ഇന്ത്യൻ വിപണിയിൽ പുതിയൊരു തുടക്കം കുറിക്കുവാൻ ഒരുങ്ങുകയാണ് ഹോണ്ട. അമേസ് ഫെയ്‌സ്‌ലിഫ്റ്റ് ലോഞ്ചിന് ശേഷം ഇതുവരെ ഒരു പുത്തൻ കാർ പോലും പുറത്തിറക്കാതെ മടിയൻമാരായി ഇരുന്ന ജാപ്പനീസ് വാഹന നിർമാതാക്കൾ നാളെ ആഭ്യന്തര വിപണിയിൽ രണ്ട് പുത്തൻ കാറുകളാണ് അവതരിപ്പിക്കാൻ ഒരുങ്ങുന്നത്. അതിൽ മുഖംമിനുക്കിയെത്തുന്ന സിറ്റി, പുതിയ ZR-V ഹൈബ്രിഡ് എസ്‌യുവിയുമാണ് ജാപ്പനീസ് ബ്രാൻഡിന്റെ പടയിലേക്ക് ചേരുന്നത്. ഫോക്‌സ്‌വാഗൺ വെർട്ടിസ്, സ്കോഡ സ്ലാവിയ തുടങ്ങിയ എതിരാളികളോട് മുട്ടിനിൽക്കാൻ പാടുപെടുന്ന സിറ്റിയുടെ വിൽപ്പനയ്ക്ക് ഇതോടെ വേഗമേറും.

മുന്‍ വര്‍ഷത്തെ വില്‍പ്പന കണക്കുകള്‍ പാടേ തിരുത്തിക്കുറിച്ച് ഇന്ത്യന്‍ ഇരുചക്ര വാഹന വിപണിയില്‍ 121 ശതമാനത്തിന്റെ അവിശ്വസനീയമായ വാര്‍ഷിക വളര്‍ച്ചയുമായി ഹീറോ എച്ച്എഫ് ഡീലക്‌സ് കുതിക്കുന്നു. രാജ്യത്തെ സാധാരണക്കാരായ ബൈക്ക് പ്രേമികളുടെ വിശ്വസ്ത വാഹനമായ ഹീറോ HF ഡീലക്‌സ് (Hero HF Deluxe) ആണ് വിപണിയില്‍ ഇപ്പോള്‍ വിപ്ലവകരമായ മുന്നേറ്റം നടത്തിയിരിക്കുന്നത്. രാജ്യത്തെ ഏറ്റവും വലിയ ഇരുചക്ര വാഹന ബ്രാന്‍ഡ് ആയ ഹീറോ മോട്ടോകോര്‍പ്പിന്റെ ഈ ബജറ്റ് കമ്മ്യൂട്ടര്‍ മോഡല്‍ ഏപ്രില്‍ മാസത്തില്‍ വില്‍പ്പനയില്‍ ഇരട്ടിയിലധികം വര്‍ദ്ധനവാണ് രേഖപ്പെടുത്തിയത്.

മാഗ്നൈറ്റ് (Magnite) കോംപാക്‌‍ട് എസ്‌യുവി, ഗ്രാവൈറ്റ് (Gravite) കോംപാക്‌ട് എംപിവി എന്നിങ്ങനെ രണ്ട് മോഡലുകളുടെ ശക്തിയിൽ പിടിച്ചുനിൽക്കുന്ന ജാപ്പനീസ് വാഹന നിർമാതാക്കളായ നിസാന്റെ (Nissan) ശേഖരത്തിലേക്ക് പുതിയൊരു വജ്രായുധം കൂടി എത്തുകയാണെന്ന വാർത്ത കേൾക്കാൻ തുടങ്ങിയിട്ട് കാലംകുറച്ചായല്ലോ. ഹ്യുണ്ടായി ക്രെറ്റയും മാരുതി വിക്ടോറിസും റെനോ ഡസ്റ്ററുമെല്ലാം അരങ്ങുവാഴുന്ന മിഡ്-സൈസ് എസ്‌യുവി ഇളക്കി മറിക്കാനായി ടെക്റ്റൺ എന്ന ഹൈബ്രിഡ് എസ്‌യുവിയെയാണ് നിസാൻ നിയോഗിക്കുന്നത്. ദിവസങ്ങൾക്ക് മുമ്പേ ഇന്ത്യയിൽ അരങ്ങേറ്റം കുറിക്കേണ്ടിയിരുന്നതായിരുന്നുവെങ്കിലും എസ്‌യുവിയുടെ ലോഞ്ച് പല കാരണങ്ങളാൽ നീട്ടിവെക്കേണ്ടി വരികയായിരുന്നു.

മോഡേണ്‍ ഫീച്ചറുകളുടെ അതിപ്രസരമില്ല, കണ്ണഞ്ചിക്കുന്ന എല്‍ഇഡി ലൈറ്റുകളോ അലോയ് വീലുകളോ ഇല്ല, എന്നിട്ടും ഇന്ത്യന്‍ നിരത്തുകളില്‍ വിപണി രാജാവായി റോയല്‍ എന്‍ഫീല്‍ഡ് ബുള്ളറ്റ് 350 തങ്ങളുടെ അപ്രമാദിത്വം വീണ്ടും തെളിയിച്ചിരിക്കുകയാണ്. കടുത്ത മത്സരം നിറഞ്ഞ ഇരുചക്ര വാഹന വിപണിയില്‍ തലമുറകളായി തനത് വ്യക്തിത്വം കാത്തുസൂക്ഷിക്കുന്ന ഈ ക്ലാസിക് മോട്ടോര്‍സൈക്കിള്‍ ഇപ്പോള്‍ വില്‍പ്പനയില്‍ വലിയ കുതിച്ചുചാട്ടമാണ് നടത്തിയിരിക്കുന്നത്. പ്രമുഖ ഓട്ടോമോട്ടീവ് പോര്‍ട്ടലായ ഗാഡിവാഡി (GaadiWaadi) പുറത്തുവിട്ട 2026 ഏപ്രില്‍ മാസത്തിലെ വില്‍പ്പന റിപ്പോര്‍ട്ട് പ്രകാരം 25,040 ബുള്ളറ്റ് 350 മോട്ടോര്‍സൈക്കിളുകളാണ് റോയല്‍ എന്‍ഫീല്‍ഡ് രാജ്യത്തുടനീളം വിറ്റഴിച്ചത്.

ബജറ്റ് സെഗ്മെന്റിൽ പോലും കാർ വാങ്ങുന്നവർ സേഫ്റ്റിക്ക് പ്രാധാന്യം കൊടുക്കുന്ന സമയമാണിത്. സുരക്ഷ പരമപ്രധാനമായി കാണുന്നവരുടെയെല്ലാം ഫസ്റ്റ് ചോയ്‌സ് എന്നും എപ്പോഴും ടാറ്റ മോട്ടോർസാണ്. പുതിയൊരു കാർ വാങ്ങുമ്പോൾ മാരുതിയെ ഒഴിവാക്കി പലരും ടാറ്റ തെരഞ്ഞെടുക്കുന്നതിന്റെ കാരണവും ബിൽഡ് ക്വാളിറ്റിയും ഫീച്ചറുകളും താങ്ങാനാവുന്ന വിലയും സേഫ്റ്റിയും എല്ലാം ഒത്തുചേർന്ന് കിട്ടുന്നതാണ്. കുറഞ്ഞ വിലയിൽ 4-സ്റ്റാർ സേഫ്റ്റി റേറ്റിംഗ് തരുന്ന ടിയാഗോ (Tata Tiago) വന്നകാലം മുതൽ ജനങ്ങളുടെ കണ്ണിലുണ്ണിയാണ്. കൃത്യമായ ഇടവേളകളിൽ അടിമുടി മാറിവരുന്നതും ആളുകൾക്കിടയിൽ മതിപ്പുളവാക്കുന്ന കാര്യമാണ്.

മുന്‍ വര്‍ഷത്തെ അപേക്ഷിച്ച് വന്‍തോതിലുള്ള വില്‍പ്പന വളര്‍ച്ച രേഖപ്പെടുത്തിക്കൊണ്ട് മുന്‍നിര ബ്രാന്‍ഡുകള്‍ ഇന്ത്യന്‍ ഇരുചക്ര വാഹന വിപണിയില്‍ തങ്ങളുടെ സാന്നിധ്യം വീണ്ടും ശക്തമാക്കിയിരിക്കുകയാണ്. ഏറ്റവും പുതിയ റിപ്പോര്‍ട്ടുകള്‍ പ്രകാരം രാജ്യത്ത് ഏറ്റവും കൂടുതല്‍ വിറ്റഴിക്കപ്പെടുന്ന ടോപ് 10 ടൂവീലര്‍ മോഡലുകള്‍ ചേര്‍ന്നാണ് ഈ മികച്ച നേട്ടം കൈവരിച്ചത്. പ്രമുഖ ഇരുചക്രവാഹന നിര്‍മാതാക്കളായ ഹീറോ മോട്ടോകോര്‍പ്പ്, ഹോണ്ട, ടിവിഎസ്, ബജാജ് എന്നിവയുടെ കമ്മ്യൂട്ടര്‍ മോട്ടോര്‍സൈക്കിളുകളും സ്‌കൂട്ടറുകളുമാണ് ഈ വിപണി മുന്നേറ്റത്തില്‍ പ്രധാന പങ്കുവഹിച്ചത്.

കഴിഞ്ഞ കുറച്ച് കാലമായി എടുക്കുന്ന തീരുമാനങ്ങളെല്ലാം ശരിയാണെന്ന് തെളിയിച്ച് മുന്നോട്ട് കുതിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. ഇന്ത്യക്കായി ഇന്ത്യയിൽ നിർമിച്ച മൂവർ സംഘം നല്ല പേര് സമ്പാദിച്ച് കൊടുത്തതിന് പുറമെ വിൽപ്പനയിലും ബ്രാൻഡിന് നേട്ടമുണ്ടാക്കി കൊടുക്കുന്നുണ്ട്. നിലവിൽ സ്കോഡയുടെ നിരയിൽ നിന്നും ഏറ്റവും കൂടുതൽ വിറ്റഴിയപ്പെടുന്ന വാഹനം കൈലാക് എന്ന കോംപാക്‌ട് എസ്‌യുവിയാണ്. ഇന്ത്യയിലെ സബ്-4 മീറ്റർ എസ്‌യുവി സെഗ്മെൻ്റ് ഭരിക്കുന്ന ടാറ്റ നെക്സോണിനെയും മാരുതി സുസുക്കി ബ്രെസയെയും വെല്ലുവിളിക്കാൻ എത്തിയ പടക്കുതിരയ്ക്ക് നിലവിൽ അരലക്ഷത്തിലധികം സന്തോഷവാൻമാരായ ഉടകളുമുണ്ട്.

ഇന്ത്യന്‍ ഇരുചക്ര വാഹന വിപണിയിലെ ക്ലാസിക് ബൈക്ക് സെഗ്മെന്റില്‍ തനതായ രൂപകല്‍പ്പനയും ബജറ്റ് വിലയും കൊണ്ട് ശ്രദ്ധേയമായ ഒരു മോഡല്‍ വിപണി വിദഗ്ധരെ പോലും അമ്പരിപ്പിച്ചുകൊണ്ട് വില്‍പ്പനയില്‍ വന്‍ മുന്നേറ്റം കാഴ്ചവെച്ചിരിക്കുകയാണ്. വിഖ്യാത മോട്ടോര്‍സൈക്കിള്‍ ബ്രാന്‍ഡായ റോയല്‍ എന്‍ഫീല്‍ഡിന്റെ (Royal Enfield) നിരയിലെ ഏറ്റവും വില കുറഞ്ഞ മോഡലായ ഹണ്ടര്‍ 350 (Hunter 350) ആണ് രാജ്യത്ത് മികച്ച മുന്നേറ്റം നടത്തുന്നത്. പ്രമുഖ ഓട്ടോമൊബൈല്‍ വെബ്‌സൈറ്റായ ഗാഡിവാഡി (GaadiWaadi) പുറത്തുവിട്ട 2026 ഏപ്രില്‍ മാസത്തിലെ ഏറ്റവും പുതിയ വില്‍പ്പന കണക്കുകളിലാണ് ഹണ്ടര്‍ 350 തങ്ങളുടെ ജനപ്രീതി വീണ്ടും തെളിയിച്ചിരിക്കുന്നത്.

നിർമാണത്തിന്റെ കാര്യത്തിലും വിൽപ്പനയുടെ കാര്യത്തിലും രാജ്യത്തെ ഏറ്റവും വലിയ വാഹന നിർമാതാക്കളായ മാരുതി സുസുക്കിയോട് കിടപിടിക്കാൻ വിപണിയിലെ ഒരു എതിരാളിക്ക് പോലും കഴിയില്ലെന്നതാണ് സത്യം. ഓരോ മാസവും ലക്ഷക്കണക്കിന് കാറുകളാണ് കമ്പനി ഇന്ത്യൻ നിരത്തുകളിൽ എത്തിക്കുന്നത്. 2026 സാമ്പത്തിക വർഷത്തിന്റെ അവസാനത്തോടെ കമ്പനിക്ക് 190,000-ത്തിലധികം തീർപ്പാക്കാത്ത ഓർഡറുകളാണുണ്ടായിരുന്നത്. ഡിമാന്റ് കൂടിയതോടെ മാരുതി സുസുക്കി കാറുകളുടെ ബുക്കിംഗ് പിരീഡും വർധിച്ച സാഹചര്യത്തിൽ ഡിമാൻഡിനൊപ്പമെത്താൻ വിതരണത്തിന് കഴിഞ്ഞിരുന്നില്ല. ഹരിയാനയിലെ മാരുതിയുടെ ഖാർഖോഡ പ്ലാന്റിലെ രണ്ടാമത്തെ പ്ലാന്റ് വാണിജ്യ ഉത്പാദനം ആരംഭിച്ച് ഇതിനെല്ലാം പരിഹാരവും കണ്ടെത്തിയിരിക്കുകയാണ് ബ്രാൻഡ്.

ഇന്ത്യന്‍ മാർക്കറ്റിൽ വില്‍പ്പന കണക്കുകളില്‍ ഹ്യുണ്ടായിയെ മറികടന്ന് രണ്ടാം സ്ഥാനം സ്വന്തമാക്കിയതിന് പിന്നാലെ, വിപണി വിഹിതം ശക്തമായി നിലനിര്‍ത്താന്‍ വരും മാസങ്ങളില്‍ നിരവധി പുതിയതും പരിഷ്‌കരിച്ചതുമായ മോഡലുകള്‍ വിപണിയിലെത്തിക്കാന്‍ ഒരുങ്ങുകയാണ് ടാറ്റ മോട്ടോര്‍സ് (Tata Motors). ഈ നിരയില്‍ നിന്നും ആദ്യമായി വിപണിയിലെത്തുന്നത് രാജ്യത്തെ ജനപ്രിയ ഹാച്ച്ബാക്ക് മോഡലായ ടിയാഗോയുടെ ഫെയ്‌സ്‌ലിഫ്റ്റ് (Tatat Tiago Facelift) പതിപ്പാണ്. മണികണ്‍ട്രോളില്‍ (Moneycontro) പ്രസിദ്ധീകരിച്ച പുതിയ റിപ്പോര്‍ട്ടുകള്‍ പ്രകാരം പുത്തന്‍ ടിയാഗോ മോഡല്‍ മെയ് 28-ന് ഇന്ത്യന്‍ വിപണിയില്‍ ഔദ്യോഗികമായി അരങ്ങേറ്റം കുറിക്കും.

പിക്കപ്പ് ട്രക്കുകളെ ഇന്ത്യക്കാർക്കിടയിൽ ജനപ്രിയരാക്കിയവരാണ് ജാപ്പനീസ് വാഹന നിർമാതാക്കളായ ഇസൂസു. പാസഞ്ചർ സെഗ്മെന്റിൽ എടുത്ത് പറയത്തക്ക വിൽപ്പന കണക്കുകൾ ഒന്നുമില്ലെങ്കിലും വാണിജ്യ വാഹന രംഗത്ത് പുലിക്കുട്ടൻമാരാണ് ബ്രാൻഡ്. എസ്-ക്യാബുകളെല്ലാം രാജ്യത്ത് ചൂടപ്പംപോലെയാണ് വിറ്റഴിയുന്നത്. ഇപ്പോഴിതാ ഇന്ത്യയിലെ ബിസിനസുകൾക്കും ഫ്ലീറ്റ് ഓപ്പറേറ്റർമാർക്കും വാണിജ്യ വാഹന വാങ്ങൽ കൂടുതൽ താങ്ങാനാവുന്നതും തടസരഹിതവുമാക്കുക എന്ന ലക്ഷ്യത്തോടെ ഇസൂസു മോട്ടോർ‌സ് ഇന്ത്യ ഡി-മാക്‌സ് എസ്-കാബിനായി ഒരു പുതിയ ലീസിംഗ് പ്രോഗ്രാം പ്രഖ്യാപിച്ചിരിക്കുകയാണ്. വാഹനം മുഴുവൻ തുക കൊടുത്ത് വാങ്ങാൻ സാധിക്കാത്തവർക്ക് എളുപ്പത്തിൽ ലീസിൽ മോഡൽ സ്വന്തമാക്കാം.

മോളിവുഡിലേക്ക് ആകര്‍ഷകമായ രൂപഭംഗിയും അത്യാധുനിക സവിശേഷതകളുമുള്ള ഒരു പുത്തന്‍ ജര്‍മ്മന്‍ ആഡംബര എസ്‌യുവി കൂടി എത്തിച്ചേര്‍ന്നിരിക്കുകയാണ്. മലയാള സിനിമക്ക് ചില മികച്ച സിനിമകള്‍ സമ്മാനിച്ച പ്രശസ്തമായ മേരിലാന്‍ഡ് സ്റ്റുഡിയോസിന്റെ (Merryland Studio) അമരക്കാരനും നിര്‍മാതാവുമായ വിശാഖ് സുബ്രഹ്‌മണ്യം ആണ് പുത്തന്‍ മിനി കണ്‍ട്രിമാന്‍ (MINI Countryman) സ്വന്തമാക്കിയത്. കൊച്ചിയിലെ പ്രമുഖ ലക്ഷ്വറി വാഹന ഡീലര്‍ഷിപ്പായ മിനി ഇവിഎം ഓട്ടോക്രാഫ്റ്റില്‍ നിന്നും അദ്ദേഹം വാഹനം ഡെലിവറി സ്വീകരിക്കുന്നതിന്റെ ദൃശ്യങ്ങള്‍ സോഷ്യല്‍ മീഡിയ പ്ലാറ്റ്ഫോമുകളില്‍ വലിയ രീതിയില്‍ ശ്രദ്ധ നേടുന്നുണ്ട്.

കൈലാക്, കുഷാഖ്, സ്ലാവിയ തുടങ്ങിയ ഗംഭീര മെയ്‌ഡ് ഇൻ ഇന്ത്യ കാറുകളിലൂടെ ഇന്ത്യക്കാരുടെ ഫേവറീറ്റ് ബ്രാൻഡായി മാറിയിരിക്കുകയാണ് ചെക്ക് റിപ്പബ്ലിക്കൻ വാഹന നിർമാതാക്കളായ സ്കോഡ. പണ്ടത്തെ അപേക്ഷിച്ച് മെയിന്റനെൻസ് കോസ്റ്റ് കുറവും അന്യായ സേഫ്റ്റിയുമെല്ലാം സ്കോഡ വാഹനങ്ങളെ വേറിട്ടുനിർത്തുന്ന ഘടകങ്ങളാണ്. ഒരിക്കലും മൈലേജിന്റെ പിന്നാലെ പോവാത്ത കമ്പനി ഇന്ത്യയിൽ പെട്രോൾ എഞ്ചിൻ മോഡലുകൾ മാത്രമാണ് പുറത്തിറക്കുന്നത്. എന്നാൽ ആഗോള വിപണിയിൽ കിടിലൻ ഇവികളും സ്കോഡയുടെ നിരയിലുണ്ട്. അക്കൂട്ടത്തിലേക്ക് ഒരു കുഞ്ഞൻ കോംപാക്‌ട് ഇലക്‌ട്രിക് എസ്‌യുവി കൂടി വന്നെത്തിയിരിക്കുകയാണിപ്പോൾ.

ഇന്ത്യയിലെ അതിസമ്പന്നരും സെലിബ്രിറ്റികളും ഒരേപോലെ നെഞ്ചിലേറ്റിയ ടൊയോട്ടയുടെ ഏറ്റവും വിലകൂടിയ ആഡംബര എംപിവി മോഡല്‍ ഇപ്പോള്‍ വിപണിയില്‍ അവിശ്വസനീയമായ ഒരു വില്‍പ്പന നാഴികക്കല്ല് കൂടി പിന്നിട്ടിരിക്കുകയാണ്. പ്രമുഖ ജാപ്പനീസ് വാഹന നിര്‍മ്മാതാക്കളായ ടൊയോട്ടയുടെ (Toyota) ആഡംബര വാഹനമായ വെല്‍ഫെയര്‍ (Toyota Vellfire) ആണ് ഇന്ത്യന്‍ വിപണിയില്‍ തങ്ങളുടെ സാന്നിധ്യം ശക്തമാക്കി പുതിയ റെക്കോര്‍ഡ് സ്വന്തമാക്കിയത്. ആഗോളതലത്തില്‍ വലിയ സ്വീകാര്യത നേടിയ ഈ ലക്ഷ്വറി മോഡല്‍ ഇന്ത്യയില്‍ അവതരിപ്പിച്ചതിനു ശേഷം ആദ്യമായാണ് ഇത്രയും വലിയൊരു വില്‍പ്പന നേട്ടം കൈവരിക്കുന്നത്.

ജാപ്പനീസ് വാഹന നിർമാതാക്കളായ ഹോണ്ടയുടെ ശനിദശ അവസാനിപ്പിക്കുമെന്ന് ഏവരും കരുതിയിരുന്ന മോഡലായിരുന്നു എലിവേറ്റ്. ഏറെക്കാലത്തിന് ശേഷം കമ്പനി എസ്‌യുവി വിപണിയിലേക്ക് മടങ്ങിയെത്തുന്നു എന്നതായിരുന്നു ഇത്തരത്തിൽ ആളുകളെക്കൊണ്ട് ചിന്തിപ്പിക്കാൻ കാരണമായത്. തുടക്കത്തിൽ അടിപൊളിയായി വിറ്റഴിച്ചുവെങ്കിലും സെഗ്മെന്റിലെ മോഡേൺ എതിരാളികൾക്കിടയിൽ അധികകാലം പിടിച്ചുനിൽക്കാൻ എലിവേറ്റിനായില്ല. ഹ്യുണ്ടായി ക്രെറ്റ, മാരുതി ഗ്രാൻഡ് വിറ്റാര, കിയ സെൽറ്റോസ് എന്നിവരായിരുന്നു പ്രധാന എതിരാളികളെങ്കിലും ഗിമ്മിക്ക് കാട്ടി ആളുകളെ പറ്റിക്കാനൊന്നും എലിവേറ്റ് റെഡിയല്ലായിരുന്നു എന്നതാണ് ഇതിന് പിന്നിലുണ്ടായ കാരണം. പരിചിതമായ പെട്രോൾ എഞ്ചിനും ആവശ്യത്തിന് വേണ്ടുന്ന ഫീച്ചറുകളും കുത്തിനിറച്ചെത്തിയ മോഡൽ പക്ഷേ വാങ്ങിയാൽ കുറ്റമൊന്നും കണ്ടെത്താനാവില്ല.

പുത്തന്‍ സ്‌റ്റൈലിംഗും ആധുനിക സാങ്കേതികവിദ്യകളും ഒത്തുചേരുന്ന വാഹനങ്ങള്‍ തിരയുന്ന ഇന്നത്തെ യുവതലമുറയ്ക്ക് മുമ്പില്‍ ഫീച്ചര്‍ സമ്പന്നമായ ഇലക്ട്രിക് സ്‌കൂട്ടറുകളേക്കാള്‍ മികച്ച ഒരു ചോയ്സ് വേറെയുണ്ടാകില്ല. ഇന്ത്യന്‍ ഇരുചക്ര വാഹന വിപണിയില്‍ ഇലക്ട്രിക് വിപ്ലവം അരങ്ങേറിക്കൊണ്ടിരിക്കുന്ന സാചര്യത്തില്‍ വിപണിയിലെ മുന്‍നിര ബ്രാന്‍ഡുകളായ ഏഥര്‍ എനര്‍ജി, ഓല ഇലക്ട്രിക്, ടിവിഎസ് മോട്ടോര്‍, ബജാജ് ഓട്ടോ എന്നിവ തങ്ങളുടെ അത്യാധുനിക മോഡലുകളുമായി ഇന്നത്തെ ജനറേഷന്‍ Z തലമുറയെ ആകര്‍ഷിക്കുകയാണ്. ജെന്‍ Z കിഡ്‌സിന്റെ ജീവിതശൈലിക്ക് അനുയോജ്യമായ മികച്ച പെര്‍ഫോമന്‍സും സ്മാര്‍ട്ട് കണക്റ്റിവിറ്റിയും വാഗ്ദാനം ചെയ്യുന്ന 5 മികച്ച ഇലക്ട്രിക് സ്‌കൂട്ടറുകളെ കുറിച്ച് ചുവടെ വിശദമായി വായിക്കാം.

ആക്‌സസ് എന്ന കിടിലൻ ഫാമിലി സ്‌കൂട്ടറിലൂടെ ഇന്ത്യക്കാരുടെ മനംകവർന്ന ജാപ്പനീസ് ഇരുചക്ര വാഹന നിർമാതാക്കളായ സുസുക്കിയുടെ നിരയിൽ മറ്റൊരു മിടുക്കൻ മോഡൽ കൂടിയുണ്ട്. മാക്‌സി സ്റ്റൈൽ സ്‌കൂട്ടറായ ബർഗ്മാൻ സ്ട്രീറ്റാണ് അത്. നല്ല മസ്ക്കുലർ ലുക്കും കിടിലൻ പ്രാക്‌ടിക്കാലിറ്റിയുമായി എത്തിയ മസിൽമാനെയും ആളുകൾ നെഞ്ചിലേറ്റിയിട്ടുണ്ട്. യൂത്തൻമാർക്കിടയിലാണ് ആരാധകർ കൂടുതലുള്ളതെങ്കിലും പല കാരണങ്ങളാലും ബർഗ്മാനും നല്ലൊരു ഫാമിലി സ്‌കൂട്ടർ തന്നെയാണ്. ആക്‌സസിലൂടെ കുതിച്ചുപായുന്ന ജാപ്പനീസ് ബ്രാൻഡിന് ബർമാൻ ഇരട്ടക്കരുത്താണ് നൽകുന്നത്. ഇപ്പോഴിതാ മോഡലിന്റെ വിൽപ്പനയിൽ പുതിയ നാഴികക്കല്ല് താണ്ടിയിരിക്കുകയാണ് സുസുക്കി.

ഇലക്ട്രിക് വാഹനങ്ങളിലേക്ക് പൂര്‍ണമായി ചുവടുമാറുന്നതിന് മുമ്പ് മികച്ച ഒരു 'ഇടത്താവളം' തിരയുന്നവരെ ഹൈബ്രിഡ് സാങ്കേതികവിദ്യയുടെ കരുത്തില്‍ തങ്ങളിലേക്ക് വലിച്ചടുപ്പിച്ചിരിക്കുകയാണ് പ്രമുഖ ബ്രാന്‍ഡായ ടൊയോട്ട. ഇന്ത്യയില്‍ തങ്ങളുടെ സെല്‍ഫ് ചാര്‍ജിംഗ് ഹൈബ്രിഡ് ഇലക്ട്രിക് വാഹനങ്ങളുടെ (SHEV) ആകെ വില്‍പ്പന മൂന്ന് ലക്ഷം യൂണിറ്റ് എന്ന ചരിത്രപരമായ നാഴികക്കല്ല് പിന്നിട്ടതായി ടൊയോട്ട കിര്‍ലോസ്‌കര്‍ മോട്ടോര്‍ ഔദ്യോഗികമായി പ്രഖ്യാപിച്ചു. പരിസ്ഥിതി സൗഹൃദവും ഒപ്പം ഉയര്‍ന്ന ഇന്ധനക്ഷമതയുമുള്ള കാറുകള്‍ തിരയുന്ന ഉപഭോക്താക്കള്‍ ടൊയോട്ടയുടെ സാങ്കേതികവിദ്യയില്‍ അര്‍പ്പിച്ച വിശ്വാസമാണ് ഈ നേട്ടത്തിന് പിന്നില്‍.

ഒടുവിൽ പഴയ പ്രതാപത്തിലേക്ക് പറന്നുയരാൻ ആഗ്രഹിച്ച് തുനിഞ്ഞിറങ്ങിയിരിക്കുകയാണ് ജാപ്പനീസ് വാഹന നിർമാതാക്കളായ ഹോണ്ട. അമേസ്, സിറ്റി, എലിവേറ്റ് എന്നിവരടങ്ങുന്ന മൂവർ സംഘത്തിന് കരുത്താവാൻ പുതിയൊരു ഹൈബ്രിഡ് എസ്‌‌യുവിയെ രംഗത്തിറക്കാനാണ് ഹോണ്ടയുടെ പദ്ധതി. മെയ് 22-ന് ZR-V എന്ന പുത്തൻ മോഡൽ ഔദ്യോഗികമായി രാജ്യത്ത് അരങ്ങേറ്റം കുറിക്കുന്നതായിരിക്കും. സിറ്റി സെഡാനൊപ്പം വിപണിയിലെത്താനിരിക്കുന്ന വാഹനത്തിനെയും കാത്ത് ഇവിടെ വലിയൊരു നിര തന്നെയാണ് കാത്തിരിക്കുന്നത്. അവതരണത്തിന് മണിക്കൂറുകൾ മാത്രം ബാക്കി നിൽക്കെ മോഡലിന്റെ പുതിയ ടീസർ ചിത്രം പുറത്തിറക്കി ഹൈപ്പുയർത്തിയിരിക്കുകയാണ് ഹോണ്ട.

ബോക്സി ഡിസൈനിലുള്ള കുഞ്ഞന്‍ രൂപം കണ്ട് അധികം ക്ലിക്കാകില്ലെന്ന് വിചാരിച്ചവരെ അമ്പരപ്പിച്ച് കൊണ്ട് വമ്പന്‍ വില്‍പ്പന വളര്‍ച്ചയുമായി ഇന്ത്യന്‍ ഇവി വിപണിയില്‍ വിസ്മയമാകുകയാണ് ഈ സ്മാര്‍ട്ട് കാര്‍. ജെഎസ്ഡബ്ല്യു എംജി മോട്ടോര്‍ ഇന്ത്യയുടെ (JSW MG Motor India) സ്മാര്‍ട്ട് അര്‍ബന്‍ കാറായ കോമെറ്റ് ഇവിയാണ് (Comet EV) 2026 ഏപ്രിലില്‍ രാജ്യത്ത് മികച്ച മുന്നേറ്റം നടത്തിയത്. ഓട്ടോപണ്ഡിറ്റ്സ് (Auto Punditz) പുറത്തുവിട്ട ഏറ്റവും പുതിയ വില്‍പ്പന കണക്കുകള്‍ പ്രകാരം എംജി കോമെറ്റ് ഇവി മുന്‍ വര്‍ഷത്തെ അപേക്ഷിച്ച് വന്‍ വളര്‍ച്ച നേടിയാണ് വിപണി ജനപ്രീതി വീണ്ടും തെളിയിച്ചിരിക്കുന്നത്.

ഒരുകാലത്ത് സെഡാനുകളുടെ രാജാവായി അറിയപ്പെട്ടിരുന്ന കാറായിരുന്നു ഹോണ്ട സിറ്റി. കിടിലൻ യാത്രാസുഖം, നല്ല ഡ്രൈവിംഗ് എക്സ്പീരിയൻസ്, മികച്ച ബിൽഡ് ക്വാളിറ്റി അങ്ങനെ നിരവധി ഘടകങ്ങൾ ഒന്നിച്ചെത്തുന്ന മോഡലിനെ ഇന്ത്യക്കാർ നെഞ്ചിലേറ്റിയാണ് നടന്നിരുന്നത്. സിറ്റിയിൽ വന്നിറങ്ങിയാൽ വല്ലാത്തൊരു ബഹുമാനവും ലഭിച്ചിരുന്നതിനാൽ പലരും ഇതിനെ ഒരു സ്റ്റാറ്റസ് സിമ്പലായാണ് കണ്ടിരുന്നത്. എസ്‌യുവികളുടെ വരവോടെ പ്രതാപം കുറഞ്ഞുവെങ്കിലും ഇപ്പോഴും വിപണിയിൽ ശക്തിയായ സാന്നിധ്യമാണ് സിറ്റി എന്ന സി-സെഗ്മെന്റ് സെഡാൻ. ക്ഷയിച്ചുപോയ പവർ വീണ്ടെടുക്കാൻ ഇപ്പോഴിതാ പുതുരൂപത്തിൽ ഉഗ്രപ്രതാപിയായി എത്താൻ ഒരുങ്ങിയിരിക്കുകയാണ് വാഹനം.

കുടുംബങ്ങളെ ലക്ഷ്യമിട്ടെത്തിയ ഒരു പ്രായോഗിക ഇലക്ട്രിക് സ്‌കൂട്ടര്‍ മോഡല്‍ ഇപ്പോള്‍ വിപണിയില്‍ വമ്പന്‍ വില്‍പ്പന വളര്‍ച്ചയോടെ തങ്ങളുടെ സ്ഥാനം അരക്കിട്ടുറപ്പിച്ചിരിക്കുകയാണ്. പ്രമുഖ ഇവി നിര്‍മാതാക്കളായ ഏഥര്‍ എനര്‍ജിയുടെ (Ather Energy) ആദ്യത്തെ ഫാമിലി സ്‌കൂട്ടര്‍ മോഡലായ റിസ്ത (Rizta) ആണ് രാജ്യത്ത് മികച്ച മുന്നേറ്റം തുടരുന്നത്. റഷ്ലെയ്ന്‍ (RushLane) പുറത്തുവിട്ട 2026 ഏപ്രില്‍ മാസത്തിലെ സ്‌കൂട്ടര്‍ വില്‍പ്പന കണക്കുകളിലാണ് ഏഥര്‍ റിസ്ത തങ്ങളുടെ ജനപ്രീതി തെളിയിച്ചിരിക്കുന്നത്. മുന്‍ വര്‍ഷത്തെ അപേക്ഷിച്ച് ഫാമിലി ഇലക്ട്രിക് സ്്കൂട്ടറിന്റെ വില്‍പ്പനയില്‍ വന്‍ കുതിച്ചുചാട്ടമാണ് ഇപ്പോള്‍ ദൃശ്യമാകുന്നത്.

തീയേറ്ററിൽ വലിയ ഹിറ്റാവാതെ പോയൊരു പടം പിന്നീട് ഒടിടിയിൽ എത്തിയപ്പോൾ മലയാളികൾ ഒന്നടങ്കം ഇരുകൈയും നീട്ടി സ്വീകരിച്ച കാഴ്ച്ച നാം കണ്ടതാണ്. ആദ്യഭാഗം തിയേറ്ററിൽ പരാജയം ആകുകയും, രണ്ടാം ഭാഗം ഹിറ്റ്‌ ആകുകയും ചെയുന്നത് ആദ്യമായല്ല. എങ്കിലും വൻവിജയം അർഹിച്ചിരുന്ന ഭരതനാട്യത്തിന് രണ്ടാം ഭാഗം ഒരുങ്ങുന്നുവെന്ന് കേട്ടപ്പോൾ തന്നെ ഇത് തീയേറ്ററിൽ തന്നെ പോയി കാണുമെന്ന് മലയാളികൾ അന്നേ മനസിൽ ഉറപ്പിച്ചതാണ്. ആദ്യ ഭാഗത്തിന്റെ പരാജയം പലിശ സഹിതം തീര്‍ത്തു കൊണ്ടാണ് ഭരതനാട്യം 2 മോഹിനിയാട്ടം ബംബർ ഹിറ്റായത്.

ഇന്ത്യന്‍ ഇരുചക്ര വാഹന വിപണിയിലെ സ്‌കൂട്ടര്‍ സെഗ്മെന്റില്‍ മുമ്പ്് വലിയ ചലനങ്ങള്‍ സൃഷ്ടിക്കാതിരുന്ന ഒരു മോഡല്‍ ഇപ്പോള്‍ വിപണി വിദഗ്ധരെപ്പോലും അമ്പരിപ്പിച്ചുകൊണ്ട് മുന്‍നിരയിലേക്ക് കുതിച്ചെത്തിയിരിക്കുകയാണ്. പ്രമുഖ ഇരുചക്ര വാഹന നിര്‍മാതാക്കളായ ഹീറോ മോട്ടോകോര്‍പ്പിന്റെ (Hero MotoCorp) ഫാമിലി സ്‌കൂട്ടര്‍ മോഡലായ ഡെസ്റ്റിനി (Destini) ആണ് ഇന്ത്യന്‍ വിപണിയില്‍ അവിശ്വസനീയമായ വില്‍പ്പന വളര്‍ച്ച രേഖപ്പെടുത്തിയിരിക്കുന്നത്. റഷ്ലെയ്ന്‍ (RushLane) പുറത്തുവിട്ട ഏറ്റവും പുതിയ വില്‍പ്പന റിപ്പോര്‍ട്ട് പ്രകാരം 2026 ഏപ്രില്‍ മാസത്തില്‍ രാജ്യത്ത് ഏറ്റവും വേഗത്തില്‍ വളരുന്ന സ്‌കൂട്ടറായി മാറിയിരിക്കുന്നത് ഹീറോ ഡെസ്റ്റിനി.

സ്റ്റാർട്ടപ്പ് ബ്രാൻഡുകൾ തുടങ്ങിവെച്ച ഇലക്‌ട്രിക് ഇരുചക്ര വാഹന വിപണിയെ (Electric Two Wheeler Segment) കൈപിടിച്ചുയർത്തിയിരിക്കുകയാണ് രാജ്യത്തെ പ്രമുഖ ടൂവീലർ ബ്രാൻഡുകൾ. ടിവിഎസ്, ബജാജ്, ഹീറോ മോട്ടോകോർപ്, യമഹ, സുസുക്കി, ഹോണ്ട തുടങ്ങിയ വമ്പൻമാരെല്ലാം ഇപ്പോൾ കളത്തിലിറങ്ങിയിട്ടുണ്ട്. കൂട്ടത്തിൽ ഏറ്റവും കച്ചവടവുമായി ബജാജും ടിവിഎസുമാണ് മുൻനിരയിലുള്ളത്. പെട്രോൾ സ്കൂട്ടറുകളോട് മത്സരിച്ചാണ് ഇവി വിപണിയും ഇരുവരും കൈപ്പിടിയിലാക്കിയത്. എന്നാൽ സ്കൂട്ടർ സെഗ്മെന്റിലെ രാജാക്കൻമാരായ ഹോണ്ടയ്ക്ക് മാത്രം കാര്യമായി ക്ലച്ചുപിടിക്കാനായില്ലെന്നതാണ് സത്യം. ഇന്ത്യയിൽ കൊണ്ടുവന്ന ആക്‌ടിവ ഇവി എട്ടുനിലയിൽ പൊട്ടുന്ന കാഴ്ച്ചയാണ് കാണാനായത്.