ప్రపంచవ్యాప్తంగా పేరుగాంచిన కార్ల కంపెనీ కియా (Kia), మన భారతదేశంలోకి వచ్చి అనతి కాలంలోనే అగ్రస్థానంలోకి దూసుకుపోయింది. అలాంటి కంపెనీకి షాక్ తగిలింది. ఆంధ్రాలో ఉన్న కియా కర్మాగారంలో చాలా పెద్ద దొంగతనం జరిగింది.

భారతీయ మార్కెట్‌లో ఎలక్ట్రిక్ కార్ల పట్ల పెరుగుతున్న ఆసక్తిని దృష్టిలో ఉంచుకుని, టాటా మోటార్స్ ఎప్పటినుంచో ఎదురుచూస్తున్న తన కొత్త ఎలక్ట్రిక్ SUV - హారియర్ EVను ఎట్టకేలకు మార్కెట్లోకి తీసుకొచ్చింది. ఇటీవల అధికారికంగా విడుదలైన ఈ కారుకు భారీ స్థాయిలో స్పందన లభిస్తోంది. స్టైల్, టెక్నాలజీ, పనితీరు అన్ని కోణాల నుంచి ఈ టాటా కారుకు ఆదరణ వచ్చింది. పూర్తిగా ఎలక్ట్రిక్ ఆధారంగా పనిచేసే ఈ SUVని కంపెనీ రూ. 21.49 లక్షల ప్రారంభ ధరకు విడుదల చేసింది. ఈ ధరను దృష్టిలో ఉంచుకుంటే, ఇది ప్రీమియం సగటు SUV సెగ్మెంట్‌లోని ఇతర మోడళ్లకు గట్టి పోటీనివ్వగలదని అనిపిస్తోంది. ఈ కారులో టాటా AI-ఆధారిత ఫీచర్లు, పెద్ద టచ్‌స్క్రీన్, కనెక్టెడ్ టెక్నాలజీ, లగ్జరీ క్లాస్ ఫినిషింగ్ వంటి వాటిని అందించింది. దీని గురించి మరిన్ని వివరాలు కింద చూడండి.

హోండా అమ్మకాలు రోజురోజుకూ పడిపోతున్నాయి. ఈ పరిస్థితుల్లో తమను కాపాడటానికి తిరిగి మంచి అమ్మకాలను సాధించడానికి హోండా సంస్థ ఒక పెద్ద ప్లాన్ వేసింది. ఒకప్పుడు భారతదేశంలో హోండా సిటీ కంటే ఎక్కువ ప్రజాదరణ పొందిన ఒక అద్భుతమైన కారును తిరిగి మార్కెట్‌లోకి తీసుకురావాలని నిర్ణయించింది.

ప్రతినెల ముగియగానే వాహన తయారీ కంపెనీలు తమ అమ్మకాల వివరాలను విడుదల చేస్తుంటాయి. ఈ క్రమంలో దేశీయ ప్రముఖ టూవీలర్ తయారీదారు అయినటువంటి హీరో మోటోకార్ప్ (hero motocorp) మే 2025 అమ్మకాల నివేదికను వెల్లడించింది. దీని ప్రకారం, కంపెనీ గత నెలలో సేల్స్ పరంగా మెరుగైన వృద్ధిని నమోదు చేసింది. దేశీయంగా, అంతర్జాతీయంగా కలిపి మొత్తం కంపెనీ 5,07,701 యూనిట్ల టూవీలర్స్ విక్రయాలను సాధించడం ద్వారా కంపెనీ తన మార్కెట్ స్థానాన్ని బలోపేతం చేసుకుంది. ఇది గత ఏప్రిల్ 2024లో నమోదైన 4,98,123 యూనిట్ల అమ్మకాలతో పోలిస్తే 1.92 శాతం వృద్ధిని సూచిస్తుంది. అంటే, ఒక నెల వ్యవధిలోనే 9,578 యూనిట్ల వృద్ధి చోటు చేసుకున్నది. దీంతో కంపెనీ ఉన్నతాధికారులు సైతం ఆనందం వ్యక్తం చేస్తున్నారు.

భారతదేశపు అతిపెద్ద వాహన తయారీ కంపెనీ మారుతీ సుజుకీ ఇండియా లిమిటెడ్ (MSIL) తాజాగా గత నెలకు సంబంధించిన సేల్స్ వివరాలను వెల్లడించింది. ఇతర కంపెనీలకు ధీటుగా చాలా కాలంగా అమ్మకాలతో దూసుకుపోతున్న మారుతీ మే 2025 నెలలో స్థిరమైన వృద్ధిని నమోదు చేసింది. మొత్తం అమ్మకాలు 1,80,077 యూనిట్లుగా నమోదు అయ్యాయి. ఇది మే 2024లో నమోదైన 1,74,551 యూనిట్లతో పోలిస్తే 3.2 శాతం పెరుగుదలగా చెప్పవచ్చు. ఈ మొత్తం గణాంకాల్లో దేశీయ మార్కెట్ అమ్మకాలు, టయోటాకు పంపిన ఎగుమతులు, ఇతర సరఫరాల నుంచి వచ్చిన యూనిట్లు కూడా ఉన్నాయి. దేశీయంగా చూసినట్లయితే కంపెనీ 1,38,690 యూనిట్ల వాహనాలను తన డీలర్‌ నెట్‌వర్క్‌కు పంపింది. ఈ సంఖ్యలో తేలికపాటి వాణిజ్య వాహనాలు కూడా భాగంగా ఉన్నాయి.

టూవీలర్ కొనాలని అనుకునేవారు, ముఖ్యంగా బడ్జెట్ ధరలో మంచి మైలేజ్ ఇచ్చే బైక్ కావాలనుకునేవారు చాలా మంది ఉంటారు. ఒకప్పుడు బడ్జెట్ బైక్ అంటే మైలేజ్ ఒక్కటే చూసేవారు. కానీ ఇప్పుడు మంచి డిజైన్, కొన్ని ఆధునిక ఫీచర్లు కూడా కావాలని కోరుకుంటున్నారు. అయితే, రూ. 60,000 లోపు ధరలో మంచి మైలేజ్ ఇచ్చే, నమ్మదగిన బైక్‌లు ఉన్నాయని చాలా మందికి తెలియదు.

భారత మార్కెట్లో దక్షిణ కొరియా ఆటోమేకర్ కియా (Kia) తన సరికొత్త ఎంపీవీ పోర్ట్‌ఫోలియోను మరింత విస్తరించే పనిలో పడింది. ఈ ప్రయత్నంలో భాగంగా, ఇటీవలే కారెన్స్ క్లావిస్ (Carens Clavis) అనే కొత్త మోడల్‌ను లాంచ్ చేసింది. ప్రస్తుతం మార్కెట్లో కారెన్స్, కారెన్స్ క్లావిస్ రెండూ కలిసే అందుబాటులో ఉన్నాయి, రెండు వేరియంట్లుగా వినియోగదారులకు కొనుగోలు చేయడానికి అవకాశం కల్పిస్తూ కియా ముందుకు సాగుతోంది. తన మార్కెట్‌ను మరింత పెంచుకోవడానికి కారెన్స్ క్లావిస్ ఎలక్ట్రిక్ వెర్షన్‌ను కూడా కియా సిద్ధం చేస్తోంది. ఇప్పటికే దీనికి సంబంధించిన కొన్ని ముఖ్యమైన అప్‌డేట్‌లు వెలుగులోకి వచ్చాయి. కేవలం డిజైన్ మార్పులతో కాదు, భవిష్యత్తును దృష్టిలో ఉంచుకుని పర్యావరణానికి అనుకూలంగా ఉండే పవర్‌ట్రెయిన్‌పై కూడా కియా దృష్టి సారించింది.

ఎలక్ట్రిక్ వాహనాల మార్కెట్లో మహీంద్రా దూసుకుపోతోంది. ముఖ్యంగా వారి కొత్త ఎలక్ట్రిక్ కార్లైన XUV 9e, BE 6లు అద్భుతమైన అమ్మకాలను నమోదు చేస్తున్నాయి. బుకింగ్‌లు భారీగా రావడంతో, మహీంద్రా వీటి డెలివరీలను కూడా వేగవంతం చేసింది. కేవలం 70 రోజుల్లోనే 10,000 కార్లను డెలివరీ చేసి ఒక పెద్ద మైలురాయిని చేరుకుంది. ఈ కార్ల డెలివరీల పరిస్థితి ఏంటో పూర్తి వివరాలు తెలుసుకుందాం.

హ్యుందాయ్ మోటార్ ఇండియా లిమిటెడ్ (HMIL) తన ప్రీమియం SUV అయిన అల్కాజార్ లైనప్‌ను మరింత ఆకర్షణీయంగా తీర్చిదిద్దే ప్రయత్నంలో భాగంగా, తాజాగా ఓ కొత్త వేరియంట్‌ను పరిచయం చేసింది. ఈసారి, ప్రత్యేకంగా డీజిల్ పవర్‌ట్రెయిన్ వినియోగదారుల కోసం 'కార్పొరేట్ వేరియంట్' అనే కొత్త వెర్షన్‌ను మార్కెట్‌లోకి తీసుకొచ్చింది. ఇది హ్యుందాయ్ అభిమానుల్లో కొత్త ఆసక్తిని కలిగించేలా ఉంది. ఇటీవలి కాలంలో హ్యుందాయ్ విడుదల చేసిన డీజిల్ అల్కాజార్ వేరియంట్‌కు సంబంధించి, పనోరమిక్ సన్‌రూఫ్ వంటి ముఖ్యమైన ఫీచర్లు అందుబాటులో లేకపోవడం వల్ల వినియోగదారుల్లో కొంత అసంతృప్తి ఏర్పడింది. అదే సమయంలో, స్పేర్ వీల్ లేకపోవడమూ మరో పెద్ద చర్చనీయాంశంగా మారింది.

భారతదేశపు ఆటోమొబైల్ రంగంలో హోండా (Honda) ఎప్పటికైనా ఒక గుర్తుండిపోయే బ్రాండ్. ఒకప్పుడు స్టైల్, నాణ్యత, నమ్మకత్వానికి సింబాలిక్‌గా నిలిచిన హోండా కార్లు ఇప్పుడు భారత మార్కెట్లో తీవ్రమైన ఒత్తిడిని ఎదుర్కొంటున్నాయి. ప్రపంచవ్యాప్తంగా మాత్రం హోండాకు ఇప్పటికీ మంచి క్రేజ్ ఉన్నప్పటికీ, భారత వినియోగదారుల అభిరుచులు, అంచనాలు తక్కువ ధరలో ఎక్కువ సౌకర్యాలు కోరే దిశగా మారిపోవడంతో, హోండా అమ్మకాల పరంగా క్రమంగా వెనుకపడుతోంది. ఈ నేపథ్యంలో, హోండా మోటార్ ఇండియా మే 2025 అమ్మకాల గణాంకాలను తాజాగా విడుదల చేసింది. అందులో చూపినట్లుగా, మే నెలలో హోండా దేశవ్యాప్తంగా కేవలం 3,950 కార్లను మాత్రమే విక్రయించింది. ఇది గత సంవత్సరం మే 2024లో విక్రయించిన 4,822 యూనిట్లతో పోలిస్తే 18.08 శాతం తగ్గుదల.

అందరూ ఆసక్తిగా ఎదురుచూస్తున్న టాటా హారియర్ ఈవీ(Tata Harrier EV) ఎలక్ట్రిక్ కారు ఎట్టకేలకు వచ్చేసింది. ఊహించని ఫీచర్లతో, ఆశ్చర్యపరిచే ధరతో ఈ కారు మార్కెట్లోకి అడుగుపెట్టింది. ఒక బటన్ నొక్కితే కారు మీ దగ్గరకు వచ్చేస్తుంది. టైట్ పార్కింగ్‌లో కష్టపడకుండా దానంతట అదే పార్క్ చేసుకుంటుంది.

మనదేశంలో ఒకప్పుడు చిన్న కార్లు (ఎంట్రీ లెవెల్ కార్లు) మార్కెట్‌ను ఏలాయి. లక్షల్లో అమ్ముడై, సామాన్యుల కారు కలను నెరవేర్చాయి. కానీ, ఇప్పుడు పరిస్థితి పూర్తిగా మారిపోయింది. ఒకప్పుడు 10 లక్షల యూనిట్లకు పైగా అమ్ముడైన ఈ చిన్న కార్లు, ఇప్పుడు కేవలం కొన్ని వేల యూనిట్లకు పడిపోయాయి. ధరలు పెరగడం, ప్రజల అభిరుచులు మారడం వంటి కారణాలతో చిన్న కార్లకు డిమాండ్ తగ్గింది.

భారతదేశ ఆటోమొబైల్ రంగం క్రమంగా వృద్ధి చెందుతుంది. ముఖ్యంగా టూవీలర్ విభాగం గతంలో కంటే వేగంగా అభివృద్ధి దిశగా అడుగులు వేస్తుంది. సాంప్రదాయ ఇంధన వాహనాలతో పాటు ఎలక్ట్రిక్ వాహనాలకు కూడా డిమాండ్ బాగా పెరుగుతుంది. తాజాగా విడుదలైన అమ్మకాల గణంకాలు కూడా ఇదే విషయాన్ని తెలియజేస్తున్నాయి. ఏప్రిల్ 2025లో నెలమొదటి సారి 90 వేలకు పైగా ఎలక్ట్రిక్ టూవీలర్స్ అమ్ముడవ్వడం ఒక మైలురాయిగా మారగా, మే నెలలో ఈ రంగం మరింత స్థిరంగా అభివృద్ధి దిశగా అడుగులు వేసింది. ఏప్రిల్‌లో నమోదైన 92,345 యూనిట్ల అమ్మకాలతో పోలిస్తే, మే నెలలో విక్రయాలు 1,00,266 యూనిట్లకు చేరాయి. ఇది కేవలం నెలవారీ వృద్ధే కాదు, గత ఏడాది మే నెలలో నమోదు చేసిన 77,330 యూనిట్లతో పోలిస్తే సుమారు 30 శాతం పెరుగుదల.

టూవీలర్ మార్కెట్లో హోండా (Honda) పేరు తెలియని వారుండరు. నమ్మకానికి, క్వాలిటీకి మారు పేరైన ఈ బ్రాండ్ బైకులు, స్కూటర్లు ఇప్పుడు రికార్డు స్థాయిలో అమ్ముడవుతున్నాయి. లక్షల్లో ప్రజలు హోండా వాహనాలను నమ్మి కొనుగోలు చేస్తున్నారు. మే నెలలో హోండా అమ్మకాలు చూస్తే, ఈ కంపెనీ ఎంత పవర్‌ఫుల్‌గా ఉందో అర్థమవుతుంది.

భారతదేశంలో ఇటీవల కార్ల మార్కెట్‌లో 7 సీట్ల కార్లకు మంచి డిమాండ్ కనిపిస్తోంది. పెద్ద కుటుంబాలు కలిగినవారికి వీటిలో ప్రయాణించడం సౌకర్యంగా ఉండటంతో, ఈ తరహా కార్లు ఎక్కువ మంది వినియోగదారులను ఆకర్షిస్తున్నాయి. ముఖ్యంగా, తక్కువ ధరలో, ఎక్కువ సీట్లు కలిగిన కార్లు కొనాలనుకునే మధ్యతరగతి కుటుంబాలు ఈ విభాగాన్ని ఎంచకుంటున్నాయి. ఈ సెగ్మెంట్‌లో మారుతీ సుజుకీకి చెందిన కార్లు ప్రత్యేక పాత్ర పోషిస్తున్నాయి. మారుతీ సుజుకీ విక్రయించిన మొత్తం వాహనాల సంఖ్య మే 2025లో 1,80,077 యూనిట్లుగా నమోదైంది. ఇది గత సంవత్సరం అదే నెలతో పోలిస్తే 3 శాతం పెరుగుదలగా చెప్పొచ్చు. మే 2024లో మారుతీ 1,74,551 వాహనాలను విక్రయించిన సంగతి గమనార్హం.

ఒకే ఒక్క సంవత్సరంలో ఇండియన్ కార్ మార్కెట్ మొత్తం మారిపోయింది. ఎప్పుడూ ఒకే రకమైన పోటీని చూసిన మార్కెట్ ఇప్పుడు అనూహ్యమైన మార్పులకు లోనవుతుంది. ఇండియాలో కార్ల అమ్మకాల్లో మారుతి సుజుకి (Maruti Suzuki) ఎప్పటికీ నంబర్ 1 స్థానంలో ఉంటుంది. దీనికి పోటీ ఇవ్వడానికి ఇంకో కంపెనీకి చాలా ఏళ్లు పడుతుంది.

టీవీఎస్ మోటార్ కంపెనీ, దేశంలో ప్రముఖ టూవీలర్ తయారీదారిగా మరోసారి తన స్థాయిని చాటుకుంది. తాజాగా మే నెల ముగిసిన నేపథ్యంలో పలు వాహన తయారీదారులు తమ సేల్స్ వివరాలను విడుదల చేస్తున్నారు. ఈ క్రమంలో టీవీఎస్ కూడా తన అమ్మకాలను వెల్లడించింది. దీని ప్రకారం, మే 2025లో సంస్థ మెరుగైన వృద్ధిని సాధించింది. ఈ నెల మొత్తం 4,31,275 యూనిట్ల (టూ వీలర్+త్రీవీలర్) వాహనాలను విక్రయించింది. గత సంవత్సరం ఇదే కాలంలో విక్రయించిన 3,69,914 యూనిట్లతో పోలిస్తే ఇది దాదాపు 17 శాతం వృద్ధిని సాధించింది. ఈ సంఖ్యల్లో టూవీలర్స్ మాత్రమే కాక త్రీవీలర్ వాహనాలు కూడా ఉన్నాయి. టూవీలర్ సెగ్మెంట్‌లో బైక్‌లు, స్కూటర్లను కలిపి, సంస్థ మే నెలలో ఏకంగా 4,16,166 యూనిట్లు విక్రయించింది.

రాయల్ ఎన్‌ఫీల్డ్ బైక్ అంటే కేవలం ఒక వాహనం కాదు, అది ఒక ఎమోషన్. ఇండియన్ బైకర్ల మనసుల్లో ఒక ప్రత్యేక స్థానం సంపాదించుకున్న ఈ బ్రాండ్, పల్లెటూర్ల నుండి నగరాల వరకు అందరికీ సుపరిచితమే. దీని హెవీ లుక్, థంపీ సౌండ్, స్టైల్ చాలా మందిని ఆకర్షిస్తాయి. తాజాగా, మే నెలలో రాయల్ ఎన్‌ఫీల్డ్ అమ్మకాలు రికార్డు స్థాయిలో జరిగాయని నివేదికలు చెబుతున్నాయి.

టయోటా కిర్లోస్కర్ మోటార్ (TKM) దేశీయ మార్కెట్లో తన వాటాను పెంచుకోవాలని బలంగా ప్రయత్నాలు చేస్తుంది. అందులో భాగంగా తన ప్రఖ్యాత SUV మోడళ్లైన ఫార్చ్యూనర్, లెజెండర్‌లను తాజాగా మరో కొత్త రూపంలో తీసుకొచ్చింది. ఇవి కొత్త "నియో డ్రైవ్" గ్రేడ్‌లో అందుబాటులోకి వచ్చాయి. అధునాతన 48-వోల్ట్ మైల్డ్ హైబ్రిడ్ టెక్నాలజీతో కూడిన ఈ వేరియంట్లు డ్రైవింగ్ అనుభవాన్ని మరింత మెరుగ్గా అందించేలా రూపొందించబడ్డాయి. ఈ కొత్త టెక్నాలజీ ఉపయోగంతో, కార్లు మెరుగైన మైలేజం సామర్థ్యాన్ని అందించడమే కాకుండా, మెరుగైన పికప్, శబ్దం తక్కువగా ఉండే మృదువైన డ్రైవింగ్ అనుభూతిని కూడా కలిగిస్తాయి. ట్రాఫిక్‌తో కూడిన నగర వీధుల్లో గానీ, రఫ్ రోడ్లపై ఆఫ్‌-రోడింగ్ సవాళ్లలో గానీ, ఈ వేరియంట్లు తేలికగా నడవగల సామర్థ్యం కలిగి ఉంటాయని కంపెనీ చెబుతోంది.

టాటా మోటార్స్(Tata Motors) నుంచి వస్తున్న ఎలక్ట్రిక్ కార్లకు మార్కెట్లో మంచి డిమాండ్ ఉంది. ఇప్పుడు టాటా నుంచి మరో పవర్ఫుల్ ఎలక్ట్రిక్ SUV రాబోతోంది. అదే టాటా హారియర్ EV(Tata Harrier EV). రేపు(జూన్ 3, 2025) ఈ అదిరిపోయే 5-సీటర్ ఎలక్ట్రిక్ SUV అట్టహాసంగా విడుదల కానుంది. దీని డిజైన్, ఫీచర్లు ఎలా ఉండబోతున్నాయి? ఎంత ధర ఉండొచ్చు? పూర్తి వివరాలు ఈ వార్తా కథనంలో చూద్దాం.

JSW MG మోటార్ ఇండియా ఇటివలీ కాలంలో అమ్మకాల పరంగా గణనీయమైన వృద్ధిని నమోదు చేస్తుంది. టాటా మోటార్స్, మారుతీ సుజుకీ వంటి తయారీదారులకు ధీటుగా సేల్స్‌లో దూసుకుపోతుంది. మే నెల ముగిసిన నేపథ్యంలో కంపెనీ తన అమ్మకాల డేటాను వెల్లడించింది. దీని ప్రకారం, మే 2025లో కంపెనీ 6,304 యూనిట్ల కార్లను విక్రయించింది. ఇది గత ఏడాది అదే నెలలో నమోదైన 4,510 యూనిట్లతో పోలిస్తే సుమారు 40 శాతం వృద్ధిని సాధించింది. ఇది కంపెనీ కొత్త ఎలక్ట్రిక్ కారు 'MG విండ్సర్' వల్లే ఈ బలమైన లాభం సాధ్యమైంది. ఇంధన ఆధారిత కార్ల విభాగంలో MG మోటార్‌కు పెద్దగా స్పందన రాకపోయినా, ఎలక్ట్రిక్ వాహనాలపై దృష్టి సారించడం సంస్థకు మంచి లాభం అయింది.

మన ఇండియన్ కార్ కస్టమర్ల మనసుల్లో టయోటా(Toyota) కంపెనీకి ఒక ప్రత్యేక స్థానం ఉంది. టయోటా కార్ల గురించి నెగెటివ్ కామెంట్లు చాలా తక్కువగా వినిపిస్తాయి. అందుకే టయోటా ప్రతి నెల అద్భుతమైన అమ్మకాల సంఖ్యను నమోదు చేయగలుగుతుంది. ఇటీవల 10లక్షల కిలోమీటర్లకు పైగా ఎలాంటి ఇబ్బంది లేకుండా టయోటా కార్లు నడిచిన సందర్భాలు చాలా ఉన్నాయి. అందుకే ప్రజలు ఈ కంపెనీ కార్లను కళ్ళు మూసుకుని నమ్ముతున్నారు.

ఇండియన్ ఎలక్ట్రిక్ టూ వీలర్ మార్కెట్ ఇటీవల వేగంగా మారుతోంది. ముఖ్యంగా, ఒకప్పుడు యువతకే పరిమితమైన ఈవీ స్కూటర్ మార్కెట్, ఇప్పుడు కుటుంబ అవసరాలకు అనుగుణంగా అభివృద్ధి చెందుతోంది. ఈ మార్పులో కీలక పాత్ర పోషించినది ఏథర్ ఎనర్జీకి చెందిన రిజ్టా. ఇది ఒక "ఫ్యామిలీ ఎలక్ట్రిక్ స్కూటర్". పెద్ద సీటు, మెరుగైన లెగ్‌ స్పెస్, స్థిరమైన శ్రేణి, అలాగే అందుబాటులో ఉండే ధర వంటి అంశాలపై ఏథర్ స్పష్టంగా దృష్టి పెట్టింది. దీనిని తల్లిదండ్రులు, సీనియర్ సిటిజన్లు, గృహిణులు వంటి వినియోగదారులను కూడా దృష్టిలో పెట్టుకుని రూపొందించారు. ఇప్పటికే బజాజ్ చేతక్, టీవీఎస్ ఐక్యూబ్, ఓలా S1 వంటి మార్కెట్లో స్థిరంగా నిలిచిన దిగ్గజాల మధ్య, రిజ్టా పోటీకి దిగి తనదైన గుర్తింపు పొందింది.

హీరో స్ప్లెండర్ ప్లస్(Hero Splendor Plus) బైక్ అంటే మన దేశంలో తెలియని వారు ఉండరు. ముఖ్యంగా మైలేజ్‌లో మెయింటెనెన్స్ ఖర్చులతో సామాన్యులకు ఇది ఒక బెస్ట్ ఫ్రెండ్ లాంటిది. 2025లో వచ్చిన కొత్త అప్‌డేట్‌లతో ఈ బైక్ ఇప్పుడు మరింత స్మార్ట్‌గా మారింది. అయితే, ఒక ఫుల్ ట్యాంక్‌తో ఈ బైక్ ఎంత దూరం వెళ్తుంది? దాని లేటెస్ట్ ఫీచర్లు, ధరలు ఎలా ఉన్నాయో వివరంగా తెలుసుకుందాం.

మే నెల ముగిసి ఇప్పుడు జూన్ నెలలోకి వచ్చాము. కొత్త నెల ప్రారంభంతో ఆటోమొబైల్ రంగంలో ఉన్నటువంటి తయారీదారులు తమ అమ్మకాలను విడుదల చేస్తుంటారు. ఈ నేపథ్యంలో టాటా మోటార్స్ కూడా మే నెలకు సంబంధించిన విక్రయాల నివేదికను ప్రకటించింది. ఈ నివేదికలో స్పష్టంగా ఒక మార్పు కనిపిస్తుంది. 2024 మేతో పోలిస్తే, 2025 లో ఇదే నెలలొ టాటా మోటార్స్ దేశీయ మార్కెట్లో కొంత తగ్గుదల చూసింది. గడిచిన ఏడాది ఇదే నెలలో కంపెనీ 46,697 కార్లను విక్రయించగా, ఈ ఏడాది మే నెలలో ఈ సంఖ్య 41,557కి మాత్రమే పరిమితమైంది. అంటే, టాటాకు దేశీయ అమ్మకాల పరంగా ఈసారి కొంత వెనకడుగు వేసినట్లు చెప్పవచ్చు. దేశీయ మార్కెట్లో అమ్మకాలు తగ్గినప్పటికీ, టాటా మోటార్స్ ఎగుమతుల పరంగా మంచి గణంకాలను సాధించింది.