భారత SUV మార్కెట్లో తనకంటూ ఒక ప్రత్యేకమైన గుర్తింపు తెచ్చుకున్న JSW MG Motor సంస్థ, దేశీయ మార్కెట్లో మరోసారి సంచలనం సృష్టించడానికి సిద్ధమైంది. ఈ ఏడాది దీపావళి పండుగ నాటికి ఇండియన్ మార్కెట్లో రెండు సరికొత్త పవర్‌ఫుల్ ఎస్‌యూవీలను లాంచ్ చేయడానికి కంపెనీ సర్వం సిద్ధం చేసింది. ఇందులో ఒకటి ప్లగ్-ఇన్ హైబ్రిడ్ మోడల్ కాగా, మరొకటి పూర్తి ఎలక్ట్రిక్ వెర్షన్ కావడం విశేషం. ప్రముఖ ఆటోమొబైల్ నివేదికల ప్రకారం.. రాబోయే ఈ ప్లగ్-ఇన్ హైబ్రిడ్ ఎస్‌యూవీకి కంపెనీ ఎంజీ హెక్టార్ హాక్ అని పేరు పెట్టే అవకాశం ఉన్నట్లు తెలుస్తోంది. ఈ సరికొత్త ప్రీమియం కారును జూలై 16, 2026న కంపెనీ అధికారికంగా ప్రపంచానికి పరిచయం చేయబోతోంది. రాబోయే సరికొత్త ఎంజీ హెక్టార్ హాక్, దాని ఎలక్ట్రిక్ వెర్షన్ కార్లు రెండూ కూడా చైనా మార్కెట్లో విపరీతమైన ఆదరణ పొందిన వులింగ్ స్టార్‌లైట్ 560 మోడల్ ఆధారంగా తయారవుతున్నాయి. దీనివల్ల ఈ రెండు ఎస్‌యూవీల ప్లాట్‌ఫారమ్, బాడీ స్ట్రక్చర్, మెకానికల్ పార్ట్స్ చాలా వరకు ఒకేలా ఉండే అవకాశం ఉంది.

భారతదేశంలో కారు కొనుగోలు చేసే చాలా మంది కుటుంబ అవసరాలకే ఎక్కువ ప్రాధాన్యత ఇస్తారు. ముఖ్యంగా ఐదుగురికి పైగా సభ్యులు ఉన్న కుటుంబాలు, ఎక్కువ సీటింగ్ , విశాలమైన క్యాబిన్, సౌకర్యవంతమైన ప్రయాణ అనుభవం కలిగిన ఎంపీవీ (MPV) కార్ల వైపు మొగ్గు చూపుతుంటాయి. ఈ విభాగంలో చాలా కాలంగా మంచి గుర్తింపు సంపాదించుకున్న మోడళ్లలో మారుతి సుజుకి ఎక్స్‌ఎల్6 (Maruti Suzuki XL6) ఒకటి. ఈ కారు ప్రతి నెలా స్థిరమైన అమ్మకాలతో తన మార్కెట్ స్థానాన్ని బలోపేతం చేసుకుంటోంది. ఎస్‌యూవీలకు డిమాండ్ పెరుగుతున్నప్పటికీ, పెద్ద కుటుంబాల కోసం సౌకర్యవంతమైన ప్రయాణాన్ని అందించే MPVగా XL6కు ఇప్పటికీ మంచి ఆదరణ కొనసాగుతోంది.

భారత ఆటోమొబైల్ మార్కెట్లో సబ్-4 మీటర్ ఎస్‌యూవీ సెగ్మెంట్‌లో తీవ్రమైన పోటీ నడుస్తోంది. గత మే నెలలో మారుతి సుజుకి ఫ్రాంక్స్ కారు అమ్మకాల్లో మొదటి స్థానంలో నిలిచి టాటాకు గట్టి పోటీ ఇచ్చింది. అయితే, కేవలం 30 రోజుల్లోనే టాటా పంచ్ తన పవర్‌ ఏంటో చూపిస్తూ కోల్పోయిన నంబర్-1 కిరీటాన్ని మళ్లీ సొంతం చేసుకుంది.

భారత ఆటోమొబైల్ మార్కెట్లో ఎస్‌యూవీల హవా కొనసాగుతున్నప్పటికీ, సబ్-కాంపాక్ట్ సెడాన్ కార్లకు ఇప్పటికీ మంచి డిమాండ్ ఉంది. ముఖ్యంగా తక్కువ ధరలో స్టైలిష్ డిజైన్, మంచి మైలేజ్, విశాలమైన క్యాబిన్, కుటుంబ అవసరాలకు సరిపోయే సౌకర్యాలను కోరుకునే వినియోగదారులు ఈ విభాగాన్ని ఎక్కువగా ఎంచుకుంటున్నారు. ఈ సెగ్మెంట్‌లో ఎన్నో మోడళ్లు అందుబాటులో ఉన్నప్పటికీ హ్యుందాయ్ ఆరా (Hyundai Aura) తనకంటూ ప్రత్యేక గుర్తింపు సంపాదించుకుంది. ఆకర్షణీయమైన డిజైన్, లేటెస్ట్ ఫీచర్లు, నమ్మకమైన పనితీరుతో ఈ సెడాన్ మార్కెట్లో బలమైన స్థానాన్ని ఏర్పరచుకుంది. 2020లో ఆరాను భారత మార్కెట్లో ప్రవేశపెట్టినప్పటి నుంచి ఈ మోడల్‌కు వినియోగదారుల నుంచి మంచి స్పందన లభిస్తోంది.

భారతదేశంలో ఎలక్ట్రిక్ స్కూటర్ల మార్కెట్ వేగంగా పెరుగుతున్న తరుణంలో, టీవీఎస్ (Tvs) కంపెనీ తన ఆధిపత్యాన్ని మరింత బలపరుచుకుంటోంది. కస్టమర్ల నమ్మకం, మంచి పనితీరు కలిగిన మోడళ్లు, విస్తృతమైన డీలర్ నెట్‌వర్క్, అమ్మకాల తర్వాత మెరుగైన సేవల కారణంగా అందరి అభిమానాన్ని సొంతం చేసుకుంటూ టీవీఎస్ ప్రస్తుతం దేశీయ ఈవీ విభాగంలో అగ్రస్థానంలో నిలిచింది. ముఖ్యంగా గత నెలలో కంపెనీ అమ్మకాల గణాంకాలు ఈ విజయాన్ని స్పష్టంగా తెలియజేస్తున్నాయి. ఇటీవల వచ్చిన సేల్స్ ప్రకారం, 2026 జూన్ నెలలో టీవీఎస్ దేశవ్యాప్తంగా మొత్తం 47,064 ఎలక్ట్రిక్ స్కూటర్లను విక్రయించి, ఈ విభాగంలో మిగతా అన్ని కంపెనీలను వెనక్కి నెట్టింది.

భారత ఆటోమొబైల్ మార్కెట్ రోజురోజుకూ సరికొత్త రికార్డులను క్రియేట్ చేస్తోంది. SUV కార్లకు దేశంలో డిమాండ్ విపరీతంగా పెరుగుతోంది. ఇలాంటి సమయంలో ఫ్రాన్స్‌కు చెందిన ప్రముఖ కార్ల తయారీ సంస్థ సిట్రోయెన్ (Citroen) ఇండియాకు గత జూన్ నెల మిశ్రమ ఫలితాలను అందజేసింది. జూన్ నెలలో కంపెనీ మొత్తం మోడళ్లపై 610 కార్లను విక్రయించి, గత రెండు నెలలతో పోలిస్తే స్వల్ప వృద్ధిని నమోదు చేసింది.

భారత ఆటోమొబైల్ మార్కెట్లో హ్యుందాయ్ కార్లకు చాలా మంది ఫ్యాన్స్ ఉన్నారు. కంపెనీకి చెందిన క్రెటా, వెన్యూ, ఎక్స్టర్ వంటి SUV మోడళ్లు ప్రతి నెల భారీ అమ్మకాలతో దూసుకుపోతుంటాయి. గడిచిన జూన్ 2026 నెలలోనే హ్యుందాయ్ సంస్థ భారత మార్కెట్లో దాదాపు 40,000 యూనిట్ల కార్లను విక్రయించి తన సత్తా చాటుకుంది.

భారతదేశ ఆటో మొబైల్ మార్కెట్లో కొన్ని మోడళ్లు చరిత్రలో నిలిచిపోయే విధంగా ప్రజల ఆదరణను సొంతం చేసుకుంటుంటాయి. టూవీలర్ విభాగంలో చూసినట్లయితే చరిత్రలో ప్రత్యేక గుర్తింపు తెచ్చుకున్న మోడళ్లలో యమహా RX100 పేరు ఎప్పటికీ ముందుంటుంది. ఒకప్పుడు యువతకు స్టైల్‌కు ప్రతీకగా నిలిచిన ఈ బైక్, తన తేలికైన బరువు, వేగవంతమైన పనితీరు, ప్రత్యేకమైన టూ-స్ట్రోక్ ఇంజన్ సౌండ్‌తో లక్షలాది మంది అభిమానులను సంపాదించుకుంది. మార్కెట్ నుంచి వైదొలిగి దశాబ్దాలు గడిచినా, RX100పై ఉన్న మోజు మాత్రం ఇప్పటికీ ఏమాత్రం తగ్గలేదు. అందుకే మంచి కండిషన్‌లో ఉన్న పాత RX100 బైక్‌ల కోసం నేటికీ ఎంతోమంది లక్షల రూపాయలు వెచ్చించడానికి కూడా వెనుకాడడం లేదు.

భారత్‌లో కుటుంబంతో కలిసి ప్రయాణాలు చాలా ఎక్కువగా ఉంటాయి. ఒకే కారులో భార్య, పిల్లలు, అమ్మ, నాన్న ఇతర కుటుంబ సభ్యులు కలిసి వెళ్లడానికి ఆసక్తి కనబరుస్తుంటారు. ఇలా పెద్ద కుటుంబానికి 7-సీటర్ సెగ్మెంట్‌లో మారుతి సుజుకి ఎర్టిగా (Maruti Suzuki Ertiga) బాగా అనుకులంగా ఉంటుంది. ఇది పెద్ద కుటుంబాలకు సరిపోయే సౌకర్యవంతమైన సీటింగ్, లాంగ్ డ్రైవ్స్‌లో కూడా కంఫర్ట్‌ను అందించే సస్పెన్షన్, అలాగే తక్కువ మెయింటనెన్స్ ఖర్చులతో మధ్యతరగతి సరైన ఎంపిక అవుతుందనడంలో ఎలాంటి సందేహం లేదు. అందుకే ఈ కారులో దేశంలోని గ్రామాల్లో, పట్టణాల్లో ఉండే వారు ఎక్కువగా కొనుగోలు చేయడానికి ఇంట్రెస్ట్ చూపిస్తుంటారు. ఇది ప్రతినెలా వేలల్లో అమ్ముడవుతూ మారుతి కంపెనీకి బంగారు గుడ్డు పెట్టే కోడిలా మారింది.

భారత ఆటోమొబైల్ మార్కెట్లో టాటా మోటార్స్ సంస్థకు చెందిన పాపులర్ మైక్రో ఎస్‌యూవీ టాటా పంచ్ విజయ విహారం చేస్తోంది. ఈ కారుకు దేశీయంగా ఎంతటి క్రేజ్ ఉందో చెప్పడానికి తాజాగా నమోదైన అమ్మకాల గణాంకాలే నిదర్శనం. ప్రస్తుత 2026 సంవత్సరపు ప్రథమార్ధంలో అంటే జనవరి నుంచి జూన్ మధ్య కాలంలో దేశంలోనే అత్యధికంగా అమ్ముడైన నంబర్-1 ఎస్‌యూవీగా టాటా పంచ్ సరికొత్త రికార్డు సృష్టించింది.

భారత ఆటోమొబైల్ మార్కెట్లో SUV అనగానే మనందరికీ ముందుగా గుర్తొచ్చే బ్రాండ్ మహీంద్రా అండ్ మహీంద్రా. కంపెనీ పోర్ట్‌ఫోలియోలో థార్, బొలేరో, XUV 7XO వంటి ఎన్నో పాపులర్ కార్లు ఉన్నప్పటికీ, వాటన్నింటినీ వెనక్కి నెట్టి మహీంద్రా స్కార్పియో మరోసారి కంపెనీలోనే అత్యధికంగా అమ్ముడైన నంబర్-1 మోడల్‌గా నిలిచింది.

భారతీయ మార్కెట్లో తన ఉనికిని మరింత బలోపేతం చేసుకునే దిశగా జపాన్‌కు చెందిన ప్రముఖ ఆటోమొబైల్ తయారీ సంస్థ నిస్సాన్ (Nissan) మరో కీలక ముందడుగు వేసింది. దేశంలో అత్యంత పోటీ నెలకొన్న మిడ్-సైజ్ SUV విభాగాన్ని లక్ష్యంగా చేసుకుని కంపెనీ ఎంతోకాలంగా ఎదురుచూస్తున్న కొత్త టెక్టన్ (Tekton) SUVని అధికారికంగా భారత మార్కెట్లో ప్రవేశపెట్టింది. ఈ మోడల్‌కు సంబంధించిన టీజర్లు, స్పై ఫోటోలు, లీక్ అయిన వివరాలు ఇప్పటికే ఆటోమొబైల్ అభిమానుల్లో ఆసక్తిని పెంచగా, ఆ అంచనాలన్నింటికీ తెరదిస్తూ జూలై 9న నిస్సాన్ ఈ కొత్త SUVని ఘనంగా ఆవిష్కరించింది. ధరల విషయంలో కూడా టెక్టన్‌ను కంపెనీ పోటీదారులకు గట్టి సవాల్ విసిరేలా తీసుకొచ్చింది.

దేశీయ అతిపెద్ద కార్ల తయారీదారు అయినటువంటి మారుతి సుజుకికి చెందిన ప్రసిద్ద కారు ఫ్రాంక్స్ (Fronx) భారత మార్కెట్లో తనకంటూ ఒక ప్రత్యేక స్థానాన్ని సంపాదించుకుంటూ దూసుకుపోతోంది. ప్రస్తుతం ఉన్నటువంటి పోటీలో కూడా ఆకర్షణీయమైన డిజైన్, ఆధునిక ఫీచర్లు, మెరుగైన మైలేజ్, పనితీరుతో ప్రతినెలా కూడా కొత్త కస్టమర్లను ఆకర్షించడంలో విజయం సాధిస్తుంది. తాజాగా ఈ కారుకి సంబంధించిన అమ్మకాల గణంకాలు కూడా చూసినట్లయితే, భారత ప్రజలు దీనిని ఎంతగా ఆదరిస్తున్నారో స్పష్టం అవుతుంది. మారుతి సుజుకి నుంచి వచ్చిన సేల్స్ నివేదిక ప్రకారం, ఫ్రాంక్స్ SUV 2026 జూన్ నెలలో 13,135 యూనిట్ల అమ్మకాలను నమోదు చేసింది. ఇక్కడ ఆశ్చర్యకర విషయం ఏమిటంటే, ఏడాది ప్రాతిపదికన చూసినట్లయితే ఇది 34 శాతం వృద్ధి.

భారత ఆటోమొబైల్ మార్కెట్లో అత్యంత ప్రజాదరణ పొందిన సబ్-కాంపాక్ట్, మైక్రో ఎస్‌యూవీ సెగ్మెంట్లలో మారుతి సుజుకీ భారీ ప్లాన్ చేసింది. ప్రస్తుతం మార్కెట్ సెంటిమెంట్‌ను శాసిస్తున్న టాటా నెక్సాన్, టాటా పంచ్ కార్ల హవాకు బ్రేకులు వేసేందుకు మారుతి సరికొత్త వ్యూహాన్ని రెడీ చేసింది. రాబోయే మూడు సంవత్సరాలలో ఏకంగా 9 కొత్త మోడళ్లను లాంచ్ చేయాలని ప్లాన్ చేస్తుండగా, అందులో 7 కార్లు కేవలం ఎస్‌యూవీలే కావడం విశేషం. అందులో భాగంగానే వినియోగదారులను ఆకట్టుకునేందుకు విప్లవాత్మకమైన మైలేజ్ ఇంజన్లతో రానున్న 3 సరికొత్త ఎస్‌యూవీల వివరాలు తెలుసుకుందాం.

దేశీయ ఆటోమొబైల్ మార్కెట్లో అత్యంత తీవ్ర పోటీ ఉన్న 4 మీటర్ల లోపు కాంపాక్ట్ SUV సెగ్మెంట్‌లో మహీంద్రా XUV 3XO తనదైన ముద్ర వేస్తోంది. ఒకప్పుడు XUV300 పేరుతో మార్కెట్లో ఉన్న ఆశించిన స్థాయిలో విక్రయాలను నమోదు చేయలేకపోయింది. అయితే మార్కెట్ పరిస్థితులను అర్థం చేసుకున్న మహీంద్రా, ఈ మోడల్‌కు పూర్తి స్థాయి మేకోవర్ ఇచ్చి XUV 3XO పేరుతో కొత్త అవతారంలో తీసుకొచ్చింది. కొత్త డిజైన్, ప్రీమియం ఇంటీరియర్, అత్యాధునిక ఫీచర్లు, పెట్రోల్-డీజిల్ ఇంజన్ ఆప్షన్లు, వేరు వేరు గేర్‌బాక్స్ ఆప్షన్లు, 5-స్టార్ భద్రతా ప్రమాణాలు, అలాగే పోటీదారులతో పోలిస్తే ఆకర్షణీయమైన ధర వంటి అంశాలు ఈ SUVకు భారీ ఆదరణ తీసుకొచ్చాయి. ఫలితంగా దేశవ్యాప్తంగా అనేక మహీంద్రా షోరూమ్‌లలో XUV 3XO కోసం వినియోగదారుల రద్దీ స్పష్టంగా కనిపిస్తోంది.

భారత ఆటోమొబైల్ మార్కెట్లోని సెడాన్ కార్ల విభాగంలో మారుతి సుజుకి డిజైర్ తన తిరుగులేని ఆధిపత్యాన్ని కొనసాగిస్తోంది. ఈ కారు విక్రయాల జోరు ముందు మిగిలిన ఏ బ్రాండ్ కార్లు కూడా పోటీ పడలేకపోతున్నాయి. ఇటీవల విడుదలైన జూన్ 2026 సేల్స్ గణాంకాల ప్రకారం.. గత నెలలో డిజైర్ కారుకు సంబంధించిన మొత్తం 17,899 యూనిట్లు అమ్ముడయ్యాయి.

ప్రస్తుతం భారతదేశంలో పర్యావరణహిత (గ్రీన్) వాహనాలకు డిమాండ్ రోజురోజుకు విపరీతంగా పెరిగిపోతుంది. ప్రస్తుత ఆర్థిక సంవత్సరంలో ఎలక్ట్రిక్, హైబ్రిడ్ కార్ల అమ్మకాల్లో భారీ వృద్ధి నమోదైంది. ప్రస్తుతానికి ఇండియాలోని హైబ్రిడ్ కార్ల సెగ్మెంట్లో టయోటా కిర్లోస్కర్ మోటార్స్ సంస్థ సుమారు 80 శాతం వాటాతో ఏకఛత్రాధిపత్యం చలాయిస్తోంది.

జపాన్‌కు చెందిన ప్రముఖ ఆటోమొబైల్ సంస్థ నిస్సాన్ ఇప్పుడు భారత్‌లో మరో కీలక అడుగు వేయబోతోంది. దేశంలో అత్యంత పోటీ నెలకొన్న మిడ్-సైజ్ SUV సెగ్మెంట్‌లోకి ప్రవేశించేందుకు కంపెనీ తన కొత్త టెక్టన్ (Tekton) ఎస్‌యూవీని సిద్ధం చేసింది. ఇప్పటికే ఈ మోడల్‌పై ఆటోమొబైల్ అభిమానుల్లో భారీ ఆసక్తి నెలకొనగా, అన్ని ఊహాగానాలకు తెరదిస్తూ ఈ SUV జూలై 9న భారత మార్కెట్‌లో అధికారికంగా తొలి అడుగు పెట్టనుంది. మాగ్నైట్, గ్రావైట్ మోడళ్లతో భారత మార్కెట్‌లో తన ఉనికిని బలోపేతం చేసుకున్న కంపెనీ తన తదుపరి కారుగా టెక్టన్‌ను తీసుకొస్తుంది. వాస్తవానికి ఈ మోడల్‌ను ఈ ఏడాది ఫిబ్రవరిలోనే పరిచయం చేయాలని నిస్సాన్ భావించింది. అయితే కొన్ని వ్యాపార, అభివృద్ధి సంబంధిత కారణాలతో విడుదల వాయిదా పడింది.

ప్రీమియం ఎలక్ట్రిక్ టూవీలర్ సెగ్మెంట్‌లో తన ఉనికిని మరింత బలోపేతం చేసే దిశగా జపాన్‌కు చెందిన ప్రముఖ టూవీలర్ వాహన తయారీ సంస్థ యమహా కీలక అడుగు వేసింది. యువతను లక్ష్యంగా చేసుకుని కంపెనీ తన కొత్త యమహా ఏరోక్స్ ఇ (yamaha aerox e) ఎలక్ట్రిక్ స్కూటర్‌ను అధికారికంగా మార్కెట్లోకి తీసుకొచ్చింది. స్పోర్టీ డిజైన్, శక్తివంతమైన పనితీరు, అధునాతన ఫీచర్లతో తయారు చేసిన ఈ స్కూటర్ ప్రీమియం ఎలక్ట్రిక్ స్కూటర్ సెగ్మెంట్‌లో కొత్త పోటీకి నాంది పలకనుంది. డిజైన్ పరంగా చూస్తే, కొత్త ఏరోక్స్ E తన పెట్రోల్ వెర్షన్ ఏరోక్స్ 155 నుంచి ప్రేరణ పొందింది.

భారతదేశంలో ఎలక్ట్రిక్ వాహనాలకు క్రేజ్ రోజురోజుకూ పెరుగుతోంది. దీనిని దృష్టిలో ఉంచుకుని దేశీయ ఆటోమొబైల్ దిగ్గజం టాటా మోటార్స్ ఇటీవల మార్కెట్లోకి రెండు సరికొత్త ఎలక్ట్రిక్ ఎస్‌యూవీలను విడుదల చేసింది. అవే టాటా సియెర్రా ఈవీ, టాటా హారియర్ ఈవీ. ఈ రెండు కార్లు కూడా టాటా సరికొత్త, అడ్వాన్స్డ్ ఈవీ ప్లాట్‌ఫామ్‌పైనే తయారయ్యాయి.

దేశంలోని అత్యంత ప్రజాదరణ పొందిన పర్యాటక ప్రాంతాల్లో గోవా (Goa) ఒకటి. ప్రతి సంవత్సరం లక్షలాది మంది దేశీయ, విదేశీ పర్యాటకులు గోవాను సందర్శిస్తూ అక్కడి బీచ్‌లు, చారిత్రక ప్రదేశాలు, ప్రకృతి అందాలను ఆస్వాదిస్తుంటారు. గోవాలో పర్యాటకులు స్వేచ్ఛగా అక్కడి ప్రాంతాలను చూడటానికి ఎక్కువగా సెల్ఫ్-డ్రైవ్ అద్దె వాహనాలపై ఆధారపడుతుంటారు. ఇలాంటి సేవలు విస్తృతంగా గోవాలో అందుబాటులో ఉన్నాయి. ముఖ్యంగా టూవీలర్ వాహనాలతో పాటు ఎస్‌యూవీలకు కూడా మంచి డిమాండ్ ఉంటుంది. వీటిలో మహీంద్రా థార్‌కు (Mahindra Thar) ప్రత్యేక ఆదరణ ఉంది. అడ్వెంచర్ లుక్, ఎలాంటి రోడ్లపైనైనా సులభంగా ప్రయాణించే సామర్థ్యం కారణంగా చాలా మంది పర్యాటకులు థార్‌ను అద్దెకు తీసుకోవడానికే మొగ్గు చూపుతుంటారు.

ప్రపంచవ్యాప్తంగా బైక్ రైడర్లను ఎంతగానో ఆకట్టుకున్న ప్రముఖ టూ వీలర్ల తయారీ సంస్థ యమహా, మోటార్ సైకిల్ రంగంలో ఒక సుదీర్ఘ అధ్యాయానికి ముగింపు పలకనుంది. తన పోర్ట్‌ఫోలియోలోనే అత్యంత పురాతనమైన, పాపులర్ అయిన యమహా ఆర్6 (Yamaha R6) స్పోర్ట్‌బైక్ ఉత్పత్తిని శాశ్వతంగా నిలిపివేస్తున్నట్లు కంపెనీ ప్రకటించింది.

ప్రపంచంలోనే అతిపెద్ద టూవీలర్స్ తయారీదారుగా గుర్తింపు పొందిన హీరో మోటోకార్ప్ (Hero MotoCorp) చాలా కాలంగా అమ్మకాలో అగ్రస్థానంలో నిలుస్తుంది. తాజాగా విడుదల అయిన జూన్ నెలలో దేశీయంగా హీరో అదిరిపోయే అమ్మకాలను నమోదు చేసి టాప్‌లో నిలిచింది. సేల్స్ నివేదిక ప్రకారం, కంపెనీ జూన్ 2026లో మొత్తం 5,02,890 మోటార్‌సైకిళ్లు, స్కూటర్లను విక్రయించి దేశీయ అమ్మకాలలో తన ఆధిపత్యాన్ని కొనసాగించింది. ఇది గత ఏడాదితో పోలిస్తే స్వల్ప తగ్గుదలను నమోదు చేసింది. 2025 జూన్‌లో హీరో మోటోకార్ప్ అమ్మకాలు 5,25,136 యూనిట్లు ఉండగా, ఏడాది ప్రాతిపదికన చూసినట్లయితే ఈ సారి 22,246 యూనిట్లు తక్కువగా అమ్ముడుపోయాయి. శాతాల లెక్కన ఇది దాదాపుగా 4.24 శాతం తగ్గుదలగా చెప్పొచ్చు.

సొంతంగా ఓ పెద్ద కారు కొని తన ఫ్యామిలీతో కలిసి లాంగ్ జర్నీలకు వెళ్లాలని అనుకునే వాళ్లుకు ఓ సూపర్ గుడ్ న్యూస్. భారత ఆటోమొబైల్ మార్కెట్లో రాబోయే రోజుల్లో 6 లేదా 7 సీటర్ కార్ల హవా నడవబోతోంది. దేశంలోని ప్రముఖ దిగ్గజ కార్ల తయారీ కంపెనీలైన మారుతి సుజుకి, టయోటా, టాటా మోటార్స్, మహీంద్రా, కియా, ఎంజీ మోటార్స్ త్వరలోనే సరికొత్త ఫీచర్లు, అదిరిపోయే డిజైన్లతో కూడిన 7 సరికొత్త ఎస్‌యూవీ మోడళ్లను మార్కెట్లోకి తీసుకురావడానికి రెడీ అవుతున్నాయి. ఈ కార్లన్నీ మల్టిఫుల్ ఇంజిన్ ఆప్షన్లతో 2026 చివరి నాటికి లేదా 2027 ప్రారంభంలో రోడ్లపైకి రానున్నాయి. ఈ నేపథ్యంలో రాబోయే ఆ 7 అద్భుతమైన SUVల పూర్తి వివరాలు, వాటి విశేషాలు తెలుసుకుందాం.

ఇండియాలో ప్రస్తుతం ఎలక్ట్రిక్ టూవీలర్స్ డిమాండ్ భారీగా పెరిగిపోయింది. గతంలో పెట్రోల్ వాహనాలను మాత్రమే కొనుగోలు చేయడానికి ఆసక్తి చూపించేవారు క్రమంగా ఇప్పుడు ఈవీల వైపు మళ్లుతున్నారు. దీనికి ప్రధాన కారణం, పెరుగుతున్న ఇంధన ధరలు, అలాగే ఈవీ ఛార్జింగ్ సదుపాయాలు మెరుగవడం, ప్రభుత్వ ప్రోత్సాహకాల కారణంగా ఎలక్ట్రిక్ వాహనాలను ప్రజలు బాగా ఆదరిస్తున్నారు. తాజాగా ఈవీ విప్లవం మరింత వేగం అందుకుంది. 2026 సంవత్సరం ఇంకా పూర్తికాకముందే దేశీయ ఈవీ మార్కెట్ చరిత్రలో అరుదైన మైలురాయిని దాటింది. సమాచారం ప్రకారం, ఈ ఏడాది ప్రారంభం నుంచి జూలై 6 నాటికే దేశవ్యాప్తంగా మొత్తం 10,05,279 ఎలక్ట్రిక్ టూవీలర్స్ అమ్ముడుపోయి కొత్త రికార్డును నమోదు చేసింది.