దేశీయ ప్రముఖ వాహన తయారీ కంపెనీ మహీంద్రా నుంచి గతంలో విడుదలైన శక్తివంతమైన ఆఫ్‌రోడ్ కింగ్ థార్ (Thar) అమ్మకాలతో దూసుకుపోతుంది. ఇప్పటికే మార్కెట్లో తన హవాను చూపించిన ఈ మోడల్ ప్రతినెలా వేలకు పైగా విక్రయాలను నమోదు చేస్తూనే ఉంది. ఈ క్రమంలో గత నెలలో కూడా ఈ కారును కొనుగోలు చేయడానికి చాలా మంది కస్టమర్లు ఆసక్తి కనబరిచారు. తాజాగా ఏప్రిల్ 2025లో, మహీంద్రా థార్ తన ప్రస్థానంలో ఒక కీలక మైలురాయిని అధిగమించింది. ఈ నెలలో బ్రాండ్ తొలిసారిగా 10,000 కార్ల నెలవారీ అమ్మకాల మార్కును దాటి, SUV ప్రీమియం విభాగంలో తన స్థానం మరింత బలపరిచింది.

ప్రస్తుతం ఎస్యూవీల హవా నడుస్తోంది. వాటి ముందు సెడాన్ కార్లు వెలవెలబోతున్నాయి. మంచి ట్రావెల్ ఎక్స్‎పీరియన్స్, మైలేజీనిచ్చే సెడాన్‌లు కూడా వాటి ముందు నిలబడలేకపోతున్నాయి. హ్యుందాయ్ ఔరా, టాటా టిగోర్ వంటి కార్లు వెనుకబడిపోతుంటే, మారుతి డిజైర్, హోండా అమేజ్ మాత్రం ఇంకా తమ ఉనికిని కాపాడుకుంటున్నాయి. చూడగానే ఎవరికైనా నచ్చే ఈ రెండు కార్లు భారతీయుల మనసుల్లో మంచి స్థానం సంపాదించుకున్నాయి. ప్రస్తుతం హోండా సంచలన నిర్ణయం తీసుకుంది.

దక్షిణ కొరియా బ్రాండ్ హ్యుందాయ్‌ ఇండియాలో మంచి మార్కెట్ కలిగి ఉంది. టాటా మోటార్స్, మారుతీ సుజుకీ వంటి వాహన తయారీదారులకు పోటీగా అమ్మకాలతో దూసుకుపోతుంది. హ్యాచ్‌బ్యాక్, కాంపాక్ట్ ఎస్‌యూవీ వంటి విభాగాల్లో తన మెడళ్ల విక్రయాలతో మెరుగైన గణంకాలను సాధిస్తుంది. ఇదిలా ఉంటే తాజాగా కస్టమర్లను అట్రాక్ట్ చేయడానికి హ్యుందాయ్ మోటార్ ఇండియా మే నెలలో తన ప్రముఖ కార్లపై ఆకర్షణీయమైన ఆఫర్లను ప్రకటించింది. ఇటీవలి ధర పెంపు తర్వాత, ఇప్పుడు కస్టమర్లకు మరింత సంతృప్తిని కలిగించడానికి హ్యుందాయ్ భారీ ప్రయోజనాలతో ముందుకొచ్చింది. కంపెనీ తన హ్యాచ్‌బ్యాక్, కాంపాక్ట్ SUVలైన గ్రాండ్ i10 NIOS, వెన్యూ, ఎక్స్‌టర్ మోడళ్లపై దాదాపు రూ.75,000 వరకు ఆఫర్లు అందిస్తోంది. తక్కువ ధరలో కారును కొనుగోలు చేయాలనుకునే వారికి ఇది మంచి అవకాశం. తగ్గింపు వివరాలను ఒకసారి చూద్దాం.

మనదేశంలో సబ్-4 మీటర్ కాంపాక్ట్ ఎస్‌యూవీ కార్లకు ఉన్నటువంటి క్రేజ్ గురించి ప్రత్యేకంగా చెప్పాల్సిన పనిలేదు. కొత్త కారు కొనాలనుకునే వారి ప్రాధాన్యతల్లో ఈ తరహా కార్లు ఒకటిగా ఉంటున్నాయి. తక్కువ ధరలో ఎస్‌యూవీ లుక్‌లో కారు అందుబాటులో ఉండడమే దీనికి ప్రధాన కారణం. వినియోగదారుల నుంచి మంచి ఆదరణ ఉండడంతో దాదాపు అన్ని ఆటోమొబైల్ కంపెనీలు ఈ సెగ్మెంట్లో తమ కార్లను విక్రయిస్తున్నాయి. వీటిలో మహీంద్రా కూడా ఒకటి.

భారతదేశ ఆటోమొబైల్ రంగం గర్వంగా చెప్పుకునే విషయం ఇది. మన 'మేడ్ ఇన్ ఇండియా' స్కూటర్లు ప్రపంచ మార్కెట్‌లో సత్తా చాటుతున్నాయి. హోండా యాక్టివా, టీవీఎస్ జూపిటర్ వంటి దిగ్గజాలను సైతం వెనక్కి నెట్టి, ఒక స్కూటర్ విదేశీయుల హృదయాలను కొల్లగొడుతోంది. త్వరలో సరికొత్త హంగులతో మీ ముందుకు రాబోతున్న ఆ సంచలనం ఏంటో వివరంగా తెలుసుకుందాం.

ప్రయాణికుల సేఫ్టీ పరంగా అత్యున్నత నాణ్యత ప్రమాణాలతో కార్లను తయారు చేసే టాటా మోటార్స్ నుంచి మరో కొత్త మోడల్ మార్కెట్లోకి విడుదల కావడానికి సిద్ధంగా ఉంది. టాటా అభిమానులు ఎంతోకాలంగా ఎదురుచూస్తున్న 2025 మోడల్‌ ఆల్ట్రోజ్‌ ఫేస్‌లిఫ్ట్‌ను కంపెనీ తాజాగా ఆవిష్కరించింది. 2020లో మార్కెట్లోకి అడుగుపెట్టిన ఈ ప్రీమియం హ్యాచ్‌బ్యాక్, 2021లో డార్క్ ఎడిషన్‌ను పొందిన తర్వాత ఇదే మొదటి సారి డిజైన్ పరంగా ఓ ప్రధాన అప్‌డేట్‌ను పొందుతోంది. ఈ సారి టాటా ఆల్ట్రోజ్ మరింత శక్తివంతమైన, అదిరిపోయే విధంగా మన ముందుకు వస్తుంది. డిజైన్ పరంగా చాలా అపడేట్స్ ఉన్నాయి. పూర్తిగా మారిన బాడీ లైన్లు, బోల్డ్ 3D ఫ్రంట్ గ్రిల్ దీనికి స్పోర్టీ గంభీరతను అందిస్తున్నాయి.

దక్షిణ కొరియాకు చెందిన ప్రముఖ కార్ల తయారీ సంస్థ కియా, భారతీయ మార్కెట్‌లోకి మరో సంచలన కారును విడుదల చేయడానికి సిద్ధమవుతోంది. అదే కియా కారెన్స్ క్లావిస్. ఇది నిజానికి కియా కారెన్స్ ఫేస్‌లిఫ్ట్ వెర్షన్ అయినప్పటికీ కొత్త పేరుతో మార్కెట్లోకి వస్తోంది. ఈ కారుపై ఇప్పటికే భారీ అంచనాలు నెలకొన్నాయి. అయితే, ఇటీవల ఇదే దీని ధరంటూ ఒక ఫోటో వైరల్ అయింది. కాని ఇది నిజం కాదు.

భారతదేశంలో పెట్రోల్ ధరలు పెరుగుతున్న నేపథ్యంలో అందరి చూపు కూడా ఎలక్ట్రిక్ వాహనాలపై పడింది. పలు తయారీదారులు ప్రజల నుంచి వస్తున్న డిమాండ్‌కు అనుగుణంగా కొత్త కొత్త ఫీచర్స్, మంచి బ్యాటరీ పనితీరు కలిగిన వాటిని మార్కెట్లోకి విడుదల చేస్తున్నారు. లోకల్‌గా విక్రయిస్తూనే ఇతర దేశాలకు సైతం ఇక్కడి నుంచే ఎగుమతి చేస్తున్నారు. ఇదిలా ఉంటే, 2025 ఆర్థిక సంవత్సరంలో భారతీయ ఎలక్ట్రిక్ టూవీలర్ పరిశ్రమలో TVS మోటార్ కంపెనీ అత్యంత ప్రతిష్టాత్మకమైన ఘనతను సాధించింది. దేశం నుంచి ఎగుమతైన మొత్తం ఎలక్ట్రిక్ స్కూటర్లలో ఏకంగా 86 శాతం వాటాను TVS ఒంటరిగా తన ఖాతాలో వేసుకుంది. ఇది కేవలం ఎగుమతుల గణాంకం మాత్రమే కాక, గ్లోబల్ మార్కెట్‌లో భారతీయ సంస్థగా TVS తన స్థిరమైన ఆధిపత్యాన్ని ప్రతిబింబించే ఉదాహరణగా నిలుస్తోంది.

టాటా మోటార్స్ (Tata Motors) కంపెనీ నుంచి ఇటీవల విడుదలైన కారు కర్వ్ (Curvv). టాటా కొత్త కూపే-స్టైల్ ఎస్‌యూవీగా గత ఏడాది చివర్లో కర్వ్ విడుదలైంది. మార్కెట్‌లో బాగా ప్రాచుర్యం పొందిన ఇతర టాటా కార్లైన నెక్సాన్ (Nexon), పంచ్ (Punch) కంటే ఎక్కువ ధరతో విడుదలైనప్పటికీ, ఇప్పటివరకు కర్వ్ కారు అమ్మకాలు బాగానే ఉన్నాయి. అయితే ఇప్పుడు టాటా కర్వ్ కారు ధరలు గణనీయంగా పెరిగాయి.

దేశీయ అతిపెతద్ద కార్ల తయారీకంపెనీ మారుతీ సుజుకీ ఇండియా లిమిటెడ్ (MSIL) ఆటోమొబైల్ రంగంలో తన సేఫ్టీ ప్రమాణాలను మరింతగా బలోపేతం చేసే దిశగా మరో మైలురాయి దాటి ముందుకు సాగుతుంది. ప్రయాణికులకు సురక్షితమైన ప్రయాణాన్ని అందించడానికి తన బేస్ వేరియంట్ కార్లలో కూడా ఎయిర్‌బ్యాగులను అందించడానికి చర్యలు చేపట్టింది. దీనిలో భాగంగా దాని అత్యంత ప్రజాదరణ పొందిన మోడళ్లు అయినటువంటి వ్యాగన్ R, ఆల్టో K10, సెలెరియో, ఈకో కార్లలో ఇప్పుడు స్టాండర్డ్‌గా ఆరు ఎయిర్‌బ్యాగ్‌లు అమర్చబడ్డాయి. గతంలో కంపెనీ 6 ఎయిర్‌బ్యాగ్‌లతో ఎంట్రీ లెవల్ హ్యాచ్‌బ్యాక్ ఆల్టోను కూడా విడుదల చేసి అందరిని ఆశ్చర్యపరిచింది. తరువాత దాని బెస్ట్ సెల్లింగ్ మోడళ్లలో నాలుగు ఇప్పుడు స్టాండర్డ్‌‌గా 6 ఎయిర్‌బ్యాగ్‌లు ఉంటాయని ఒక ప్రకటనలో తెలిపింది.

బ్రిటిష్ మోటార్ సైకిల్ తయారీ సంస్థ ట్రయంఫ్ (triumph), భారత ద్విచక్ర వాహన రంగంలో తనదైన ముద్ర వేసేందుకు అసలు వెనుకాడలేదు. ఎంతో కాలంగా మిడ్-కెపాసిటీ సెగ్మెంటులో రాయల్ ఎన్‌ఫీల్డ్‌కు బలమైన పోటీని ఇస్తుంది. కంపెనీ నుంచి విడుదలయ్యే బైకులు శక్తివంతమైన మెకానికల్ పనితీరుతోనే కాదు, ధరలోనూ మధ్యతరగతి యువతకు చేరువయ్యాయి. అందుబాటు ధరలో తన మోడళ్లను లాంచ్ చేయడం ద్వారా ట్రయంఫ్ పేరు దేశవ్యాప్తంగా మారుమోగింది. ఈ క్రమంలో ట్రయంఫ్ కొత్తగా దేశీయ వినియోగదారుల కోసం కొత్తగా స్క్రాంబ్లర్ 400XC (Scrambler 400 xc) అనే సరికొత్త బైకును విడుదల చేసింది. స్పీడ్ 400, స్క్రాంబ్లర్ 400X లతో మంచి అమ్మకాలను సాధించిన కంపెనీ ఈ కొత్త దాన్ని తీసుకొచ్చింది.

టాటా మోటార్స్ ఇండియాలో టాప్ కార్ల తయారీ కంపెనీ అని ప్రత్యేకంగా చెప్పాల్సిన పని లేదు. ఎందుకంటే ప్రతీ నెల వేల సంఖ్యలో కార్లను టాటా కంపెనీ మార్కెట్‌లో అమ్ముతోంది. టాటా మోటార్స్ ఈ స్థాయిలో ఉండటానికి ముఖ్య కారణమైన కార్లలో టియాగో (Tiago) ఒకటి. టాటా మోటార్స్ తక్కువ ధరలో అందించే హ్యాచ్‌బ్యాక్ కారు టియాగో, టాటాలోనే కాదు మొత్తం ఇండియాలోనే తక్కువ ధర కలిగిన హ్యాచ్‌బ్యాక్‌గా నిలిచింది.

భారత ఎలక్ట్రిక్ వాహన రంగంలో గణనీయమైన మార్పులు వచ్చాయి. పెరుగుతున్న ఇంధన ధరలతో బాధపడుతున్న వారు ఎలక్ట్రిక్ వాహనాల వైపు అడుగులు వేస్తున్నారు. దీంతో తయారీదారులు డిమాండ్‌ను తీర్చడానికి క్రమంగా ఎక్కువ ఈవీలను విడుదల చేయడానికి సన్నాహాలు చేస్తున్నారు. ఆటో రంగాన్ని శాశ్వతంగా మార్చే ఈ ట్రెండ్‌లో, కొన్ని ప్రముఖ కార్ తయారీ సంస్థలు తమ అత్యంత ఎదురుచూస్తున్న ఎలక్ట్రిక్ వాహనాలను లాంచ్ చేయడానికి సిద్ధంగా ఉన్నాయి. ఈసారి పోటీ కేవలం ఒకే విభాగంలో కాదు, సెడాన్‌లు, SUVలు, MPVలు వంటి విభిన్న సెగ్మెంట్లను ఇది కవర్ చేస్తోంది. ఇప్పటివరకు ఎలక్ట్రిక్ వాహన రంగంలోకి అడుగుపెట్టని మారుతీ సుజుకీ ఈ సంవత్సరం సెప్టెంబర్‌లో తమ తొలి EV మోడల్‌ను లాంచ్ చేయనుంది.

డుకాటి బైక్స్ గురించి తెలియని వారుండరు అంతే అతిశయోక్తి కాదు. అవి ఎంత అందంగా ఉంటాయో అంతే ఖరీదు కూడా ఉంటాయి. అందుకే మన దేశంలో ఆ బైక్‎లను కొనేవాళ్లు చాలా తక్కువ మంది ఉంటారు. ముఖ్యంగా యూత్ ఈ బైక్ మీద తమ లవర్‎తో రైడ్‎కు వెళ్లాలని కలలు కంటుంటారు.

మహీంద్రా స్కార్పియో ఒక పాపులర్ ఎస్యూవీ. ఇది సూపర్ స్టైలిష్ డిజైన్‌తో, చాలా మంచి ఫీచర్లతో వస్తుంది. పైగా, ఇది కొనడానికి కూడా అందుబాటు ధరలోనే ఉంటుంది. అందుకే కస్టమర్లు దీన్ని బాగా ఇష్టపడుతున్నారు. తాజాగా, ఏప్రిల్ నెలలో అత్యధికంగా అమ్ముడుపోయిన టాప్ 10 కార్ల లిస్ట్ వచ్చింది. అందులో స్కార్పియో SUV ఐదో స్థానంలో ఉంది. దాని గురించి మరిన్ని వివరాలు ఇక్కడ చూద్దాం.

భారతదేశపు కాంపాక్ట్ SUV విభాగంలో పోటీ రోజురోజుకీ పెరిగిపోతున్న వేళ, నిస్సాన్ (Nissan) కంపెనీ తన సత్తా చాటేందుకు గట్టి నిర్ణయం తీసుకున్నట్లు కనిపిస్తోంది. ప్రస్తుతం నిస్సాన్ తన మాగ్నైట్ మోడల్‌కే పరిమితమై ఉన్నా, 2026 ఆర్థిక సంవత్సరానికి ముందు మరో మూడు కొత్త మోడళ్లను మార్కెట్లోకి తీసుకురావాలని ప్రణాళికలు వేస్తోంది. వాటిలో ఒకటి మధ్యతరగతి SUV సెగ్మెంట్‌కు చెందింది. ఇది కేవలం ఒక కొత్త SUV మాత్రమే కాదు, దీన్ని ప్రసిద్ధ రెనాల్ట్ డస్టర్ నుంచి తీసుకోబోతున్నారు. గతంలో డస్టర్ భారీ అమ్మకాలను నమోదు చేయగా, అదే డస్టర్ ఆధారంగా వచ్చిన నిస్సాన్ టెర్రానో కూడా మార్కెట్లో మంచి పేరు సంపాదించింది. ఇప్పుడు, డస్టర్ తిరిగి భారత మార్కెట్లోకి రాబోతున్న ఈ సమయంలో, నిస్సాన్ ఆ వేదికను మరోసారి వినియోగించుకుంటోంది.

సినిమా పరిశ్రమలో ఓ సినిమా విజయం సాధిస్తే, దాన్ని పురస్కరించుకుని చిత్ర బృందంలోని సభ్యులు ఒకరికొకరు కృతజ్ఞతగా విలువైన బహుమతులు ఇవ్వడం ఇటీవల కాలంలో ఎక్కువగా కనిపిస్తుంది. ముఖ్యంగా ఖరీదైన కార్లు గిఫ్ట్‌లుగా ఇవ్వడం చూస్తున్నాం. ఈ మధ్య కాలంలో ట్రెండ్ మొత్తం కూడా ఇలాగే ఉంటుంది. 'విక్రమ్' అనే సినిమా విజయం తర్వాత, ప్రముఖ నటుడు కమల్ హాసన్ తన సినిమా దర్శకుడు లోకేష్ కనగరాజ్‌కు విలువైన లెక్సస్ కారు బహుమతిగా ఇచ్చిన సంగతి అందరికీ తెలిసిందే. దాంతో, విజయవంతమైన సినిమాల తర్వాత కార్లు బహుమతిగా ఇచ్చే సంస్కృతి మరింత విస్తరించింది. తాజాగా అగ్ర నటుల్లో ఒకరిగా పేరుపొందిన సూర్య తనకు ఎంతో ఇష్టమైన దర్శకుడు ఒక ప్రత్యేకమైన కారును బహుమతిగా అందించి వార్తల్లో నిలిచారు.

ఓలా ఎలక్ట్రిక్ కంపెనీ నుంచి వాళ్ల మొట్టమొదటి ఎలక్ట్రిక్ బైక్ త్వరలో మార్కెట్లోకి రాబోతోంది. ఇప్పటివరకు కేవలం ఎలక్ట్రిక్ స్కూటర్లను మాత్రమే అమ్ముతున్న ఓలా ఎలక్ట్రిక్, చాలా ఏళ్ల ఆలోచనల తర్వాత ఫస్ట్ టైమ్ ఎలక్ట్రిక్ బైకుల అమ్మకాల్లోకి దిగుతోంది. 'రోడ్‌స్టర్ ఎక్స్' (Roadster X) అనే పేరుతో వస్తున్న ఈ మొదటి ఓలా ఎలక్ట్రిక్ బైక్‌ను ఇప్పటికే పరిచయం చేశారు.

దేశీయ అతిపెద్ద కార్ల ఉత్పత్తిదారు అయినటువంటి మారుతీ సుజుకీ (maruti suzuki) ఏప్రిల్ నెలలో తాను సాధించిన అమ్మకాల వివరాలను విడుదల చేసింది. ఇటీవల తాజాగా మోడళ్ల వారీగా ఒక్కో కారుకు సంబంధించిన సేల్స్ డేటాను వెల్లడిస్తుంది. ఈ క్రమంలో మారుతీ తన ప్రసిద్ధ మోడల్ అయినటువంటి సియాజ్ కారు వివరాలను తెలియజేసింది. ప్రస్తుతం మార్కెట్లో ఎస్‌యూవీలకు భారీ డిమాండ్ నెలకొంది. ఇలాంటి పరిస్ధితులలో సెడాన్ విభాగానికి గట్టి పోటీ ఎదురవుతుంది. అందుకే ఏప్రిల్ 2025లో కేవలం 321 కార్లు మాత్రమే అమ్ముడుపోయాయి. ఇది గత ఏడాది అంటే ఏప్రిల్ 2024లో 867 యూనిట్లుగా నమోదైంది. సియాజ్ విక్రయాలు గత నెలతో పోల్చినప్పుడు గణనీయంగా తగ్గిపోవడానికి అనేక కారణాలు ఉన్నాయి.

హ్యుందాయ్ ఎక్స్‌టర్ ఒక పాపులర్ కాంపాక్ట్ ఎస్యూవీ. ఇది చాలా ఆకర్షణీయంగా ఉండడమే కాకుండా, బడ్జెట్ ధరలో కూడా లభిస్తుంది. వినియోగదారులు కూడా పోటీ పడి కొనుగోలు చేస్తున్నారు. తాజాగా కంపెనీ ఈ కారులో ఎస్ స్మార్ట్, ఎస్‌ఎక్స్ స్మార్ట్ అనే రెండు కొత్త వేరియంట్లను విడుదల చేసింది. వాటి ధర, ప్రత్యేకతల గురించిన ముఖ్యమైన అంశాలు ఏమిటో ఇప్పుడు తెలుసుకుందాం.

స్టెల్లాంటిస్ ఆధ్వర్యంలోని ఉన్న ప్రముఖ ఆటోమొబైల్ బ్రాండ్లు జీప్, సిట్రోయెన్ భారతదేశంలోని తమ కస్టమర్ల కోసం ఈ వేసవిలో ప్రత్యేకమైన సేవా కార్యక్రమాలను ప్రారంభించాయి. 'జీప్ సమ్మర్ స్ప్లాష్ 2025','సిట్రోయెన్ సమ్మర్ క్రూయిజ్ 2025' పేరుతో ఇవి మే 2 నుండి మే 31, 2025 వరకు పరిమిత కాలం పాటు అందుబాటులో ఉంటాయి. ఈ ప్రత్యేకమైన క్యాంపెయిన్‌ల ఉద్దేశ్యం వినియోగదారుల వాహనాలకు మెరుగైన సేవలు అందించడానికి వీటిని ప్రత్యేకంగా ప్రారంభించారు. కాలానుగుణంగా సేవల విలువను వినియోగదారులకు అందించడాన్ని లక్ష్యంగా పెట్టుకుని ఈ కార్యక్రమాలు రూపొందించబడ్డాయి. దేశవ్యాప్తంగా ఉన్న అన్ని అధీకృత జీప్, సిట్రోయెన్ డీలర్‌షిప్‌లు, వర్క్‌షాప్‌లలో ఈ సేవలు వినియోగదారులకు లభిస్తాయి.

టయోటా రూమియన్ అత్యంత పాపులారిటీ పొందిన ఎంపీవీ(మల్టీ పర్పస్ వెహికల్). దేశీయ మార్కెట్‌లో ఈ కారు చాలా సరసమైన ధరలో కస్టమర్లకు అందుబాటులో ఉంటుంది. దీని ధర రూ.10 లక్షల నుంచి రూ.14 లక్షల వరకు (ఎక్స్-షోరూమ్) ఉంటుంది. ఇది 1.5-లీటర్ కెపాసిటీ గల పెట్రోల్, CNG ఇంజిన్ ఆప్షన్‌లను కలిగి ఉంది.

దేశీయ దిగ్గజ టూవీలర్ తయారీదారు అయినటువంటి బజాజ్ (Bajaj) ఇటీవల కొత్తగా తన ప్రసిద్ధ ప్లాటినా 110 సిరీస్ కొత్త వెర్షన్‌ను విడుదల చేసింది. గత మోడల్‌తో పోలిస్తే 2025 మోడల్ కొత్తగా అప్‌డేట్‌డ్ ఫీచర్స్‌తో వచ్చింది. బైక్ లవర్స్ ఎంతో ఆత్రుతగా ఎదురు చూసిన ఈ మోడల్, తాజాగా కాస్మెటిక్ మార్పులతో పాటు టెక్నాలజీ పరంగా కూడా కొన్ని కీలకమైన అప్‌డేట్‌తో వినియోగదారుల ముందుకు వచ్చింది. ఇది భారత ప్రభుత్వ నిబంధనల ప్రకారం, OBD-2B ఉద్గార నియంత్రణ ప్రమాణాలకు అనుగుణంగా మారింది. దీంతో బైక్ నుంచి తక్కువ మొత్తంలో కాలుష్య కారకాలు విడుదల అవుతాయి. ఇంజిన్‌లో మార్పులు చేయడం కారణంగా మైలేజ్ కూడా బాగానే వస్తుంది. దీని ప్రారంభ ధర వచ్చేసి దాదాపు రూ.74,214 (ఎక్స్-షోరూమ్) నుంచి కొనుగోలు చేయడానికి లభిస్తుంది.

అమెరికన్ కార్ల తయారీ సంస్థ జీప్.. ప్రస్తుతం భారతీయ వాహన మార్కెట్లో ఎలాగైనా తన సత్తా చాటాలని ప్రయత్నిస్తోంది. ప్రస్తుతం ఇక్కడ కొన్ని అద్భుతమైన ఎస్యూవీలు ఉన్నప్పటికీ ఆశించిన స్థాయిలో విజయాన్ని మాత్రం నమోదు చేయలేకపోయింది. కాంపస్, మెరిడియన్ మోడల్స్ కొంతవరకు బాగానే అమ్ముడవుతున్నాయి.

అందం, అభినయం కలగలిపిన నటిమనుల్లో రాశి ఖన్నా కూడా ఒకరు. తెలుగులో ఊహలు గుసగుసలాడే సినిమా ద్వారా హీరోయిన్‌గా ఎంట్రీ ఇచ్చి టాప్ హీరోల ప్రక్కన నటించి అగ్ర హీరోయిన్లలో ఒకరిగా ఉన్నారు. ఒక్క తెలుగులోనే కాకుండా హిందీ, తమిళం భాషల్లో కూడా నటిస్తూ స్టార్ పొజిషన్‌ను ఎంజాయ్ చేస్తున్నారు. సినిమాల ద్వారా మంచిగానే సంపాదిస్తున్న నటి తాజాగా ఖరీదైన కారుతో కనిపించారు. రాశి ఖన్నా స్కోడా కుషాక్ SUVలో ప్రయాణిస్తున్న ఫోటోలు తాజాగా సోషల్ మీడియాలో వైరల్ అవుతున్నాయి. సాధారణంగా సినీ తారలు లగ్జరీ కార్లలో మాత్రమే కనిపించే వాతావరణంలో, ఈ నటి మిడ్-సైజ్ SUV అయిన స్కోడా కుషాక్‌లో కనిపించడం కొంత భిన్నంగా అనిపించింది. ఆమె స్టైల్‌కి సూటయ్యే విధంగా ఎరుపు రంగు దుస్తుల్లో మెరిసిపోతూ కారులోని వెనుక సీటులో కూర్చున్న విధానం దేవతల్ని తలపించేలా ఉంది.