மஹிந்திரா தார் OG எஸ்யூவியின் அறிமுகம் ஏற்கனவே பலரது கவனத்தை ஈர்த்துள்ள நிலையில், இப்போது வாங்குபவர்கள் மத்தியில் அடுத்த கேள்வி எந்த வேரியண்ட்டை தேர்வு செய்வது என்பதுதான். புதிய தார் எஸ்யூவி AXT, LXT, ZXT என மூன்று வேரியண்ட்டுகளில் விற்பனைக்கு வந்துள்ளது. இதில், விலை, எஞ்சின் தேர்வுகளுக்கு தக்கவாறு பல்வேறு விதங்களில் தேர்வு செய்யும் வாய்ப்பு உள்ளது. எனவே, புக்கிங் செய்வோருக்கு வசதியாக எந்தெந்த வேரிண்ட்டுகளில் என்னென்ன வசதிகள் உள்ளன மற்றும் வேரியண்ட் வாரியான விலை விபரங்களை இந்த செய்தியில் பார்க்கலாம்.

ஹூண்டாய் நிறுவனக்கின் புத்தம் புதிய பேயான் (Bayon) எஸ்யூவிக்கான முன்பதிவு அதிகாரப்பூர்வமாகத் தொடங்கியுள்ளது. நாடு முழுவதும் உள்ள அங்கீகரிக்கப்பட்ட ஹூண்டாய் டீலர்ஷிப்கள் அல்லது அதிகாரப்பூர்வ இணையத்தளம் வழியாகவும் வாடிக்கையாளர்கள் இந்த காரை முன்பதிவு செய்யலாம். ரூ.11,000 முன்பதிவு தொகை என்று அறிவிக்கப்பட்டு இருக்கிறது.

இந்தியாவின் இருசக்கர வாகன சந்தை கடந்த ஆகஸ்ட் மாதத்தில் வலுவான வளர்ச்சியை பதிவு செய்துள்ளது. வாகன டீலர்கள் சங்கம் (FADA) வெளியிட்டுள்ள வாகன சில்லறை விற்பனைத் தரவுகளின்படி, ஆகஸ்ட் மாதத்தில் 17,14,610 இருசக்கர வாகனங்கள் பதிவு செய்யப்பட்டுள்ளன. கடந்த ஆண்டு இதே மாதத்தைவிட விற்பனை 19.69 சதவீதம் அதிகரித்துள்ளது.

டாடா, மஹிந்திரா போல இந்தியாவின் மிகப்பெரிய வாகன குழுமமாக மாற வேண்டும் என்ற நோக்கில் வாகனத் துறையில் மிகப்பெரிய முதலீடுகளை செய்து வருகிறது ஜேஎஸ்டபிள்யூ. கார் மார்க்கெட்டில் தீவிரம் காட்டி வரும் அந்நிறுவனம் AMPSTAR என்ற பிராண்டில் மின்சார பஸ், டிரக்குகளையும் விற்பனைக்கு கொண்டு வந்துள்ளது. ரூ.80 லட்சம் விலையில் இந்த புதிய மாடல்கள் அறிமுகம் செய்யப்பட்டு இருக்கின்றன.

இந்தியாவில் ரெட்ரோ கிளாசிக் மோட்டார்சைக்கிள் பிரியர்களிடையே மிகுந்த வரவேற்பைப் பெற்ற ஹோண்டா சிபி350 வரிசை மோட்டார்சைக்கிள் மாடல்கள் தற்போது புதிய மாற்றங்களுடன் விற்பனைக்கு வந்துள்ளது. சிபி350, சிபி350சி மற்றும் சிபி350ஆர்எஸ் ஆகிய மூன்று பிரபலமான மாடல்களின் வேரியண்ட்டுகள் மற்றும் விலைகளை ஹோண்டா நிறுவனம் மாற்றி அமைத்துள்ளது. சந்தையில் அதிகரித்து வரும் போட்டியை எதிர்கொள்ளும் வகையில், இந்த மோட்டார்சைக்கிள் வரிசையின் ஆரம்ப விலை முந்தைய மாடலை விட ரூ.2,000 வரை குறைக்கப்பட்டுள்ளது. இது நிச்சயம் வாடிக்கையாளர்களை கவரும் விஷயமாக இருக்கும்.

ஆஃப்ரோடு பிரியர்கள் மத்தியில் அதிக ஆவலை ஏற்படுத்தியிருந்த மஹிந்திரா தார் 3 டோர் எஸ்யூவியின் ஃபேஸ்லிஃப்ட் மாடல் தார் ஓஜி (Thar OG) என்ற பெயரில் சற்றுமுன் நடந்த நிகழ்ச்சியின் மூலமாக விற்பனைக்கு அறிமுகம் செய்யப்பட்டு இருக்கிறது. தோற்றத்தில் பழைய தார் எஸ்யூவியின் அடையாளங்களைத் தக்க வைத்துக்கொண்டு, புதுப்பொலிவுடன் அதிக சிறப்பம்சங்கள் மற்றும் கூடுதல் பாதுகாப்பு வசதிகளுடன் வந்துள்ளது. இந்த புதிய தார் ஓஜி மாடலுக்கு ரூ.10.32 லட்சம் ஆரம்ப எக்ஸ்ஷோரூம் விலையாக நிர்ணயிக்கப்பட்டுள்ளது.

இந்தியாவின் மின்சார ஸ்கூட்டர் சந்தையில் ஹோண்டா நிறுவனம் தனது புதிய க்யூசி3 (QC3) எலெக்ட்ரிக் ஸ்கூட்டர் மாடலை அறிமுகம் செய்துள்ளது. இந்த ஸ்கூட்டருக்கு ரூ.1.35 லட்சம் எக்ஸ்ஷோரூம் விலை நிர்ணயிக்கப்பட்டு இருக்கிறது. இந்த ஸ்கூட்டர், குடும்பப் பயன்பாட்டை மையமாகக் கொண்டு உருவாக்கப்பட்டுள்ளது. டிவிஎஸ் ஐக்யூப், பஜாஜ் சேத்தக், ஏதர் ரிஸ்டா, விடா விஎக்ஸ்2 உள்ளிட்ட மாடல்களுக்கு இது போட்டியாக இருக்கும்.

மார்க்கெட்டில் மிக நீண்ட காலமாக இருந்து வரும் மாருதி வேகன் ஆர் காரின் டிசைன் மிகவும் பக்குவப்பட்டதாக மாற்றம் காண இருக்கிறது. ஆம், விரைவில் டிசைன் மற்றும் வசதிகளில் அடுத்த லெவலுக்கு மாற இருக்கிறது மாருதி வேகன் ஆர். நகர்ப்புற பயன்பாட்டுக்கான முதன்மையான தேர்வாக இருந்து வரும் வேகன் ஆர் கார் இந்த பண்டிகை காலத்தில் விற்பனைக்கு எதிர்பார்க்கப்படுகிறது.

இந்தியாவில் தனது வர்த்தகத்தை வலுவாக மாற்றும் முயற்சியில் ரெனோ கார் நிறுவனம் தீவிரமாக இறங்கி உள்ளது. அந்த வகையில், மிக அதிக வர்த்தக வாய்ப்பு இருக்கும் காம்பேக்ட் எஸ்யூவி மார்க்கெட்டில் சிறந்த தயாரிப்பை விரைவில் களமிறக்க திட்டமிட்டுள்ளது. அந்த வகையில், 4 மீட்டருக்குள் உருவாக்கப்பட்டுள்ள புதிய பிரிட்ஜர் (Bridger) எஸ்யூவியை வரும் ஆண்டு இந்தியாவில் விற்பனைக்கு கொண்டு வருவதற்கு முடிவு செய்துள்ளது. இது இந்தியாவுக்காக வடிவமைத்து உருவாக்கப்படும் புதிய தலைமுறை நகர்ப்புற எஸ்யூவியாக வர இருக்கிறது.

இந்தியாவின் பிரீமியம் மோட்டார்சைக்கிள் சந்தையில் தனக்கென தனி இடம் பிடித்துள்ள ஹோண்டா மோட்டார்சைக்கிள் நிறுவனம், தனது புதிய சிபி500 (Honda CB500) மோட்டார்சைக்கிளை இந்தியாவில் விற்பனைக்கு அறிமுகம் செய்துள்ளது. ராயல் என்ஃபீல்டு சந்தையை குறிவைத்து பாரம்பரிய டிசைன் தாத்பரியங்களுடன் இந்த மோட்டார்சைக்கிள் களமிறக்கப்பட்டு இருக்கிறது.

அமெரிக்காவின் பிரபல மின்சார கார் தயாரிப்பு நிறுவனமான டெஸ்லா, இந்திய சந்தையில் எதிர்பார்த்த அளவு விற்பனையை பெறவில்லை. தற்போது விற்பனையை அதிகரிப்பதற்கான தீவிர முயற்சிகளை மேற்கொண்டு வருகிறது. அதன்படி, வாடிக்கையாளர்களுக்கு நெருக்கமான சேவையை வழங்கும் வகையில், தனது நேரடி விற்பனை மையமான (Tesla Experience Center) எண்ணிக்கையை அதிகப்படுத்தும் முயற்சிகளில் தீவிரம் காட்டி வருகிறது.

ராயல் என்ஃபீல்டு நிறுவனம் தனது மிகவும் பிரபலமான கிளாசிக் 350 மோட்டார்சைக்கிளில் புதிய 'சிக்னேச்சர் வொயிட்' (Signature White) என்ற வெள்ளை வண்ணத் தேர்வை அறிமுகம் செய்துள்ளது. பண்டிகைக் காலம் நெருங்கி வரும் வேளையில், வாடிக்கையாளர்களைக் கவரும் வகையில் இந்த பிரீமியம் வண்ணத்தை சந்தையில் களமிறக்கியுள்ளது.

ராயல் என்ஃபீல்டு நிறுவனம் தனது 125வது ஆண்டில் வெற்றிகரமாக அடியெடுத்து வைத்துள்ள நிலையில், உலக அளவில் மோட்டார்சைக்கிள் பிரியர்களை கொண்டு 'ஒன் ரைடு 2026' (One Ride 2026) என்ற சிறப்பு மோட்டார்சைக்கிள் பேரணியை நேற்று (செப்டம்பர் 20) மிகவும் பிரம்மாண்டமான முறையில் நடத்தியது.

இந்திய வாகன சந்தையில் தனது வர்த்தகத்தை வலுப்படுத்தும் வகையில் ஸ்டெல்லாண்டிஸ் வாகன குழுமம் மிக முக்கிய நடவடிக்கையை எடுத்துள்ளது. . சென்னை அருகே திருவள்ளூரில் அமைந்துள்ள பிர்லா குழுமத்திற்கு சொந்தமான ஹிந்துஸ்தான் மோட்டார்ஸ் ஆலையின் முழு பங்குகளையும் வாங்கி, அதன் தனி உரிமையாளராக மாறியுள்ளது. இந்த ஆலையை மையமாகக் கொண்டு தனது உற்பத்தியை பெருமளவில் அதிகரிக்கவும் அந்நிறுவனம் திட்டமிட்டுள்ளது.

இந்தியாவில் எலெக்ட்ரிக் ஸ்கூட்டர் சந்தை வேகமாக வளர்ந்து வரும் நிலையில், ஆகஸ்ட் மாதத்திலும் முன்னணி நிறுவனங்களின் தயாரிப்புகளுக்கு இடையே போட்டா போட்டி நிலவுகிறது. முன்னணி நிறுவனங்களின் பிரபலமான மாடல்களுடன், சமீபத்தில் அறிமுகமான ஸ்கூட்டர்களும் குறிப்பிடத்தக்க விற்பனையை பதிவு செய்துள்ளன.

டாடா மோட்டார்ஸ் நிறுவனம் சியரா எஸ்யூவியின் புதிய டார்க் எடிஷன் மாடலை இந்திய சந்தையில் அறிமுகம் செய்துள்ளது. சமீபத்தில் சியரா எஸ்யூவியின் லெஜென்ட் சீரிஸ் பதிப்பு அறிமுகமான நிலையில், அதனைத் தொடர்ந்து தற்போது இந்த பிரத்யேக கருப்பு வண்ணத்திலான தோற்றத்தில் சியரா எஸ்யூவி வந்துள்ளது

பெரும் எதிர்பார்ப்பை ஏற்படுத்தி உள்ள புதிய டாடா ஏரிஸ் செடான் காரின் அறிமுக தேதி அதிகாரப்பூர்வமாக வெளியிடப்பட்டுள்ளது. வரும் 25ந் தேதி இந்த புதிய கார் சந்தைக்கு வருவது உறுதி செய்யப்பட்டுள்ளது. அத்துடன், இந்த காருக்கான முதல் டீசரையும் டாடா கார்ஸ் நிறுவனம் வெளியிட்டுள்ளது. மாருதி டிசையர், ஹோண்டா அமேஸ், ஹூண்டாய் ஆரா கார்கள் உள்ள 4 மீட்டர் நீளத்திற்கும் குறைவான செடான் கார் பிரிவில் இந்த புதிய மாடல் அறிமுகம் செய்யப்பட உள்ளது.

இந்தியாவில் பல ஆண்டுகளாக எதிர்பார்க்கப்பட்ட அதிவேக புல்லட் ரயில் சேவை பணிகள் இறுதிக் கட்டத்தை நெருங்கி உள்ளன. மும்பை - அகமதாபாத் இடையே உருவாக்கப்பட்டு வரும் அதிவேக ரயில் பாதையில், வரும் 2027ஆம் ஆண்டு முதல் கட்ட சேவையை தொடங்க திட்டமிடப்பட்டுள்ளது. இந்த நிலையில், இந்த சேவையில் முக்கிய திருப்பமாக, இந்தியாவிலேயே சொந்த தொழில்நுட்பத்தில் உருவாக்கப்படும் பி28 (B28) ரயில் பயன்படுத்தப்பட உள்ளது.

நடிகர் அஜித் குமாரின் ரேஸிங் பயணம் மீண்டும் கவனம் பெற்றுள்ளது. கடந்த வாரம் இங்கிலாந்தின் சில்வர்ஸ்டோன் ரேஸில் எதிர்பார்த்த முடிவு கிடைக்காமல் 38வது இடத்தில் நிறைவுசெய்த அஜித் ரெட்ஆண்ட் பை விராஜ் அணியை சமூக வலைதளங்களில் சிலர் கடுமையாக விமர்சித்தனர். ஆனால், அந்த முடிவுக்குப் பிறகு அடுத்த வாய்ப்பிலேயே அணி தனது திறமையை நிரூபித்துள்ளது.

இந்தியாவில் சிஎன்ஜி கார்களுக்கான தேவை தொடர்ந்து அதிகரித்து வரும் நிலையில், கியா நிறுவனம் தனது 7 சீட்டர் கார்களான கேரன்ஸ் மற்றும் கேரன்ஸ் கிளாவிஸ் மாடல்களில் சிஎன்ஜி எரிபொருள் தேர்வை அறிமுகம் செய்துள்ளது. தொழிற்சாலையிலேயே சிஎன்ஜி எரிபொருளில் இயங்கும் அமைப்பு பொருத்தப்பட்டு வரும் இந்த புதிய மாடல்கள், குறைந்த எரிபொருள் செலவில் அதிக தூரம் பயணிக்க விரும்புபவர்களுக்கு கூடுதல் தேர்வாக அமைந்துள்ளன.

இந்திய கார் சந்தையில் செப்டம்பர் மாதத்தின் கடைசி நாட்கள் பரபரப்பாக இருக்கப் போகின்றன. புதிய கார்கள் மட்டுமின்றி, ஏற்கனவே விற்பனையில் இருக்கும் சில மாடல்களின் ஃபேஸ்லிஃப்ட் மற்றும் புதிய வேரியண்ட்டுகளும் சந்தைக்கு வர உள்ளன. பண்டிகை கால விற்பனை தொடங்குவதற்கு முன்பாக இந்த புதிய மாடல்கள் வாடிக்கையாளர்களின் கவனத்தை ஈர்க்க உள்ளன.

ஆஃப்ரோடு பிரியர்களின் முதன்மையான தேர்வாக இருக்கும் மஹிந்திரா தார் எஸ்யூவியின் 3 டோர் மாடல் மேம்படுத்தப்பட்ட அம்சங்களுடன் விற்பனைக்கு வருகிறது. இதற்கான அதிகாரப்பூர்வ டீசர்களை அந்நிறுவனம் வெளியிட்டுள்ள நிலையில், வரும் செப்டம்பர் 22ஆம் தேதி புதிய தார் அறிமுகமாக உள்ளது.

டாடா கார்ஸ் நிறுவனம் தனது கார் மாடல்களை அடுத்த கட்டத்திற்கு எடுத்துச் செல்லும் வகையில் பல்வேறு புதிய மாற்றங்களை செய்து வருகிறது. அந்த வகையில், நீண்ட காலமாக விற்பனையில் இருக்கும் டிகோர் காம்பேக்ட் செடானுக்கு மாற்றாக புதிய மாடலை அறிமுகப்படுத்த நிறுவனம் தயாராகி வருவதாக தகவல்கள் வெளியாகியுள்ளன. இந்த காருக்கு ஏரிஸ் என பெயரிடப்படும் என்று கூறப்படுகிறது.

இந்திய வாகனச் சந்தையில் முன்னணி நிறுவனமான மாருதி தனது பிரபலமான கார் மாடல்களான ஸ்விஃப்ட், டிசையர் மற்றும் பலேனோ ஆகியவற்றில் ஆட்டோமேட்டிக் சிஎன்ஜி தேர்வில் அறிமுகம் செய்துள்ளது. ஆட்டோ க்ரீன் மிஷன் என்ற திட்டத்தின் பெயரில் இந்த மூன்று கார்களையும் அந்நிறுவனம் சநதைக்கு கொண்டு வந்துள்ளது.

இந்தியாவில் கார் தயாரிப்பில் முன்னணியில் இருக்கும் மாருதி சுஸுகி, ஹரியானா மற்றும் குஜராத்தில் உள்ள தனது கார் உற்பத்தி ஆலைகளில் இருந்து ரயில் மூலம் 10 லட்சம் வாகனங்களை அனுப்பி புதிய மைல்கல்லை கடந்துள்ளது. வழக்கமாக புதிய கார்கள் தொழிற்சாலையில் இருந்து டிரக்குகளில் ஏற்றப்பட்டு பல்வேறு நகரங்களுக்கு கொண்டு செல்லப்படும்.