സ്വിഫ്റ്റ് പപ്പടമല്ല, പവറാണ്... 'പവറേഷ്'!
ഓട്ടോമൊബൈൽസ്
- 1 year, 9 month, 20 days ago
അപകടത്തില് പെട്ടാല് 'പപ്പടം' പോലെ പൊടിയുന്ന കാര് നിര്മിക്കുന്ന കമ്പനിയെന്ന് ദുഷ്പേര് കാലങ്ങളായി പേറിയവരായിരുന്നു മാരുതി സുസുക്കി. ഇന്തോ-ജാപ്പനീസ് വാഹന നിര്മാതാക്കളുടെ പല എന്ട്രി ലെവല് കാറുകളുടെയും ക്രാഷ് ടെസ്റ്റ് ഫലങ്ങളും അങ്ങനെ ഉള്ളതായിരുന്നു. കുറഞ്ഞ വിലയില് കാര് നല്കാനുള്ള തിരക്കിനിടയില് ബില്ഡ് ക്വാളിറ്റിയുടെ കാര്യത്തില് കമ്പനി വേണ്ടത്ര ശ്രദ്ധ പതിപ്പിക്കുന്നില്ലെന്നായിരുന്നു വിമര്ശനം. എന്നാല് കഴിഞ്ഞ വര്ഷം ഡിസയര് സബ് കോംപാക്ട് സെഡാന്റെ പുതിയ തലമുറ പതിപ്പിലൂടെ മാരുതി ഈ വിമര്ശനങ്ങള്ക്കെല്ലാമുള്ള മറുപടി നല്കിയിരുന്നു. ഗ്ലോബല് NCAP ക്രാഷ് ടെസ്റ്റില് ഡിസയര് 5 സ്റ്റാര് സേഫ്റ്റി റേറ്റിംഗ് ആണ് നേടിയത്.