വില കൂടിയ ആഡംബര വാഹനങ്ങൾ സ്വന്തമാക്കാൻ താത്പര്യമില്ലാത്തവരുണ്ടോ അല്ലേ. സെലിബ്രിറ്റികളും വലിയ വ്യവസായി പ്രമുഖരുമെല്ലാം ഇത്തരം കാറുകൾ വാങ്ങുന്ന വാർത്തകൾ നാം സ്ഥിരമായി കാണാറും കേൾക്കാറുമുള്ളതാണ്. ലക്ഷ്വറി വാഹനങ്ങളിലെ കൊമ്പനായി അറിയപ്പെടുന്ന മോഡലാണ് ലാൻഡ് റോവർ ഡിഫൻഡർ. ബ്രിട്ടീഷ് ആഡംബര വാഹന നിർമാതാക്കളായ ലാൻഡ് റോവറിൻ്റെ ഐതിഹാസിക മോഡൽ 2020-ലാണ് ഇന്ത്യൻ നിരത്തുകളിൽ തിരികെയെത്തുന്നത്. പിന്നീട് മിക്കവരും ഈയൊരു എസ്‌യുവി വാങ്ങിക്കൂട്ടാൻ മത്സരിക്കുകയായിരുന്നു. 90, 110,130 എന്നീ മൂന്ന് വ്യത്യസ്‌ത ബോഡി ശൈലിയിൽ ഡിഫൻഡർ ഇന്ത്യയിൽ വാങ്ങാനും കിട്ടും.

ദേശീയപാതകളിലൂടെയുള്ള യാത്രകളില്‍ ഇനി നിങ്ങളുടെ കൈയ്യില്‍ പണമില്ലെന്ന് കരുതി ബേജാറാകേണ്ടതില്ല, പക്ഷേ ഡിജിറ്റല്‍ വാലറ്റില്‍ പണമില്ലെങ്കില്‍ പണി കിട്ടും. രാജ്യത്തെ ടോള്‍ പ്ലാസകള്‍ 2026 ഏപ്രില്‍ 1 മുതല്‍ പൂര്‍ണമായും '' ആകാന്‍ ഒരുങ്ങുകയാണ്. ഡിജിറ്റലായി മാത്രം ടോള്‍ സ്വീകരിക്കുന്ന പുതിയ പരിഷ്‌കാരം നടപ്പിലാക്കുന്നതോടെ ടോള്‍ ബൂത്തുകളിലെ പണമിടപാടുകള്‍ക്ക് അന്ത്യം കുറിക്കാനാണ് ദേശീയപാത അതോറിറ്റി (NHAI) പദ്ധതിയിടുന്നത്. നിലവിലുള്ള ടോള്‍ പ്ലാസകളില്‍ ഫാസ്ടാഗ് (FASTag), യുപിഐ (UPI) എന്നിവ വഴി മാത്രം പണമടയ്ക്കാനുള്ള സാധ്യതയാണ് ദേശീയപാത അതോറിറ്റി (NHAI) ഇപ്പോള്‍ ഗൗരവമായി പരിഗണിക്കുന്നത്.

സാഹസികത സിരകളിലോടുന്ന ഓഫ്-റോഡ് പ്രേമികളുടെ നെഞ്ചിടിപ്പ് കൂട്ടാന്‍ ഇസൂസു വി-ക്രോസിന്റെ (Isuzu V-Cross) 2026 പതിപ്പ് ഇന്ത്യന്‍ നിരത്തുകളിലെത്തി. കേവലം ഒരു പിക്ക്-അപ്പ് ട്രക്ക് എന്നതിനപ്പുറം, വെല്ലവിളികള്‍ നിറഞ്ഞ പരുക്കന്‍ ട്രാക്കുകള്‍ കാല്‍ക്കീഴിലാക്കാന്‍ ശേഷിയുള്ള ഒരു ലൈഫ്സ്റ്റൈല്‍ വാഹനമായി വി-ക്രോസിനെ ഇസൂസു അടിമുടി മാറ്റിക്കഴിഞ്ഞു. പ്രീമിയം ലൈഫ്‌സ്‌റ്റൈല്‍ പിക്ക്-അപ്പ് ട്രക്ക് എന്ന പദവി നിലനിര്‍ത്തിക്കൊണ്ട് തന്നെ, ഡിസൈനിലും സാങ്കേതികവിദ്യയിലും വലിയ മാറ്റങ്ങളുമായാണ് പുതിയ വി-ക്രോസ് എത്തിയിരിക്കുന്നത്. 2026 ഇസൂസു വി-ക്രോസിന്റെ വിലയും ലൈഫ്‌സ്‌റ്റൈല്‍ വാഹനത്തില്‍ കമ്പനി നടപ്പാക്കിയ അപ്‌ഡേറ്റുകളും അറിയാന്‍ തുടര്‍ന്ന് വായിക്കാം.

ഇന്ത്യയില്‍ പെട്രോള്‍ വില ഉയരുകയും വിവിധ തരത്തിലുള്ള ഇന്ധന ഓപ്ഷനുകള്‍ ലഭ്യമാകുകയും ചെയ്തതോടെ, പഴയ പെട്രോള്‍ കാറുകളില്‍ പ്രീമിയം പെട്രോള്‍ ഉപയോഗിക്കണമോയെന്ന സംശയം വാഹന ഉടമകളില്‍ വ്യാപകമാണ്. പ്രത്യേകിച്ച് കേരളത്തില്‍ വാഹനങ്ങളുടെ ശരാശരി 'പ്രായം' കൂടുതലായതിനാല്‍ ഈ ചോദ്യം കൂടുതല്‍ പ്രസക്തമാണ്. നഗര-ഗ്രാമ വ്യത്യാസമില്ലാതെ 10 മുതല്‍ 15 വര്‍ഷം പഴക്കമുള്ള പെട്രോള്‍ കാറുകള്‍ ഇപ്പോഴും വ്യാപകമായി നമ്മുടെ നാട്ടില്‍ ഉപയോഗിക്കുന്നു. പരിപാലന ചെലവ് ഉയരുന്ന സാഹചര്യത്തില്‍ പ്രീമിയം പെട്രോളിന്റെ ഉപയോഗം യാഥാര്‍ത്ഥ്യത്തില്‍ ഗുണകരമാണോ എന്ന് ഈ ലേഖനത്തില്‍ നമുക്ക് വിശദമായി പരിശോധിക്കാം.

ഇലക്ട്രിക് വാഹനം (Electric Vehicles) എപ്പോഴും 100% വരെ ചാര്‍ജ് ചെയ്യുന്ന ശീലമുളളവരാണോ നിങ്ങള്‍?. എങ്കില്‍ സൂക്ഷിക്കുക, അറിയാതെയാണെങ്കിലും നിങ്ങള്‍ സ്വന്തം ഇവിയുടെ ബാറ്ററി ആയുസ് കുറയ്ക്കുകയാണ്. സ്മാര്‍ട്ട്‌ഫോണുകളെ പോലെ തന്നെ ഇലക്ട്രിക് വാഹനങ്ങളുടെ കാര്യത്തിലും '80 ശതമാനം ചാര്‍ജിംഗ് നിയമം' (80% Charging rule) പാലിക്കുന്നത് ബാറ്ററി ഹെല്‍ത്ത് നിലനിര്‍ത്താനും ദീര്‍ഘകാലാടിസ്ഥാനത്തില്‍ വലിയ സാമ്പത്തിക ലാഭമുണ്ടാക്കാനും ഇവി ഉടമകളെ സഹായിക്കുമെന്നാണ് വിദഗ്ധര്‍ പറയുന്നത്. 80% ചാര്‍ജിംഗ് നിയമം പാലിച്ചാലുള്ള ഗുണങ്ങള്‍ എന്തൊക്കെയാണെന്ന് ചുവടെ വിശദമായി വായിക്കാം.

ദീര്‍ഘദൂര യാത്രകളില്‍ ക്ഷീണവും മടുപ്പുമില്ലാതിരിക്കാന്‍ ആഗ്രഹിക്കുന്നവരാണ് എല്ലാവരും. ഒട്ടുമിക്ക കാര്‍ കമ്പനികളും ചില കംഫര്‍ട്ട് ഫീച്ചറുകള്‍ ഫ്രണ്ട് സീറ്റുകളില്‍ മാത്രമായിരിക്കും നല്‍കുക. യാത്രക്കാരന്റെ ഇഷ്ടാനുസരണം സീറ്റ് ചരിക്കാന്‍ പറ്റുന്ന ഫംഗ്ഷന്‍ അത്തരത്തില്‍ ഒന്നാണ്. റിയര്‍ റിക്ലൈനിംഗ് സീറ്റുകള്‍ മുമ്പ് പ്രീമിയം കാറുകളില്‍ മാത്രം കണ്ടിരുന്ന ഒരു ഫീച്ചര്‍ ആയിരുന്നു. എന്നാല്‍ ഇപ്പോള്‍ കുറഞ്ഞ വിലയുള്ള ചില എസ്‌യുവികളിലും എംപിവികളിലു ഈ സൗകര്യം ലഭിക്കുന്നുണ്ട്. ഫാമിലി ട്രിപ്പുകളും ഔട്ടിങ്ങുകളും കൂടുതല്‍ സൗകര്യപ്രദമാക്കാന്‍ ഈ ഫീച്ചര്‍ സഹായിക്കുന്നു. 2026-ല്‍ റിക്ലൈനിംഗ് സീറ്റുകള്‍ ലഭിക്കുന്ന ഏറ്റവും മികച്ച ബജറ്റ് ഫ്രണ്ട്‌ലി കാറുകള്‍ ഏതൊക്കെയാണെന്ന് നോക്കാം.

ഇന്നത്തെ കാലത്ത് ഏറ്റവും കൂടുതല്‍ വിലയുള്ളത് സ്വര്‍ണത്തിനാണെന്ന് വേണമെങ്കില്‍ പറയാം. സ്വര്‍ണത്തേക്കാള്‍ മൂല്യമുള്ള ഒന്നാണ് സമയം. പലരും സമയത്തിന്റെ വില വൈകിയാണ് മനസിലാക്കുന്നതെന്ന് മാത്രം. ഒരു ഇലക്ട്രിക് വാഹനം വാങ്ങാന്‍ ഒരുങ്ങുന്ന ഒരാള്‍ക്ക് എന്തായാലും സമയത്തിന്റെ വിലയെ കുറിച്ച് നല്ല ബോധ്യമുണ്ടാകും. ഇന്ന് ഒരാള്‍ ഇലക്ട്രിക് വാഹനം വാങ്ങുമ്പോള്‍ റേഞ്ച് പോലെ തന്നെ പരിഗണിക്കുന്ന ഒന്നാണ് ചാര്‍ജിംഗ് സമയം. അതുകൊണ്ട് തന്നെ ഇന്ത്യന്‍ വിപണിയില്‍ ഉപഭോക്തൃ തീരുമാനങ്ങളെ സ്വാധീനിക്കുന്ന പ്രധാന ഘടകങ്ങളില്‍ ഒന്നായി 'ഫാസ്റ്റ് ചാര്‍ജിംഗ്' മാറിക്കഴിഞ്ഞു.

ഇലക്‌ട്രിക് കാർ (Electric Car) വിപണിയിൽ എതിരാളികളെയെല്ലാം ഏഴയലത്ത് അടുപ്പിക്കാതെ കുതിച്ച് മുന്നേറുകയാണ് ടാറ്റ മോട്ടോർസ്. അടുത്തിടെ പുറത്തിറക്കിയ പുതിയ പഞ്ച് ഫെയ്‌സ്‌ലിഫ്റ്റിൻ്റെ വരവ് ബ്രാൻഡിന് കൂടുതൽ കരുത്താവുമെന്നതിൽ സംശയമൊന്നുമില്ല. മുമ്പുണ്ടായിരുന്നതിലും കുറഞ്ഞ വിലയ്ക്ക് പുതുമോഡൽ നൽകിക്കൊണ്ട് ആളുകളെ മനസറിഞ്ഞ് സ്നേഹിക്കാനും ടാറ്റ തീരുമാനിച്ചിരുന്നു. ഇപ്പോഴിതാ ഇവികളുടെ വില കൂടുതൽ കുറയ്ക്കാനുള്ള പദ്ധതികൾ നടപ്പിലാക്കാൻ പോവുകയാണ് കമ്പനി. എങ്ങനെയാണന്നല്ലേ, വൈദ്യുത വാഹന രംഗത്തെ മുഖ്യശത്രുവായ എംജി മോട്ടോർസ് തുടങ്ങിവെച്ച ബാറ്ററി-ആസ്-എ-സർവീസ് (BaaS) പരിപാടി തുടങ്ങി വെച്ചിരിക്കുകയാണ് ടാറ്റ.

രാജ്യത്തെ പ്രമുഖ ഇലക്ട്രിക് ഇരുചക്ര വാഹന നിര്‍മാതാക്കളായ ഏഥര്‍ എനര്‍ജി തങ്ങളുടെ ജനപ്രിയ ഫാമിലി സ്‌കൂട്ടറായ റിസ്തക്ക് (Ather Rizta) ആകര്‍ഷകമായ എക്‌സ്‌ചേഞ്ച് ഓഫറുകളും ആനുകൂല്യങ്ങളും പ്രഖ്യാപിച്ചു. പഴയ പെട്രോള്‍ വാഹനങ്ങള്‍ മാറി പുതിയ ഇലക്ട്രിക് സ്‌കൂട്ടര്‍ വാങ്ങാന്‍ ആഗ്രഹിക്കുന്നവര്‍ക്ക് ഇതൊരു സുവര്‍ണാവസരമാണ്. പഴയ വാഹനങ്ങള്‍ക്ക് ആകെ 34,000 രൂപ വരെയാണ് എക്‌ചേഞ്ച് മൂല്യമായി കമ്പനി നല്‍കുന്നത്. ബെംഗളൂരു ആസ്ഥാനമായി പ്രവര്‍ത്തിക്കുന്ന സ്റ്റാര്‍ട്ടപ്പ് കമ്പനിയുടെ ബെസ്റ്റ് സെല്ലറായ റിസ്ത എക്‌സ്‌ചേഞ്ചില്‍ വാങ്ങുമ്പോള്‍ എത്ര രൂപ വരെ ലാഭിക്കാമെന്നും കൂടെ മറ്റെന്തെല്ലാം ആനുകൂല്യങ്ങള്‍ ലഭിക്കുമെന്നും ഈ ലേഖനത്തില്‍ വായിക്കാം.

ഇന്ത്യയിലെ എസ്‌യുവി നിരയിലെ വല്യേട്ടൻമാരാണ് ഡി-സെഗ്മെൻ്റ് സ്പോർട് യൂട്ടിലിറ്റി വാഹന നിരയിലുള്ളത്. ഏതുതരം റോഡുകളിലും അന്യായ പെർഫോമൻസ് തരുന്ന ഈ മിടുക്കൻമാർ ഓഫ്-റോഡിംഗിന് വരെ അനുയോജ്യമാണ്. പണ്ട് ഫോർഡ് എൻഡവറും ടൊയോട്ട ഫോർച്യൂണറും മത്സരിച്ചുകൊണ്ടിരുന്ന ഈ വിഭാഗം ഇന്ന് വൈവിധ്യമാർന്ന മോഡലുകളാൽ സമ്പന്നമാണ്. രാജ്യത്തെ പ്രമുഖ വാഹന നിർമാതാക്കളെല്ലാം സാന്നിധ്യമറിയിച്ചിട്ടുള്ള സെഗ്മെന്റ് പക്ഷേ എല്ലാവർക്കും തിളങ്ങാനിയിട്ടില്ലെന്നതും സത്യമാണ്. മഹീന്ദ്ര ആൾട്യൂറാസ് G4 പോലുള്ള വമ്പൻമാർ മൂക്കുകിത്തി വീണതും ഇതേ നിരയിലാണ്. ഇന്ന് 2026-ൽ ഇന്ത്യയിൽ വാങ്ങിക്കാൻ പറ്റിയ ചില കിടിലൻ ഫുൾ-സൈസ് എസ്‌യുവികളെ ഒന്ന് പരിചയപ്പെട്ടാലോ?

കഴിവുണ്ടെങ്കില്‍ സോഷ്യല്‍ മീഡിയ ഇത്രകണ്ട് പ്രചാരത്തിലുള്ളപ്പോള്‍ സംഗീതലോകത്ത് തങ്ങളുടേതായ ഇടം കണ്ടെത്താന്‍ യാതൊരു പ്രയാസവുമില്ലെന്ന് തെളിയിച്ച യുവ ഗായകരാണ് കിഷോര്‍ മണ്ഡലും സഹോദരന്‍ കൃഷ് മണ്ഡലും. സോഷ്യല്‍ മീഡിയ ഉപയോഗിക്കുന്നവര്‍ക്ക് ഇവര്‍ സുപരിചിതരാകും. കൃഷ് മണ്ഡലിന് വെറും ഏഴ് വയസ് മാത്രമാണ് പ്രായം. എന്നാല്‍ മുതിര്‍ന്ന ഗായകര്‍ക്ക് പോലും പാടാന്‍ വെല്ലുവിളിയുള്ള ഗാനങ്ങള്‍ അനായാസം പാടാനുള്ള കഴിവാണ് കൊച്ചു ബാലനെ വേറിട്ട് നിര്‍ത്തുന്നത്. സഹോദരന്‍ കിഷോര്‍ മണ്ഡലിനൊപ്പം വീട്ടിലെ കട്ടിലും മറ്റും ഇരുന്ന് പാടുന്ന വീഡിയോകള്‍ക്ക് സോഷ്യല്‍ മീഡിയയില്‍ വന്‍ സ്വീകാര്യതയാണ് ലഭിക്കുന്നത്. ഇപ്പോള്‍ വൈറല്‍ ഗായകര്‍ സ്വപ്നവാഹനം സ്വന്തമാക്കിയതായാണ് റിപ്പോര്‍ട്ടുകള്‍.

വീട്ടുകാരോ കൂട്ടുകാരോ ഒന്നിച്ച് യാത്ര പോവാൻ ഇഷ്‌ടപ്പെടാത്തവർ ഉണ്ടാവില്ലല്ലോ അല്ലേ. സാധാരണ എല്ലാവർക്കും സ്വന്തമായി കാറുണ്ടെങ്കിലും ഒരു ഏഴ് പേർ ഒന്നിച്ച് യാത്ര പോവണമെന്ന് വിചാരിച്ചാൽ പലരുടേയും കൈയിൽ അതുണ്ടാവണമെന്നില്ല. അത്തരമൊരു സാഹചര്യത്തിൽ വണ്ടി വാടകയ്ക്ക് എടുത്ത് പോവാനാണ് പലരും ശ്രമിക്കാറ്. ഒരു ഏഴ് സീറ്റർ വാങ്ങണേൽ നല്ല കാശ് വേണമെന്ന് വിചാരിച്ച് പലരും ആ സ്വപ്‌നം പാതിവഴിയിൽ ഉപേക്ഷിച്ചവരായിരിക്കാം. എന്നാൽ ഇന്ന് ഒരു സാധാരണ ഹാച്ച്ബാക്കിൻ്റെ വിലയ്ക്ക് പോലും 7-സീറ്ററുകൾ സുലഭമായി കിട്ടുമെന്നത് പലരും ഓർമിക്കാറില്ല. ഇന്ന് രാജ്യത്തെ ഏറ്റവും കുറഞ്ഞ വിലയുള്ള അത്തരം കാറുകളെ നിങ്ങൾക്കായി പരിചയപ്പെടുത്തി തരാം.

ജാപ്പനീസ് ബ്രാന്‍ഡ് ആയ നിസാന്‍ ഏതാനും ദിവസങ്ങള്‍ക്ക് മുമ്പാണ് താങ്ങാവുന്ന വിലയില്‍ ഗ്രാവൈറ്റ് 7 സീറ്റര്‍ എംപിവി ഇന്ത്യന്‍ വിപണിയില്‍ എത്തിച്ചത്. ഇന്ത്യക്കാര്‍ക്കിടയില്‍ ഇതിനോടകം വലിയ പ്രതീക്ഷകള്‍ സൃഷ്ടിച്ച ഫാമിലി കാറിന്റെ ബുക്കിംഗ് രാജ്യത്തുടനീളം പുരോഗമിക്കുകയാണ്. താല്‍പര്യമുള്ള ഉപഭോക്താക്കള്‍ക്ക് 11,000 രൂപ ടോക്കണ്‍ തുക നല്‍കി ഉപഭോക്താക്കള്‍ക്ക് ഇപ്പോള്‍ ഈ വാഹനം ബുക്ക് ചെയ്യാവുന്നതാണ്. അടുത്ത മാസം (2026 മാര്‍ച്ച്) മുതല്‍ ഗ്രാവൈറ്റിന്റെ കസ്റ്റമര്‍ ഡെലിവറി തുടങ്ങുമെന്ന് നിസാന്‍ ഔദ്യോഗികമായി അറിയിച്ചു. ഏതാനും ദിവസങ്ങള്‍ക്കുള്ളില്‍ നിസാനിന്റെ ഈ പുത്തന്‍ മോഡല്‍ നമുക്ക് നിരത്തുകളില്‍ കാണാനാകും.

യൂത്തൻമാർക്കിടയിൽ വമ്പൻ പ്രശസ്‌തിയുമായി മുന്നേറുകയാണ് റെട്രോ ക്ലാസിക് മോട്ടോർസൈക്കിൾ നിർമാതാക്കളായ റോയൽ എൻഫീൽഡ്. പണ്ട് വൈബ്രേഷനും തകരാറുകളും കാരണം പലരും പൊറുതിമുട്ടിയിട്ടുണ്ടെങ്കിലും എൻഫീൽഡിൻ്റെ മോഡേൺ ബൈക്കുകളെല്ലാം ഇക്കാര്യത്തിൽ മിടുക്കൻമാരായിട്ടുണ്ട്. ഉപഭോക്താക്കളുടെ ഫീഡ്ബാക്കിന് അനുസരിച്ച് മോഡലുകളിൽ മാറ്റങ്ങൾ കൊണ്ടുവരാനും ബ്രാൻഡ് പ്രത്യേകം ശ്രമിക്കാറുണ്ട്. പുതിയ ഹണ്ടർ പുറത്തിറക്കിയപ്പോൾ മോശം അഭിപ്രായങ്ങൾ ലഭിച്ച റിയർ സസ്പെൻഷൻ എല്ലാം മാറ്റിയത് ഇതിന് ഉദാഹരമാണ്. അതുപോലൊരു മാറ്റം ഇപ്പോഴിതാ ഹിമാലയൻ 450 അഡ്വഞ്ചർ ടൂററിലേക്കും (Royal Enfield Himalayan 450 Adventure Tourer) അവതരിപ്പിച്ചിരിക്കുകയാണ് കമ്പനി.

ഒരു ഇലക്ട്രിക് കാര്‍ വാങ്ങുമ്പോള്‍ നമ്മള്‍ ആദ്യം നോക്കുന്നത് റേഞ്ചും വിലയുമാണ്. ഈ രണ്ട് കാര്യങ്ങളിലും ഔട്ട്‌ഗോയിംഗ് മോഡലിനേക്കാള്‍ ഒരുപടി മുന്നിലാണ് പുതിയ 2026 ടാറ്റ പഞ്ച് ഇവി ഫേസ്‌ലിഫ്റ്റ്. 2024-ല്‍ വിപണിയിലെത്തിയ ഇലക്ട്രിക് മൈക്രോ എസ്‌യുവിക്ക് ലഭിച്ച ആദ്യ സുപ്രധാന അപ്‌ഡേറ്റ് ആണിത്. ഫുള്‍ ചാര്‍ജില്‍ 468 കിലോമീറ്റര്‍ റേഞ്ച് വാഗ്ദാനം ചെയ്യുന്ന പുതിയ പതിപ്പ്, പ്രാരംഭ വിലയുടെ കാര്യത്തിലും ഉപഭോക്താക്കളെ ഞെട്ടിക്കുന്നു. പോരായ്മകള്‍ പരിഹരിച്ച് എത്തിയ പുതിയ പഞ്ച് ഇവി ഫേസ്ലിഫ്റ്റും പഴയ പതിപ്പും തമ്മിലുള്ള പ്രധാനപ്പെട്ട ചില മാറ്റങ്ങള്‍ താഴെ വായിക്കാം.

ഇന്ത്യക്കാരുടെ കാർ എന്ന സങ്കൽപ്പങ്ങളെല്ലാം പൊളിച്ചെഴുതിയ മിടുക്കനാണ് എംജിയുടെ കോമെറ്റ് ഇവി (MG Comet EV). സിറ്റി യാത്രകൾക്ക് ഉതകുന്ന തരത്തിലുള്ള രൂപവും ചെറിയ വിലയും ബാറ്ററി ഹൃദയവുമെല്ലാമായി എത്തിയ മിടുക്കനെ വേഗത്തിലാണ് ആളുകൾ നെഞ്ചിലേറ്റിയത്. ടാറ്റ നാനോയ്ക്ക് ലഭിക്കാതെ പോയ നേട്ടങ്ങളെല്ലാം ഈ ഇവി അതിവേഗത്തിലാണ് സ്വന്തമാക്കിയത്. ഇന്ന് സ്ത്രീകളുടെ വരെ പ്രിയങ്കരനായി മുന്നേറുന്ന കോമെറ്റ് (Comet Electric Car) ഇന്ത്യൻ വിപണിയിൽ ലഭ്യമായ ഏറ്റവും താങ്ങാനാവുന്ന വിലയിൽ വാങ്ങാൻ കഴിയുന്ന ഇലക്ട്രിക് കാറുകളിൽ ഒന്നുകൂടിയാണ് കേട്ടോ.

ഇന്ത്യന്‍ വിപണിയില്‍ വലിയ കുടുംബങ്ങള്‍ക്ക് കുറഞ്ഞ ചിലവില്‍ യാത്ര ചെയ്യാന്‍ പറ്റുന്ന മള്‍ട്ടി പര്‍പ്പസ് വാഹനങ്ങള്‍ക്ക് (എംപിവി) പ്രിയമേറുകയാണ്. പെട്രോള്‍ വില 100 രൂപക്ക് മുകളില്‍ തന്നെ തുടരുന്ന സാഹചര്യത്തില്‍ മികച്ച ഇന്ധനക്ഷമതയും കൂടുതല്‍ പേരെ ഉള്‍ക്കൊള്ളുകയും ചെയ്യുന്ന സിഎന്‍ജി എംപിവികളാണ് കൂടുതല്‍ പേരും തിരഞ്ഞെടുക്കുന്നത്. നിലവില്‍ ഇന്ത്യയില്‍ ലഭ്യമായ ഏറ്റവും മികച്ച 5 സിഎന്‍ജി എംപിവികള്‍ ഞങ്ങള്‍ പട്ടികപ്പെടുത്തിയിട്ടുണ്ട്. ഇന്ത്യയിലെ പ്രമുഖ ബ്രാന്‍ഡുകള്‍ പുറത്തിറക്കുന്ന ആ ഫാമിലി കാറുകള്‍ ഏതൊക്കെയാണെന്ന് അറിയാന്‍ തുടര്‍ന്ന് വായിക്കാം.

എന്‍ട്രി ലെവല്‍ ഇലക്ട്രിക് കാറുകള്‍ സിറ്റി ഡ്രൈവുകള്‍ക്ക് മാത്രമുള്ളതാണെന്ന ധാരണ തിരുത്തിക്കൊണ്ട് വലിയ ബാറ്ററി പായ്ക്കും പ്രീമിയം ഫീച്ചറുകളുമായി ടാറ്റ പഞ്ച് ഇവി ഫെയ്സ്ലിഫ്റ്റ് ഇന്ന് പുറത്തിറങ്ങിയിരിക്കുകയാണ്. ഇലക്ട്രിക് വാഹനത്തിന്റെ വിലയേക്കാള്‍ ഏവരെയും ആകര്‍ഷിക്കുന്നത് ടാറ്റ പുതുതായി അവതരിപ്പിച്ച ബാറ്ററി സബ്‌സ്‌ക്രിപ്ഷന്‍ പ്ലാനാണ്. എംജി ആദ്യമായി ഇന്ത്യയില്‍ അവതരിപ്പിച്ച ഈ പദ്ധതി തങ്ങളുടെ കന്നി ഇവിയായ ഇ-വിറ്റാരയിലൂടെ മാരുതി സുസുക്കിയും ഏറ്റെടുത്തിരുന്നു. പഞ്ച് ഇവിയിലൂടെ ടാറ്റ കൊണ്ടുവന്ന ബാറ്ററി സബ്സ്‌ക്രിപ്ഷന്‍ സ്‌കീമിന്റെ പ്രവര്‍ത്തന രീതി എങ്ങിനെയാണെന്നും റണ്ണിംഗ് കോസ്റ്റും എത്ര വരുമെന്നും ഈ ലേഖനത്തില്‍ വിശദമായി വായിക്കാം.

ഇന്ത്യയിലെ മള്‍ട്ടി പര്‍പ്പസ് വാഹന (MPV) വിഭാഗത്തില്‍ കിടമത്സരത്തിന് വഴിയൊരുക്കി കൊണ്ട് പുതിയ നിസാന്‍ ഗ്രാവൈറ്റ് (Nissan Gravite) പുറത്തിറങ്ങി. കുറഞ്ഞ ചിലവില്‍ കൂടുതല്‍ സൗകര്യം ആഗ്രഹിക്കുന്ന ഉപഭോക്താക്കളെ ലക്ഷ്യമിട്ടാണ് ഈ ജാപ്പനീസ് മോഡലിന്റെ വരവ്. വിപണിയില്‍ നിലവില്‍ ആധിപത്യം പുലര്‍ത്തുന്ന മാരുതി സുസുക്കി എര്‍ട്ടിഗയുമായാണ് (Maruti Suzuki Ertiga) നിസാന്‍ ഗ്രാവൈറ്റ് പ്രധാന മത്സരം. രണ്ട് വാഹനങ്ങളും വ്യത്യസ്ത പ്രൈസ് റേഞ്ചിലാണ് എത്തുന്നതെങ്കിലും പ്രായോഗികതയുടെ കാര്യത്തില്‍ സമന്‍മാരാണ് രണ്ട് മോഡലുകളും.

ഔട്ട്‌ഗോയിംഗ് മോഡലിനേക്കാള്‍ കുറഞ്ഞ വിലയില്‍ പഞ്ച് ഇവിയുടെ ഫെയ്‌സ്‌ലിഫ്റ്റ് പതിപ്പ് പുറത്തിറക്കി ഇന്ത്യന്‍ പാസഞ്ചര്‍ ഇലക്ട്രിക് വാഹന വിഭാഗത്തെ ഞെട്ടിച്ച് ടാറ്റ മോട്ടോര്‍സ്. വലിയ ബാറ്ററി പായ്ക്ക്, കൂടുതല്‍ റേഞ്ച്, അത്യാധുനിക ഫീച്ചറുകള്‍ എന്നിവയുമായാണ് പുതിയ പഞ്ച് ഇവി ഫെയ്സ്ലിഫ്റ്റ് ലോഞ്ച് ചെയ്തിരിക്കുന്നത്. ഇന്ത്യയിലെ എന്‍ട്രി ലെവല്‍ ഇലക്ട്രിക് എസ്യുവി വിഭാഗത്തില്‍ ടാറ്റയുടെ സ്വാധീനം വര്‍ധിപ്പിക്കാന്‍ ഈ അപ്ഡേറ്റ് സഹായിക്കുമെന്നാണ് വിപണിയിലെ വിലയിരുത്തല്‍. പുതിയ ടാറ്റ പഞ്ച് ഇവി ഫേസ്‌ലിഫ്റ്റിന്റെ വില, ബാറ്ററി, റേഞ്ച്, ഫീച്ചറുകള്‍ എന്നിവയടക്കമുള്ള വിശദ വിവരങ്ങള്‍ ചുവടെ വായിക്കാം.

രാജ്യത്തെ കാര്‍ മാര്‍ക്കറ്റില്‍ കേട്ടുകേള്‍വിയില്ലാത്ത ഒരു ഓഫര്‍ പ്രഖ്യാപിച്ച് സിട്രണ്‍ ഡീലര്‍ഷിപ്പാണ് ഇപ്പോള്‍ സോഷ്യല്‍ മീഡിയയില്‍ വൈറല്‍. തുണിത്തരങ്ങളോ ഗൃഹോപകരണങ്ങളോ വിറ്റഴിക്കുന്ന പോലെ 'ഒന്നെടുത്താല്‍ ഒന്ന് ഫ്രീ' ഓഫറിട്ട് കാറുകള്‍ വിറ്റഴിക്കുകയായിരുന്നു സിട്രണ്‍ ഡീലര്‍ഷിപ്പ്. ഫ്രഞ്ച് ബ്രാന്‍ഡ് പുറത്തിറക്കുന്ന പ്രീമിയം എസ്‌യുവി മോഡലായ C5 എയര്‍ക്രോസ് വാങ്ങുന്നവര്‍ക്ക് C3 X തികച്ചും സൗജന്യമായി നല്‍കുന്ന 'ബൈ വണ്‍ ഗെറ്റ് വണ്‍' ഓഫറാണ് ഇപ്പോള്‍ സോഷ്യല്‍ മീഡിയയില്‍ വൈറല്‍. ദക്ഷിണേന്ത്യയിലെ ഒരു ഡീലര്‍ഷിപ്പ് പുറത്തുവിട്ട പരസ്യമാണ് വാഹനപ്രേമികള്‍ക്കിടയില്‍ ചര്‍ച്ചയായത്.

ഇന്ത്യന്‍ മാര്‍ക്കറ്റിലെ ജനപ്രിയ എന്‍ട്രി ലെവല്‍ ഹാച്ച്ബാക്കുകളില്‍ ഒന്നായ റെനോ ക്വിഡ് 2026 ജനുവരിയില്‍ മികച്ച വില്‍പ്പന നേട്ടം കൈവരിച്ചു. V3 Cars പുറത്തുവിട്ട ഏറ്റവും പുതിയ റിപ്പോര്‍ട്ട് ഫ്രഞ്ച് വാഹന നിര്‍മാതാക്കളായ റെനോ കഴിഞ്ഞ മാസങ്ങളില്‍ നേരിട്ട വില്‍പ്പന മാന്ദ്യം മറികടന്നതായാണ് വ്യക്തമാക്കുന്നത്. ബജറ്റ് വാഹന വിപണിയില്‍ ക്വിഡിന്റെ സ്വീകാര്യത വര്‍ദ്ധിക്കുന്നതായാണ് പുതിയ റിപ്പോര്‍ട്ട് സൂചിപ്പിക്കുന്നത്. കഴിഞ്ഞ മാസം 503 ക്വിഡ് കാറുകളാണ് റെനോ ഇന്ത്യയില്‍ മൊത്തമായി വിറ്റഴിച്ചത്. ഒരു വര്‍ഷം മുമ്പ് 2025 ജനുവരിയിലെ വില്‍പ്പന 569 യൂണിറ്റായിരുന്നു.

നാലു വർഷത്തെ ഇടവേളയ്ക്ക് ശേഷം ഇന്ത്യൻ എസ്‌യുവി വിപണിയെ വിറപ്പിക്കുവാനായി പുതുരൂപത്തിൽ പിറവിയെടുത്തിരിക്കുകയാണ് റെനോ ഡസ്റ്റർ. ന്യൂജെനറേഷനിൽ നിരവധി സർപ്രൈസുകൾ ഒരുക്കിയെത്തിയ മോഡൽ ഇക്കഴിഞ്ഞ ജനുവരി 26-ന് രാജ്യത്ത് പ്രദർശിപ്പിക്കുകയുണ്ടായി. അവതരണവും വില പ്രഖ്യാപനവും പിന്നീട് നടക്കാനിരിക്കുകയാണെങ്കിലും ഫ്രഞ്ച് വാഹന നിർമാതാക്കൾക്ക് ആത്മവിശ്വാസം നൽകുന്നതായിരിക്കും ഡസ്റ്ററിൻ്റെ വരവ്. ഇടവേളക്കു ശേഷമുള്ള ഡസ്റ്ററിന്റെ തിരിച്ചുവരവ് റെനോക്ക് ഇന്ത്യന്‍ വിപണിയില്‍ നല്‍കുന്ന പ്രതീക്ഷകള്‍ ചെറുതല്ലെന്ന് പറഞ്ഞാലും തെറ്റൊന്നുമില്ല. ഇതിനോടകം വൈവിധ്യമാർന്ന മോഡലുകളാൽ സമ്പന്നമായ സെഗ്മെന്റിലേക്ക് കടന്നുവരുന്നതിനാൽ പിടിച്ചുനിൽക്കാൻ ചില്ലറ പരിശ്രമം ഒന്നും പോരെന്ന് റെനോയ്ക്ക് നന്നായി അറിയാം.

ആദ്യത്തെ വമ്പൻ അപ്‌ഡേറ്റിലൂടെ ഇന്ത്യൻ പാസഞ്ചർ ഇലക്ട്രിക് വാഹന വിപണിയിൽ വിപ്ലവകരമായ മാറ്റങ്ങൾ കൊണ്ടുവരാൻ പോകുന്ന ടാറ്റ പഞ്ച് ഇവി ഫേസ്ലിഫ്റ്റ് (Tata Punch EV Facelift) നാളെ വിപണിയിലെത്താൻ പോകുകയാണ്. 2024-ൽ പുറത്തിറങ്ങിയ ഈ മൈക്രോ എസ്‌യുവിയുടെ ഫേസ്ലിഫ്റ്റ് പതിപ്പ് ലോഞ്ചിന് മണിക്കൂറുകൾക്ക് മുമ്പ് പൊതുനിരത്തിൽ പരീക്ഷണയോട്ടം നടത്തുന്നതിന്റെ ചിത്രങ്ങൾ പുറത്തുവന്നു. ആകർഷകമായ റെഡ് നിറത്തിൽ ഫിനിഷ് ചെയ്ത എസ്‌യുവിയുടെ ചിത്രങ്ങളാണ് ഇപ്പോൾ വാഹനപ്രേമികൾക്കിടയിൽ ചർച്ചയായിരിക്കുന്നത്. പുതിയ പഞ്ച് ഇവിയുടെ ഡിസൈനിൽ കാര്യമായ മാറ്റങ്ങളാണ് ടാറ്റ വരുത്തിയിരിക്കുന്നത്. മുൻവശത്തെ ബമ്പറും എയർ ഡാമും പുനർരൂപകൽപ്പന ചെയ്തിട്ടുണ്ട്.

ടാറ്റ മോട്ടോർസും മഹീന്ദ്രയും എംജിയുമെല്ലാം വിരാജിക്കുന്ന ഇലക്‌ട്രിക് വാഹന വിപണിയിലേക്ക് മെറിറ്റിൽ എത്തിയവരാണ് വിയറ്റ്നാമീസ് ഇവി നിർമാതാക്കളായ വിൻഫാസ്റ്റ്. ഇന്ത്യക്കായി പുറത്തിറക്കിയ ആദ്യ രണ്ട് മോഡലുകളൂടേയും വില നിർണയത്തിലൂടെ എല്ലാവരേയും ഞെട്ടിച്ച കമ്പനി വിൽപ്പനയിലും കുതിക്കുകയാണിപ്പോൾ. വിപണനം ആരംഭിച്ച് വെറും നാല് മാസത്തിനുള്ളില്‍ 1,000 ഇവികൾ നിരത്തിലെത്തിച്ച് വരവറിയിക്കാനും വിൻഫാസ്റ്റിന് സാധിച്ചിരുന്നു. നിലവിൽ പ്രമുഖർ പിന്നിൽ ഇന്ത്യയിലെ ഏറ്റവും വലിയ നാലാമത്തെ ഇലക്ട്രിക് കാര്‍ ബ്രാന്‍ഡായി വിലസുകയാണ് ആശാൻമാർ. ഹ്യുണ്ടായി, കിയ, ബിഎംഡബ്ല്യു തുടങ്ങിയ കമ്പനികളെയാണ് പിന്നിലാക്കിയുള്ള കുതിപ്പ് അങ്ങനെ നിസാരവത്ക്കരിക്കാനുമാവില്ലല്ലോ.