరకు ఎంతో మంది కలల కారుగా భావించిన ఈ సెడాన్‌కు ఒకప్పుడు మార్కెట్లో భారీ క్రేజ్ ఉండేది. కొత్త కారు కొనాలనుకునే వారు ముందుగా సిటీ గురించే ఆలోచించేవారు. స్టైలిష్ డిజైన్, కంఫర్ట్, నమ్మకమైన పనితీరు, హోండా బ్రాండ్‌పై ఉన్న విశ్వాసం కారణంగా ఈ కారు ఎన్నో సంవత్సరాల పాటు భారత మార్కెట్లో తన ఆధిపత్యాన్ని కొనసాగించింది. ఒక దశలో అయితే షోరూమ్‌ల వద్ద ఈ కారును కొనుగోలు చేయడానికి వినియోగదారుల మధ్య పోటీ కనిపించేది.

దేశవ్యాప్తంగా పెట్రోల్, డీజిల్ ధరలు రోజు రోజుకు పెరుగుతుండటంతో సాధారణ ప్రజలపై ప్రయాణ ఖర్చుల భారం మరింత పెరుగుతోంది. ముఖ్యంగా ప్రతిరోజూ ఉద్యోగాలు, వ్యాపారాలు, చదువుల కోసం ద్విచక్ర వాహనాలను ఉపయోగించే వారు ఇప్పుడు పెట్రోల్ ఖర్చులతో ఇబ్బందులు ఎదుర్కొంటున్నారు. ఒకప్పుడు నెలకు తక్కువగా ఉండే ఇంధన ఖర్చులు ఇప్పుడు కుటుంబ బడ్జెట్‌పై ప్రభావం చూపే స్థాయికి చేరుకున్నాయి. అందుకే చాలా మంది వాహనదారులు ఇప్పుడు పెట్రోల్ వాహనాలకు ప్రత్యామ్నాయంగా ఎలక్ట్రిక్ వాహనాల వైపు దృష్టి సారిస్తున్నారు. ప్రస్తుతం దేశంలో ఎలక్ట్రిక్ వాహనాల వినియోగాన్ని కేంద్ర ప్రభుత్వం కూడా బలంగా ప్రోత్సహిస్తోంది. ప్రధాని Narendra Modi కూడా పలు సందర్భాల్లో ఈవీల వినియోగాన్ని పెంచాలని ప్రజలకు సూచించారు.

భారత ఆటోమొబైల్ మార్కెట్లో గత కొన్నేళ్లుగా ఎలక్ట్రిక్ వాహనాలపై వినియోగదారుల ఆసక్తి వేగంగా పెరుగుతోంది. పెరుగుతున్న పెట్రోల్ ధరలు, పర్యావరణ పరిరక్షణపై అవగాహన, అలాగే తక్కువ నిర్వహణ ఖర్చులు వంటి కారణాలతో చాలా మంది ఇప్పుడు ఎలక్ట్రిక్ కార్ల వైపు మొగ్గు చూపుతున్నారు. ఈ అవకాశాన్ని సరిగ్గా గుర్తించిన కంపెనీలలో ఎంజీ మోటార్ (MG Motor) ఒకటి. భారత మార్కెట్లోకి అడుగుపెట్టిన తక్కువ కాలంలోనే ఈ బ్రాండ్ ఎలక్ట్రిక్ వాహనాల విభాగంలో తనకంటూ ప్రత్యేక గుర్తింపును సంపాదించుకుంది. ప్రత్యేకంగా విండ్సర్ ఈవీ, కామెట్ ఈవీ, సైబర్‌స్టర్ వంటి మోడళ్లతో కంపెనీ భారతీయ కస్టమర్లను బాగా ఆకట్టుకుంది. అయితే ఎలక్ట్రిక్ వాహనాల విభాగంలో సక్సెస్ సాధించినంతగా, కంపెనీ సంప్రదాయ ICE విభాగంలో మాత్రం ప్రభావాన్ని చూపలేకపోతోంది.

భారతీయ కార్ల మార్కెట్లో మరోసారి మారుతి సుజుకి తన ఆధిపత్యాన్ని నిరూపించింది. రూ.6.25 లక్షల ప్రారంభ ధరతో అందుబాటులో ఉన్న డిజైర్ సెడాన్(Maruti Dzire) ఇప్పుడు దేశంలోనే అత్యధికంగా అమ్ముడవుతున్న కారుగా నిలిచింది. ఒకప్పుడు వాగన్‌ఆర్, స్విఫ్ట్, బలెనో వంటి కార్లు టాప్‌లో ఉండేవి. కానీ ఇప్పుడు పరిస్థితి పూర్తిగా మారిపోయింది. మైలేజీ, భద్రత, కుటుంబ వినియోగం అన్నీ ఒకే కారులో కావాలనుకునే ప్రజలు డిజైర్(Maruti Dzire) వైపు పరుగులు తీస్తున్నారు.

ఇటీవల కాలంలో దేశవ్యాప్తంగా పెట్రోల్, డీజిల్ ధరలు నిరంతరం పెరుగుతుండటంతో సాధారణ వాహన వినియోగదారులపై ఇంధన భారం గణనీయంగా పెరిగింది. రోజువారీ ప్రయాణాల కోసం కార్లు ఉపయోగించే మధ్యతరగతి కుటుంబాలు ఇప్పుడు ఎక్కువ మైలేజ్, తక్కువ నిర్వహణ ఖర్చులు కలిగిన వాహనాల వైపు దృష్టి సారిస్తున్నాయి. ఇదే సమయంలో పర్యావరణ పరిరక్షణపై కూడా ప్రపంచవ్యాప్తంగా చర్చలు జరుగుతుండటంతో, ఎలక్ట్రిక్ వాహనాలకు మార్కెట్లో భారీ డిమాండ్ ఏర్పడింది. భారత్‌లో కూడా ఈవీల వినియోగాన్ని పెంచేందుకు కేంద్ర ప్రభుత్వం ప్రత్యేక ప్రోత్సాహకాలు అందిస్తోంది. ముఖ్యంగా ప్రధాని నరేంద్ర మోదీ (Narendra Modi) స్వయంగా ఎలక్ట్రిక్ వాహనాల వినియోగాన్ని ప్రోత్సహించాలని పిలుపునివ్వడం, దేశీయ ఆటోమొబైల్ రంగంలో పెద్ద మార్పులకు దారితీస్తోంది.

ప్రపంచవ్యాప్తంగా ఇంధన సంక్షోభం తీవ్రంగా మారుతున్న వేళ భారత ప్రధాని నరేంద్ర మోదీ(pm modi) తీసుకున్న నిర్ణయం ఇప్పుడు దేశవ్యాప్తంగా చర్చనీయాంశమైంది. సాధారణంగా భారీ భద్రతా ఏర్పాట్లతో ప్రయాణించే ప్రధాని కాన్వాయ్‌లో ఇకపై కేవలం రెండు వాహనాలే కనిపించనున్నాయి. ఇంధన వినియోగాన్ని తగ్గించాలని ప్రజలకు పిలుపునిచ్చిన మోదీ(Modi), ఇప్పుడు అదే విషయాన్ని తన భద్రతా వ్యవస్థలో అమలు చేయడంతో ప్రజలు ప్రశంసలు కురిపిస్తున్నారు.

భారతదేశంలో చిన్న కార్లకు ఎప్పటినుంచో ప్రత్యేకమైన మార్కెట్ ఉంది. ముఖ్యంగా మధ్యతరగతి కుటుంబాలు, రోజువారీ ప్రయాణాల కోసం తక్కువ ఖర్చుతో మంచి మైలేజ్ ఇచ్చే కార్లను ఎక్కువగా ఎంపిక చేస్తుంటాయి. అలాంటి వినియోగదారుల అవసరాలను దృష్టిలో పెట్టుకుని మారుతి సుజుకి (Maruti Suzuki) తీసుకొచ్చిన హ్యాచ్‌బ్యాక్‌లలో సెలెరియో (Celerio) ఒకటి. సింపుల్ డిజైన్, మెరుగైన మైలేజ్, తక్కువ నిర్వహణ ఖర్చులు, సిటీ డ్రైవింగ్‌కు అనుకూలమైన పరిమాణం వంటి లక్షణాలతో ఈ కారు భారతీయ మార్కెట్లో మంచి గుర్తింపును సంపాదించింది. చిన్న కుటుంబాలు, ఉద్యోగులు, అలాగే మొదటిసారి కారు కొనుగోలు చేసే వినియోగదారులకు సెలెరియో ఎంతో అనువైన ఎంపికగా మారింది.

ఒకప్పుడు యువతలో స్టైలిష్ కారుగా మంచి గుర్తింపు తెచ్చుకున్న మారుతి ఇగ్నిస్ ఇప్పుడు షోరూమ్‌లలోనే మూలుగుతుంది. ఏప్రిల్ నెలలో ఒక్క యూనిట్ కూడా అమ్ముడుకాకపోవడం ఆటో రంగాన్ని ఆశ్చర్యానికి గురిచేసింది. ఇప్పుడు భారీ తగ్గింపులు ప్రకటించినా వినియోగదారులు పెద్దగా ఆసక్తి చూపడం లేదు. దీంతో ఈ కారుకు భారత మార్కెట్లో ముగింపు దగ్గరపడిందనే చర్చ జోరందుకుంది. దేశంలోనే అతిపెద్ద కార్ల తయారీ సంస్థగా ఉన్న మారుతి సుజుకి, తన నెక్సా షోరూమ్‌ల ద్వారా విక్రయించే ఇగ్నిస్ కారును దాదాపు మార్కెట్ నుంచి తప్పించినట్టే కనిపిస్తోంది. తాజాగా విడుదలైన ఏప్రిల్ అమ్మకాల గణాంకాల ప్రకారం.. ఈ కారుకు ఒక్క కస్టమర్ కూడా దొరకలేదు. అంటే ఏప్రిల్ నెల మొత్తం ఇగ్నిస్ విక్రయాలు సున్నాకే పరిమితమయ్యాయి. ప్రస్తుతం కంపెనీ వద్ద మిగిలిన స్టాక్‌ను క్లియర్ చేయడానికి భారీ ఆఫర్లు ప్రకటిస్తోంది. ఇగ్నిస్‌పై రూ.57,500 వరకు తగ్గింపు ఇస్తున్నా కొనుగోలుదారులు పెద్దగా ముందుకు రావడం లేదని డీలర్లు చెబుతున్నారు. ఈ కారు ప్రారంభ ధర సుమారు రూ.5.35 లక్షలుగా ఉండేది. టాప్ వేరియంట్ ధర రూ.7.55 లక్షల వరకు వెళ్లేది. ఇగ్నిస్ ఫెయిల్యూర్‌కు ప్రధాన కారణాల్లో ఒకటి మారుతి సొంత కార్లే కావడం ఆసక్తికరం. అదే ధరలో వ్యాగన్ ఆర్, స్విఫ్ట్, బలెనో వంటి కార్లు ఎక్కువ ఫీచర్లు, మెరుగైన మైలేజీ, మంచి రీసేల్ విలువతో అందుబాటులో ఉన్నాయి. ముఖ్యంగా వ్యాగన్ ఆర్ ధర ఇగ్నిస్ కంటే తక్కువగా ఉండటం వినియోగదారులను పూర్తిగా అక్కడికే మళ్లించింది. ఇటీవలి కాలంలో కార్ల కొనుగోలులో భద్రతకు ప్రాధాన్యం పెరిగింది. కానీ ఇగ్నిస్‌లో మాత్రం కంపెనీ పెద్దగా మార్పులు చేయలేదు. ఇప్పటికీ రెండు ఎయిర్‌బ్యాగ్‌లతోనే కొనసాగడం, ఆధునిక సేఫ్టీ ఫీచర్లు లేకపోవడం పెద్ద మైనస్‌గా మారింది. అదే సమయంలో ఇతర మారుతి కార్లలో ఆరు ఎయిర్‌బ్యాగ్‌లు స్టాండర్డ్‌గా అందుబాటులోకి రావడం ఇగ్నిస్‌ను మరింత వెనక్కి నెట్టింది. ప్రస్తుతం దేశంలో సీఎన్‌జీ కార్లకు భారీ డిమాండ్ ఉంది. కానీ ఇగ్నిస్‌లో కంపెనీ ఎప్పుడూ ఫ్యాక్టరీ ఫిటెడ్ సీఎన్‌జీ ఆప్షన్ ఇవ్వలేదు. దీంతో తక్కువ ఖర్చుతో ప్రయాణించాలని చూసే వినియోగదారులు స్విఫ్ట్ సీఎన్‌జీ, వ్యాగన్ ఆర్ సీఎన్‌జీ, బలెనో సీఎన్‌జీ వైపు వెళ్లిపోయారు. ఆటో రంగంలో వినిపిస్తున్న సమాచారం ప్రకారం, ఇగ్నిస్ స్థానంలో మారుతి త్వరలో కొత్త మైక్రో ఎస్‌యూవీని తీసుకురావడానికి సిద్ధమవుతోంది. ఇది టాటా పంచ్, హ్యుందాయ్ ఎక్స్టర్ వంటి మోడళ్లకు గట్టి పోటీ ఇవ్వొచ్చని అంచనాలు ఉన్నాయి. అందుకే కంపెనీ ఇగ్నిస్ ఉత్పత్తిని నిశ్శబ్దంగా నిలిపివేసినట్టు తెలుస్తోంది. స్టైలిష్ డిజైన్ ఉన్నా, మార్కెట్ ట్రెండ్‌ను అందుకోవడంలో ఇగ్నిస్ వెనుకబడింది. యువత కోసం తీసుకొచ్చిన ఈ కారు, కాలానికి తగ్గ ఫీచర్లు, సేఫ్టీ అప్‌డేట్లు, సీఎన్‌జీ ఆప్షన్, బలమైన మార్కెటింగ్ లేక నెమ్మదిగా మార్కెట్ నుంచి కనుమరుగైపోయింది.

భారతీయ చిన్న కార్ల మార్కెట్‌లో మారుతి సుజుకి (Maruti Suzuki) తనకంటూ ఒక ప్రత్యేక గుర్తింపును సంపాదించుకుంది. ముఖ్యంగా మధ్యతరగతి కుటుంబాలు, తొలిసారి కారు కొనుగోలు చేసే వినియోగదారులు, అలాగే నగరాల్లో రోజువారీ ప్రయాణాలు చేసే వారి అవసరాలను దృష్టిలో పెట్టుకుని కంపెనీ తీసుకొచ్చిన మోడళ్లలో ఎస్ ప్రెస్సో (S-Presso) ఒకటి. చిన్న సైజులో ఉండి కూడా SUV తరహా స్టైలింగ్‌ను అందిస్తుంది. రద్దీగా ఉండే నగర వీధుల్లో పెద్ద కార్లను నడపడం చాలామందికి ఇబ్బందిగా అనిపిస్తుంటే, ఎస్-ప్రెస్సో మాత్రం తన కాంపాక్ట్ డిజైన్‌తో ట్రాఫిక్ మధ్య ఎంతో ఈజీగా దూసుకుపోతుంది. చిన్న గల్లీలు, ఇరుకైన పార్కింగ్ ప్రదేశాలు, భారీ ట్రాఫిక్ సిగ్నల్స్ వంటి పరిస్థితుల్లో కూడా ఈ కారును చాలా సులభంగా నియంత్రించవచ్చు.

Petrol Diesel Price : నాలుగేళ్ల తర్వాత దేశవ్యాప్తంగా పెట్రోల్, డీజిల్ ధరలు భారీగా పెరగడం సామాన్యుడికి పెద్ద షాక్‌గా మారింది. ఇరాన్ యుద్ధంతో అంతర్జాతీయ మార్కెట్లో ముడి చమురు ధరలు మండిపోవడంతో కేంద్రం చివరకు ధరల పెంపుకు గ్రీన్ సిగ్నల్ ఇచ్చింది. ఇప్పుడు ఈ ప్రభావం కూరగాయల నుంచి క్యాబ్ ఛార్జీల వరకు ప్రతిచోటా కనిపించబోతోందనే ఆందోళన మొదలైంది. దేశవ్యాప్తంగా పెట్రోల్, డీజిల్ ధరలు లీటరుకు సుమారు రూ.3 వరకు పెరగడంతో వాహనదారులు షాక్‌కు గురయ్యారు. శుక్రవారం ఉదయం నుంచి కొత్త ధరలు అమల్లోకి వచ్చాయి. గత నాలుగేళ్లలో రిటైల్ వినియోగదారులకు ఇది మొదటి పెద్ద పెంపుగా మారింది. ఇదే సమయంలో సీఎన్‌జీ ధరలు కూడా కిలోకు రూ.2 పెరగడం మరో దెబ్బగా మారింది. ధరల పెంపు తర్వాత దేశ రాజధాని ఢిల్లీలో పెట్రోల్ ధర లీటరుకు రూ.97.77కి చేరింది. డీజిల్ ధర రూ.90.67 అయింది. ముంబైలో పెట్రోల్ రూ.106.68, డీజిల్ రూ.93.14గా నమోదైంది. కోల్‌కతాలో పెట్రోల్ రూ.108.74 దాటగా, చెన్నైలో కూడా ధరలు భారీగా పెరిగాయి. హైదరాబాద్‌లో ఇప్పుడు ఎంతంటే?హైదరాబాద్‌లో ఇప్పటికే దేశంలోనే అత్యధిక ఇంధన ధరలు ఉండగా, తాజా పెంపుతో మరింత భారం పడింది. గత ధరల ప్రకారం నగరంలో పెట్రోల్ సుమారు రూ.107.45 ఉండేది. ఇప్పుడు కొత్త పెంపుతో అది రూ.110 దాటే అవకాశముందని మార్కెట్ వర్గాలు చెబుతున్నాయి. డీజిల్ కూడా రూ.98కు చేరువ కావొచ్చని అంచనా. పశ్చిమాసియాలో కొనసాగుతున్న ఉద్రిక్తతల కారణంగా అంతర్జాతీయ మార్కెట్లో ముడి చమురు ధరలు భారీగా పెరిగాయి. యుద్ధానికి ముందు బ్యారెల్ ధర సుమారు 69 డాలర్ల వద్ద ఉండగా, ఇప్పుడు 110 డాలర్లకు పైగా చేరినట్లు అంతర్జాతీయ నివేదికలు చెబుతున్నాయి. ఈ ఒత్తిడిని ప్రభుత్వ చమురు కంపెనీలు ఎక్కువకాలం భరించలేక చివరకు వినియోగదారులపై మోపాయి. ఇండియన్ ఆయిల్, భారత్ పెట్రోలియం, హిందుస్తాన్ పెట్రోలియం వంటి ప్రభుత్వ చమురు సంస్థలు రోజుకు వేల కోట్ల నష్టాలు ఎదుర్కొంటున్నాయని సమాచారం. పెరిగిన ముడి చమురు ధరలకు సరిపడా రిటైల్ ధరలు పెంచకపోవడంతో ఈ పరిస్థితి ఏర్పడిందని ఆర్థిక నిపుణులు చెబుతున్నారు.

మనదేశంలో మిడ్ సైజ్ ఎస్‌యూవీల సందడి మళ్ళీ మొదలైంది. ఒకప్పుడు ఈ విభాగంలో రారాజుగా వెలిగిన రెనాల్ట్ డస్టర్, ఇప్పుడు సరికొత్త రూపంతో మూడవ తరం మోడల్‌గా మార్కెట్లోకి అడుగుపెట్టింది. గత 36 నెలల్లో ఎన్నడూ లేనంతగా భారీ అమ్మకాలతో రెనాల్ట్ ఇండియా దూసుకుపోతోంది. ముఖ్యంగా మధ్యతరగతి వాహన ప్రియులను ఆకట్టుకుంటున్న డస్టర్ ఆథెంటిక్ (బేస్ వేరియంట్) గురించి పూర్తి వివరాలు తెలుసుకుందాం.

ఫోక్స్‌వ్యాగన్ టైగన్ (Volkswagen Taigun) భారత SUV మార్కెట్లో ప్రీమియం ఫీలింగ్, జర్మన్ ఇంజినీరింగ్, స్పోర్టీ డ్రైవింగ్ అనుభూతిని ఒకేసారి అందించే మోడల్‌గా ప్రత్యేక గుర్తింపు సంపాదించుకుంది. బోల్డ్ ఫ్రంట్ గ్రిల్, షార్ప్ LED హెడ్‌ల్యాంప్స్, మస్క్యులర్ బాడీ లైన్స్‌తో ఈ SUV రోడ్డుపై ఎంతో ఆకర్షణీయంగా కనిపిస్తుంది. నగర రోడ్లలోనూ, హైవేలపైనా ఇది మంచి రోడ్ ప్రెజెన్స్‌ను కలిగి ఉంటుంది. టైగన్ భారత మిడ్-సైజ్ SUV మార్కెట్లో తన స్థాయిని రోజురోజుకూ మరింత బలపరుచుకుంటోంది. ఇప్పటికే జర్మన్ ఇంజినీరింగ్, ప్రీమియం డిజైన్, స్పోర్టీ డ్రైవింగ్ అనుభూతితో ప్రత్యేక గుర్తింపు పొందిన ఈ SUV, ఇప్పుడు అమ్మకాల పరంగానూ మంచి వృద్ధిని నమోదు చేస్తోంది.

మారుతి సుజుకి లాగా, టాటా మోటార్స్ కూడా వినియోగదారులు ఎలాంటి సందేహం లేకుండా, నమ్మకంగా కొనుగోలు చేయగల కార్లను మార్కెట్లోకి తీసుకొస్తోంది. టియాగో వంటి బడ్జెట్ హ్యాచ్‌బ్యాక్‌ల నుంచి సఫారీ వంటి ప్రీమియం SUVల వరకు విస్తరించిన ఈ మోడల్ లైనప్‌కు ఉన్న ప్రధాన బలం భద్రత మరియు ఆధునిక ఫీచర్లే. ప్రతి సెగ్మెంట్‌లో కూడా గట్టి నిర్మాణ నాణ్యత, మంచి రోడ్డు ప్రెజెన్స్, వినియోగదారులకు ఉపయోగపడే టెక్నాలజీని అందించడం ద్వారా టాటా బ్రాండ్‌పై ఉన్న నమ్మకం మరింత పెరుగుతోంది. ఏప్రిల్ 2026 నాటికి సంస్థ సుమారు 59,000 యూనిట్ల కార్లను విక్రయించి దేశంలో రెండవ అతిపెద్ద ఆటోమొబైల్ తయారీదారుగా తన స్థానాన్ని నిలబెట్టుకుంది. ఇది కేవలం సంఖ్య పరంగా కాకుండా బ్రాండ్‌పై పెరుగుతున్న డిమాండ్‌కు స్పష్టమైన సంకేతంగా కూడా చెప్పవచ్చు.

దేశంలో పెట్రోల్ ధరలు రోజు రోజుకీ పెరుగుతుండటంతో ఇప్పుడు చాలా మంది ఎలక్ట్రిక్ వాహనాల వైపు చూస్తున్నారు. ముఖ్యంగా రోజూ కాలేజీ, ఉద్యోగం లేదా చిన్న చిన్న పనుల కోసం ప్రయాణించే వారికి తక్కువ ఖర్చుతో నడిచే ఈ-స్కూటర్లు మంచి ఎంపికగా మారాయి. ఇప్పుడు అమెజాన్ సమ్మర్ సేల్‌లో కొన్ని లో స్పీడ్ ఎలక్ట్రిక్ స్కూటర్లు భారీ తగ్గింపుతో లభిస్తున్నాయి. ఆశ్చర్యకరమైన విషయం ఏంటంటే.. కొన్ని మోడళ్లు రూ.25 వేల నుంచే అందుబాటులో ఉన్నాయి.

ఎలక్ట్రిక్ స్కూటర్ కొనాలనుకునే చాలా మందికి మొదట ఎదురయ్యే సమస్య అధిక ప్రారంభ ధర. ముఖ్యంగా బ్యాటరీ ఖర్చు ఎక్కువగా ఉండటంతో మొత్తం వాహనం ధర పెరిగిపోతుంది. ఈ సమస్యకు పరిష్కారంగా వచ్చిన కొత్త విధానం BaaS. ఈ మోడల్‌లో స్కూటర్‌ను కొనుగోలు చేసే సమయంలో బ్యాటరీకి కాకుండా వాహనానికి మాత్రమే డబ్బులు వసూలు చేసి, బ్యాటరీ అద్దె ప్రాతిపదికన ఇస్తారు. బ్యాటరీ వినియోగానికి మాత్రమే నెలవారీ సబ్‌స్క్రిప్షన్ విధానంలో చెల్లింపు చేయాలి. దీంతో ప్రారంభ పెట్టుబడి భారీగా తగ్గిపోతుంది. ఎలక్ట్రిక్ వాహనాలను ఎక్కువ మందికి అందుబాటులోకి తీసుకురావడంలో ఈ BaaS విధానం కీలక పాత్ర పోషిస్తోంది. సగం ధరకే వాహనం కొనుగోలు చేయడానికి అవకాశం ఉంటుంది. ఇప్పుడు ఈ కథణంలో ఈ విధంగా అందుబాటులో ఉన్న స్కూటర్లను చూద్దాం.

భారత ఈవీ మార్కెట్లో ఇప్పుడు మహీంద్రా XEV 9e(Mahindra XEV 9e) పేరు మారుమోగుతోంది. కారణం.. కంపెనీ ఈ ఎలక్ట్రిక్ SUVపై ఏకంగా రూ.1.40 లక్షల డిస్కౌంట్ ప్రకటించడం. అంతేకాదు, ఒక్కసారి ఫుల్ ఛార్జ్ చేస్తే 682 కిమీ రేంజ్ ఇవ్వడం వల్ల కార్ లవర్స్ దృష్టి మొత్తం ఇప్పుడు దీనిపైనే పడింది. భారతీయ ఎలక్ట్రిక్ కార్ల మార్కెట్లో మహీంద్రా దూసుకుపోతోంది. ఇప్పటికే BE 6తో సంచలనం సృష్టించిన కంపెనీ.. ఇప్పుడు తన ప్రీమియం ఎలక్ట్రిక్ SUV మహీంద్రా XEV 9e(Mahindra XEV 9e) పై భారీ ఆఫర్ ప్రకటించి మరోసారి వార్తల్లో నిలిచింది. వేసవి సీజన్‌లో కొత్త కారు కొనాలని చూస్తున్న వారికి ఈ ఆఫర్ బంపర్ గిఫ్ట్‌లా మారింది. లగ్జరీ ఫీచర్లు, అత్యుత్తమ భద్రత, తిరుగులేని రేంజ్ కలిగిన ఈ వాహనంపై ఇప్పుడు లక్షకు పైగా క్యాష్ డిస్కౌంట్ లభిస్తోంది. మే నెలలో కారు కొనుగోలు చేసే వారికి కంపెనీ ఈ బంపర్ ఆఫర్‌ను అందిస్తోంది. మహీంద్రా సంస్థ తన ప్రతిష్టాత్మక విద్యుత్ వాహనం ఎక్స్‌ఈవీ 9ఈ (XEV 9e) పై ఈ నెలలో రూ.1.40 లక్షల వరకు క్యాష్ డిస్కౌంటును ప్రకటించింది. గతేడాది మోడళ్లకు మాత్రమే కాకుండా, 2025 తయారీ వాహనాలపై కూడా ఈ ఆఫర్ వర్తిస్తుండటం విశేషం. ఈ కారు ప్రారంభ ధర సుమారు రూ.21.90 లక్షలుగా ఉంది. ఇప్పటికే ఏప్రిల్ నెలలో మంచి విక్రయాలు సాధించిన ఈ మోడల్, ఇప్పుడు ఈ భారీ డిస్కౌంట్‌తో మరిన్ని అమ్మకాలను సాగిస్తుందని కంపెనీ భావిస్తోంది. గత ఆర్థిక సంవత్సరంలో నెలకు సగటున 2,260 మంది ఈ కారును కొనుగోలు చేశారంటే దీని క్రేజ్ అర్థం చేసుకోవచ్చు. ఈ ఎలక్ట్రిక్ కారు రేంజ్ విషయంలో రాజీ పడదు. కంపెనీ నివేదికల ప్రకారం.. ఇది ఒక్కసారి పూర్తి ఛార్జింగ్ చేస్తే ఏకంగా 682 కిలోమీటర్ల వరకు ప్రయాణిస్తుంది. ఇందులో రెండు రకాల బ్యాటరీ ప్యాక్‌లు అందుబాటులో ఉన్నాయి. 59 కిలోవాట్ బ్యాటరీ ప్యాక్ ఒక వెర్షన్ కాగా, మరింత పవర్ఫుల్ 79 కిలోవాట్ బ్యాటరీ ప్యాక్ మరో వెర్షన్. ఇది కేవలం 6.8 సెకన్లలోనే సున్నా నుంచి 100 కిలోమీటర్ల వేగాన్ని అందుకుంటుంది. ఛార్జింగ్ విషయానికి వస్తే, 170 కిలోవాట్ ఫాస్ట్ ఛార్జర్ ద్వారా కేవలం 20 నిమిషాల్లోనే ప్రయాణానికి సిద్ధమవుతుంది. భారతదేశపు సొంత భద్రతా ప్రమాణాల సంస్థ (BNCAP) నిర్వహించిన క్రాష్ టెస్టులో మహీంద్రా ఎక్స్‌ఈవీ 9ఈ 5 స్టార్ (5-Star) రేటింగ్ సాధించింది. అడల్ట్ సేఫ్టీ విభాగంలో 32కి 32 పాయింట్లు సాధించి అగ్రస్థానంలో నిలిచింది. చైల్డ్ సేఫ్టీ విషయంలో కూడా 49కి 45 పాయింట్లు సాధించి, కుటుంబం మొత్తానికి అత్యంత సురక్షితమైన కారుగా గుర్తింపు పొందింది. రహదారిపై ప్రయాణించేటప్పుడు ఎటువంటి ప్రమాదాలు జరిగినా లోపల ఉన్న ప్రయాణికులకు టాప్ రేంజ్ సేఫ్టీ కల్పిస్తుందని ఈ టెస్టులో నిరూపించాయి. ఈ కారు డిజైన్ చాలా ఫ్యూచరిస్టిక్ స్టైల్లో ఉంటుంది. దాదాపు 4789 మిల్లీమీటర్ల పొడవు కలిగిన ఈ వాహనంలో విశాలమైన స్థలం ఉంటుంది. లోపల సామాను సర్దుకోవడానికి 663 లీటర్ల బూట్ స్పేస్ ఉండటమే కాకుండా, ముందు భాగంలో కూడా 150 లీటర్ల ఖాళీ స్థలం (Frunk) ఇచ్చారు. 207 మిల్లీమీటర్ల గ్రౌండ్ క్లియరెన్స్ ఉండటం వల్ల గుంతలు ఉన్న రోడ్లపై కూడా సాఫీగా ప్రయాణిస్తుంది. వైర్‌లెస్ ఛార్జింగ్, డిజిటల్ స్క్రీన్‌లు, విశాలమైన టైర్లతో ఈ కారు విలాసానికి సరికొత్త చిరునామాగా నిలుస్తోంది.

దక్షిణ కొరియాకు చెందిన ప్రముఖ ఆటోమొబైల్ సంస్థ కియా (Kia) భారత మార్కెట్లో తన ప్రత్యేక గుర్తింపును మరింత బలపరుచుకుంటోంది. ఇప్పటికే SUV సెగ్మెంట్‌లో మంచి విజయాలు సాధించిన ఈ కంపెనీ, ఇప్పుడు MPV విభాగంలో కూడా భారీ పోటీని సృష్టిస్తోంది. ముఖ్యంగా కియా కారెన్స్ క్లావిస్ (Kia Carens Clavis) అనే 7-సీటర్ మోడల్, కుటుంబ వినియోగదారుల మధ్య వేగంగా ఆదరణ పొందుతోంది. స్టైలిష్ డిజైన్, ప్రీమియం ఫీచర్లు, విశాలమైన క్యాబిన్, సౌకర్యవంతమైన ప్రయాణ అనుభూతితో ఈ MPV, మార్కెట్లో ఇప్పటికే మంచి క్రేజ్ సంపాదించుకుంది. మారుతి సుజుకి ఎర్టిగా, టయోటా ఇన్నోవా వంటి ప్రముఖ మోడళ్లకు గట్టి పోటీ ఇస్తూ, తక్కువ సమయంలోనే తనకంటూ ప్రత్యేక స్థానం ఏర్పరచుకుంది.

మారుతి గ్రాండ్ విటారా ప్రస్తుతం భారత మార్కెట్లో మైలేజీ సంచలనం సృష్టిస్తోంది. 27.97 కిమీ మైలేజీతో పాటు ఒక్కసారి ట్యాంక్ ఫుల్ చేస్తే 1200 కిలోమీటర్ల రేంజ్ ఇవ్వడం వల్ల ఈ హైబ్రిడ్ SUV కోసం మధ్యతరగతి కుటుంబాలు, ఉద్యోగులు భారీగా ఆసక్తి చూపిస్తున్నారు.

పెట్రోల్, డీజిల్ ధరలు రోజురోజుకూ పెరుగుతున్న నేపథ్యంలో నగరాల్లో ప్రతిరోజూ ఉద్యోగాలకు వెళ్లే వారికి ప్రయాణ ఖర్చు పెద్ద భారంగా మారుతోంది. ఇలాంటి సమయంలో ఎక్కువ మైలేజ్ ఇచ్చే, తక్కువ ఖర్చుతో నడిచే కార్ల వైపు ప్రజలు ఆసక్తి చూపుతున్నారు. ఈ పరిస్థితుల్లోనే CNG కార్లు నగర ప్రయాణికుల కోసం ఉత్తమ ఎంపికగా మారాయి. తక్కువ ఇంధన ఖర్చుతో పాటు మంచి మైలేజీ ఇవ్వడం వల్ల మారుతి సుజుకి సెలెరియో, టాటా పంచ్, మారుతి సుజుకి ఫ్రాంక్స్ వంటి మోడళ్లకు భారీ డిమాండ్ ఏర్పడుతోంది. ఇవి కేవలం ఖర్చు తగ్గించే కార్లే కాకుండా, ఆధునిక ఫీచర్లు, సౌకర్యవంతమైన క్యాబిన్, కుటుంబానికి సరిపడే స్థలం, భద్రతా ఫీచర్లతో కూడా ఆకట్టుకుంటున్నాయి. ఈ నేపథ్యంలో ఈ కార్ల గురించిన వివరాలను ఈ కింది కథణంలో ఇస్తున్నాము.