భారత ఎలక్ట్రిక్ ద్విచక్ర వాహన మార్కెట్లో వేగంగా ఎదుగుతున్న కంపెనీల్లో ఏథర్ ఎనర్జీ (Ather Energy) ఒకటి. ఒక చిన్న స్టార్టప్‌గా తన ప్రయాణాన్ని ప్రారంభించిన ఈ సంస్థ, నేడు దేశంలోని టాప్-3 ఎలక్ట్రిక్ టూ-వీలర్ బ్రాండ్‌లలో స్థానం సంపాదించుకుంది. అత్యాధునిక టెక్నాలజీ, ప్రీమియం డిజైన్, స్మార్ట్ ఫీచర్లు, బలమైన ఛార్జింగ్ నెట్‌వర్క్‌తో వినియోగదారుల విశ్వాసాన్ని గెలుచుకున్న ఏథర్, ఇప్పుడు అమ్మకాల పరంగా కూడా కొత్త రికార్డులను సృష్టిస్తోంది. తాజాగా విడుదలైన మే 2026 అమ్మకాల గణాంకాలు కంపెనీ వృద్ధిని స్పష్టంగా చూపిస్తున్నాయి. మే 2026లో దేశవ్యాప్తంగా ఏథర్ ఎనర్జీ మొత్తం 28,211 ఎలక్ట్రిక్ స్కూటర్లను విక్రయించింది. గత ఏడాది ఇదే నెలలో కంపెనీ కేవలం 14,101 యూనిట్లను మాత్రమే అమ్మగలిగింది.

భారతదేశంలో అత్యధికంగా అమ్ముడయ్యే మోస్ట్ పాపులర్ హ్యాచ్‌బ్యాక్ కార్లలో ఒకటైన మారుతి సుజుకి స్విఫ్ట్ (Maruti Suzuki Swift) పై కంపెనీ జూన్ 2026 నెలకు గాను అదిరిపోయే డిస్కౌంట్ ఆఫర్లను ప్రకటించింది. ఈ నెలలో కొత్త స్విఫ్ట్ కారును కొనుగోలు చేసే కస్టమర్లు ఏకంగా రూ.45,000 వరకు ప్రయోజనాలను పొందవచ్చు. కస్టమర్లను ఆకర్షించడానికి కంపెనీ నగదు తగ్గింపులతో (Cash Discounts) పాటు ఎక్స్ఛేంజ్ బోనస్, స్క్రాపేజ్ బోనస్, కార్పొరేట్ డిస్కౌంట్ వంటి రకరకాల ఆఫర్లను అందిస్తోంది. ఈ కారు మార్కెట్లో తన స్టైలిష్ లుక్, మైలేజ్, నమ్మకానికి కేరాఫ్ అడ్రస్‌గా నిలుస్తోంది.

భారత ఆటోమొబైల్ మార్కెట్లో మిడ్ సైజ్ ఎస్యూవీ (Midsize SUV) సెగ్మెంట్‌లో హ్యుందాయ్ క్రెటా ప్రస్తుతం రారాజుగా వెలుగుతోంది. తన అద్భుతమైన లుక్స్, పవర్‌ఫుల్ ఇంజన్ ఆప్షన్లు, అదిరిపోయే ఫీచర్లతో కస్టమర్ల మనసు దోచుకుంది. అయితే, ఇప్పుడు క్రెటాకు గట్టి పోటీ ఇచ్చేందుకు ప్రముఖ దేశీయ ఆటోమొబైల్ దిగ్గజం టాటా మోటార్స్, జపనీస్ బ్రాండ్ నిస్సాన్ సంస్థలు సరికొత్త వ్యూహాలతో సిద్ధమయ్యాయి. రాబోయే కొన్ని వారాల్లోనే ఈ రెండు కంపెనీలు తమ సరికొత్త ఎస్‌యూవీలను ఇండియన్ మార్కెట్లో విడుదల చేయడానికి సన్నాహాలు చేస్తున్నాయి.

భారతీయ ఆటోమొబైల్ మార్కెట్లో కుటుంబాల నమ్మకానికి ప్రతీకగా నిలిచిన టయోటా ఇన్నోవా క్రిస్టా (Toyota Innova Crysta) ఇప్పుడు మరింత ప్రీమియం రూపంలో కస్టమర్ల ముందుకు వచ్చింది. టయోటా కొత్త 2026 ఇన్నోవా క్రిస్టాను అధికారికంగా ఆవిష్కరించింది. రెండు దశాబ్దాలకు పైగా భారతీయ రోడ్లపై విజయవంతంగా కొనసాగుతున్న ఈ MPV, ఇప్పుడు కొత్త డిజైన్ అప్‌డేట్లు, ఆధునిక ఫీచర్లు, మరింత మెరుగైన క్యాబిన్ అనుభవంతో మరోసారి తన స్థానాన్ని బలోపేతం చేసుకోవడానికి సిద్ధమైంది. గత 21 ఏళ్లుగా లక్షలాది కుటుంబాలు, వ్యాపార సంస్థలు, ట్రావెల్ ఆపరేటర్లకు నమ్మకమైన ప్రయాణ భాగస్వామిగా నిలిచిన ఈ వాహనం, ఇప్పుడు కొత్త అప్‌డేట్లతో వచ్చింది. దీని ఎక్స్-షోరూమ్ రూ. 19.72 లక్షల నుండి ప్రారంభమవుతుంది.

భారతీయ ఆటోమొబైల్ మార్కెట్లో మంచి మైలేజ్, తక్కువ బడ్జెట్ సెడాన్ కార్లకు ఎప్పుడూ మంచి డిమాండ్ ఉంటుంది. ఈ విభాగంలో హ్యుందాయ్ సంస్థకు చెందిన ఆరా (Hyundai Aura) కారు కస్టమర్లను బాగా ఆకట్టుకుంటోంది. అయితే, జూన్ నెల ప్రారంభంలోనే ఈ కారు కొనాలనుకునే వారికి హ్యుందాయ్ సంస్థ ఒక చేదు వార్త చెప్పింది. ఆరా మోడల్ ధరలను పెంచడంతో పాటు, కస్టమర్లకు తక్కువ ధరలో లభించే కొన్ని పాపులర్ వేరియంట్లను కంపెనీ మార్కెట్ నుంచి శాశ్వతంగా తొలగించింది. కంపెనీ వెల్లడించిన వివరాల ప్రకారం.. హ్యుందాయ్ ఆరా ధరలపై 0.83 శాతం వరకు అదనపు భారం పడింది. దీనివల్ల వివిధ వేరియంట్లను బట్టి వినియోగదారులు దాదాపు రూ.5,700 వరకు ఎక్కువ చెల్లించాల్సి ఉంటుంది. అయితే కారు ప్రారంభ ఎక్స్-షోరూమ్ ధరలో కంపెనీ ఎలాంటి మార్పులు చేయకపోవడం కొంతవరకు ఊరట కలిగించే విషయమే.

భారతదేశ ఆటోమొబైల్ రంగంలో మరో కీలక ఘట్టం ఆవిష్కృతమైంది. దేశంలోనే అతిపెద్ద కార్ల తయారీ సంస్థ మారుతి సుజుకి ఇండియా (maruti suzuki india)తన తొలి ఫ్లెక్స్-ఫ్యూయల్ కారును అధికారికంగా పరిచయం చేసింది. అంతేకాదు, ఇది కేవలం మారుతి సుజుకి మొదటి ఫ్లెక్స్-ఫ్యూయల్ కారు మాత్రమే కాకుండా, భారతదేశంలోనే తొలి ఫ్లెక్స్-ఫ్యూయల్ ప్యాసింజర్ కారుగా కూడా చరిత్ర సృష్టించింది. కంపెనీ ఈ కొత్త టెక్నాలజీని తన అత్యంత ప్రజాదరణ పొందిన హ్యాచ్‌బ్యాక్‌లలో ఒకటైన వ్యాగన్ ఆర్‌ (wagonr)లో ప్రవేశపెట్టింది. భారతీయ కుటుంబాల్లో విశేష ఆదరణ పొందిన ఈ కారు ఇప్పుడు మరింత పర్యావరణహిత సాంకేతికతతో ముందుకు వచ్చింది.

భారతదేశానికి చెందిన హీరో మోటోకార్ప్ (Hero Motocorp) ప్రపంచంలోని అతిపెద్ద ద్విచక్ర వాహన తయారీ సంస్థల్లో ఒకటిగా గుర్తింపు పొందింది. దశాబ్దాలుగా భారత వినియోగదారుల విశ్వాసాన్ని సంపాదించుకున్న ఈ సంస్థ, దేశీయ మార్కెట్‌తో పాటు అంతర్జాతీయ మార్కెట్లలో కూడా తన ఉనికిని బలంగా చాటుకుంటోంది. ముఖ్యంగా సరసమైన ధరలు, మంచి మైలేజ్, విశ్వసనీయ పనితీరు కారణంగా హీరో బైక్‌లు, స్కూటర్లు లక్షలాది మంది వినియోగదారుల తొలి ఎంపికగా నిలుస్తున్నాయి. ప్రతి నెలా లక్షల సంఖ్యలో ద్విచక్ర వాహనాలను విక్రయిస్తూ మార్కెట్లో తన ఆధిపత్యాన్ని కొనసాగిస్తున్న హీరో మోటోకార్ప్, మే 2026లో కూడా మరోసారి ఆకట్టుకునే ఫలితాలను నమోదు చేసింది. తాజాగా విడుదలైన అమ్మకాల గణాంకాల ప్రకారం, కంపెనీ మే 2026లో మొత్తం 5,70,068 యూనిట్లు విక్రయించింది.

భారతదేశంలో కార్ల అమ్మకాల్లో రారాజుగా వెలుగొందుతున్న మారుతి సుజుకి (Maruti Suzuki) భవిష్యత్తుపై భారీ ప్రణాళికలు రచిస్తోంది. రాబోయే రెండు మూడు ఏళ్లలో ఇండియన్ మార్కెట్లో బ్యాక్ టు బ్యాక్ మూడు సరికొత్త MPV (మల్టీ పర్పస్ వెహికల్) కార్లను లాంచ్ చేయడానికి కంపెనీ సిద్ధమవుతోంది. ముఖ్యంగా పెద్ద ఫ్యామిలీ ఉన్న కస్టమర్లను ఆకట్టుకోవడమే లక్ష్యంగా ఈ కార్లను డిజైన్ చేస్తున్నారు. ఈ లిస్టులో కస్టమర్ల ఆల్‌టైమ్ ఫేవరెట్ ఎర్టిగా కొత్త మోడల్‌తో పాటు ఒక ప్రీమియం ఎలక్ట్రిక్ వెహికల్, ఒక బడ్జెట్ ఫ్రెండ్లీ కారు కూడా ఉండటం విశేషం.

భారత ఆటోమొబైల్ రంగంలో మే 2026 నెల అమ్మకాల గణాంకాలు ఒక్కొక్కటిగా వెలుగులోకి వస్తున్నాయి. ఇప్పటికే దేశంలోని అగ్రశ్రేణి వాహన తయారీ సంస్థలు తమ విక్రయాల వివరాలను ప్రకటించగా, తాజాగా హోండా కార్స్ ఇండియా (Honda Cars India) కూడా తన నెలవారీ అమ్మకాల నివేదికను విడుదల చేసింది. ఈ గణాంకాలు చూస్తే, గత ఏడాదితో పోలిస్తే కంపెనీ గణనీయమైన వృద్ధిని నమోదు చేసినట్లు స్పష్టమవుతోంది. మే 2026లో హోండా కార్స్ ఇండియా మొత్తం 7,853 వాహనాలను విక్రయించింది. ఇందులో దేశీయ మార్కెట్లో అమ్ముడైన కార్ల సంఖ్య 5,111 యూనిట్లు కాగా, విదేశీ మార్కెట్లకు ఎగుమతి చేసిన వాహనాల సంఖ్య 2,742 యూనిట్లుగా నమోదైంది.

దేశీయ ఆటోమొబైల్ మార్కెట్లోని హ్యాచ్‌బ్యాక్ సెగ్మెంట్‌లో మారుతి సుజుకి సంస్థ తన ఏకఛత్రాధిపత్యాన్ని చాటుకుంటోంది. గత మే నెల కార్ల అమ్మకాల గణాంకాలను పరిశీలిస్తే ఈ విషయం అర్థం అవుతుంది. కంపెనీకి చెందిన మూడు హ్యాచ్‌బ్యాక్ మోడళ్లు అయిన బాలెనో, వ్యాగన్ ఆర్, స్విఫ్ట్ కార్లు గత నెలలో అత్యధికంగా అమ్ముడైన టాప్-10 కార్ల జాబితాలో స్థానం సంపాదించుకున్నాయి.

భారతదేశంలో ద్విచక్ర వాహనాల రంగంలో అగ్రగామిగా కొనసాగుతున్న హీరో మోటోకార్ప్ (Hero Motocorp) మరో కీలక ముందడుగు వేసింది. దేశంలో అత్యధికంగా అమ్ముడయ్యే మోటార్‌సైకిళ్లలో ఒకటైన స్ప్లెండర్ ప్లస్ (+), అలాగే గ్రామీ, పట్టణ ప్రాంతాల్లో విశేష ఆదరణ పొందిన హెచ్‌ఎఫ్ డీలక్స్ మోడళ్లకు ఇప్పుడు ఫ్లెక్స్-ఫ్యూయల్ టెక్నాలజీని అందుబాటులోకి తీసుకొచ్చింది. సాధారణంగా కొత్త సాంకేతికతలను మొదట ప్రీమియం లేదా ఖరీదైన వాహనాల్లో ప్రవేశపెట్టే సంప్రదాయానికి భిన్నంగా, హీరో మోటోకార్ప్ సామాన్య ప్రజలు ఎక్కువగా ఉపయోగించే బైక్‌లలోనే ఈ పర్యావరణహిత టెక్నాలజీని అందించడం విశేషం. ఫ్లెక్స్-ఫ్యూయల్ టెక్నాలజీతో కూడిన కొత్త స్ప్లెండర్ ప్లస్, హెచ్‌ఎఫ్ డీలక్స్ మోడళ్లను కంపెనీ అధికారికంగా మార్కెట్లోకి విడుదల చేసింది.

భారత్‎లో అత్యధికంగా అమ్ముడయ్యే ఫ్యామిలీ కార్లలో మారుతి సుజుకి వ్యాగన్ఆర్ ఎప్పుడూ ముందుంటుంది. కస్టమర్లలో ఈ కారుకు ఉన్న క్రేజ్‌ను మరింత పెంచేందుకు మారుతి సుజుకి ఇండియా జూన్ నెలలో ఒక భారీ డిస్కౌంట్ ఆఫర్‌ను తీసుకువచ్చింది. ఈ కారును కొనుగోలు చేసే కస్టమర్లకు ఏకంగా 52,500 రూపాయల వరకు భారీ ప్రయోజనాలను అందిస్తోంది. ఈ ప్రత్యేక ఆఫర్ జూన్ 2వ తేదీ నుంచి ప్రారంభమై జూన్ 30వ తేదీ వరకు మాత్రమే అందుబాటులో ఉంటుంది. కొత్త కారు కొనాలని ప్లాన్ చేస్తున్న వారికి ఇది నిజంగా మంచి అవకాశం అని చెప్పవచ్చు.

మే 2026 దేశీయ కార్ల సేల్స్ రిపోర్ట్ బయటకు వచ్చింది. ఈ రిపోర్ట్‌లో ఎప్పటిలాగే మారుతి సుజుకీ తన తిరుగులేని ఆధిక్యాన్ని ప్రదర్శించింది. ఈసారి సేల్స్ చార్టులో మారుతి సుజుకి డిజైర్ కారు మొదటి స్థానాన్ని కైవసం చేసుకుని దూసుకుపోగా, మారుతి ఫ్రాంక్స్ అందరికీ పెద్ద షాక్ ఇచ్చింది. గత కొన్ని నెలలుగా మార్కెట్‌ను ఏలుతున్న టాటా పంచ్ కారును వెనక్కి నెట్టి, ఫ్రాంక్స్ దేశంలోనే రెండో అత్యధికంగా అమ్ముడైన కారుగా అవతరించింది. ఫ్రాంక్స్ కారుకు వచ్చిన డిమాండ్ ముందు టాటా పంచ్ ఈసారి కాస్త వెనకబడక తప్పలేదు. మే నెల సేల్స్ గణాంకాలను పరిశీలిస్తే మారుతి ఫ్రాంక్స్, టాటా పంచ్ మధ్య గట్టి పోటీ నడిచింది. గత నెలలో మారుతి ఫ్రాంక్స్ కారుకు చెందిన 20,686 యూనిట్లు అమ్ముడుపోగా, టాటా పంచ్ కారుకు చెందిన 20,208 యూనిట్ల విక్రయాలు జరిగాయి.

భారత ద్విచక్ర వాహన మార్కెట్లో హీరో మోటోకార్ప్ తర్వాత అత్యధిక అమ్మకాలు నమోదు చేసే కంపెనీగా హోండా మోటార్‌సైకిల్ & స్కూటర్ ఇండియా (HMSI) తన బలమైన స్థానాన్ని కొనసాగిస్తోంది. ముఖ్యంగా స్కూటర్ విభాగంలో హోండా ఆధిపత్యం మరింత స్పష్టంగా కనిపిస్తోంది. పేదలకు, మధ్యతరగతికి యూజ్‌ఫుల్ యాక్టివా, షైన్ వంటి మోడళ్లతో దేశవ్యాప్తంగా కోట్లాది మంది వినియోగదారుల విశ్వాసాన్ని సంపాదించిన హోండా ఇండియాలో ఉండటం మన అదృష్టం. ఈ నేపథ్యంలో 2026 మే నెల కంపెనీకి మరో విజయవంతమైన నెలగా నిలిచింది. దేశీయ మార్కెట్‌లో బలమైన డిమాండ్, కొత్త ఉత్పత్తులపై పెరుగుతున్న ఆసక్తి, అలాగే ఎగుమతుల్లో నమోదైన స్థిరమైన వృద్ధి కారణంగా హోండా మోటార్‌సైకిల్ & స్కూటర్ ఇండియా మొత్తం 5.18 లక్షలకు పైగా ద్విచక్ర వాహనాల అమ్మకాలను నమోదు చేసింది.

భారత ప్యాసింజర్ వాహన మార్కెట్లో పోటీ రోజురోజుకూ పెరుగుతున్నప్పటికీ, ఫ్రెంచ్ ఆటోమొబైల్ దిగ్గజం రెనాల్ట్ (Renault) తన ప్రత్యేక స్థానాన్ని నిలబెట్టుకుంటూ ముందుకు సాగుతోంది. వినియోగదారుల అభిరుచులకు అనుగుణంగా సరసమైన ధరల్లో, ఉపయోగకరమైన ఫీచర్లతో వాహనాలను అందించడం ద్వారా కంపెనీ మార్కెట్లో తన ఉనికిని మరింత బలోపేతం చేసుకుంటోంది. ముఖ్యంగా క్విడ్, కైగర్, ట్రైబర్ వంటి మోడళ్లకు కొనసాగుతున్న డిమాండ్ కంపెనీ అమ్మకాల వృద్ధికి కీలకంగా మారింది. తాజా అమ్మకాల గణాంకాలు చూస్తే, 2026 మే నెల రెనాల్ట్‌కు ఎంతో విజయవంతమైన కాలంగా నిలిచినట్లు స్పష్టమవుతోంది. కంపెనీ గత నెలలో భారత మార్కెట్లో మొత్తం 4,113 ప్యాసింజర్ వాహనాలను విక్రయించింది.

భారత ఆటోమొబైల్ మార్కెట్లో అత్యంత ప్రజాదరణ పొందిన హ్యాచ్‌బ్యాక్ కార్ల సెగ్మెంట్లో ఊహించని పెద్ద మార్పు చోటుచేసుకుంది. తాజాగా విడుదలైన మే 2026 నెల వాహన విక్రయాల నివేదిక కార్ల ప్రియులను ఆశ్చర్యానికి గురిచేస్తోంది. గత కొన్నేళ్లుగా మార్కెట్‌ను ఏకఛత్రాధిపత్యంగా ఏలుతున్న మారుతి సుజుకి వ్యాగన్ఆర్, స్విఫ్ట్ కార్లు ఈసారి వెనకబడిపోయాయి. వీటన్నింటినీ దాటుకుంటూ మారుతి సుజుకి బాలెనో సరికొత్త రికార్డులతో నంబర్-1 హ్యాచ్‌బ్యాక్‌గా అవతరించింది. అయితే ఈ కార్ల అమ్మకాల మధ్య చాలా స్వల్ప తేడా మాత్రమే ఉండడం గమనార్హం.

భారత ఎలక్ట్రిక్ టూవీలర్ మార్కెట్లో ఒకప్పుడు ఓలా పేరు మారుమోగేది. అయితే ఇప్పుడు పరిస్థితి పూర్తిగా మారిపోయింది. ప్రస్తుతం ఎలక్ట్రిక్ స్కూటర్ గురించి మాట్లాడితే చాలామందికి ముందుగా గుర్తుకు వస్తున్న పేరు టీవీఎస్ మోటార్ (Tvs Motor). కంపెనీ తీసుకొచ్చిన ఐక్యూబ్ ఎలక్ట్రిక్ స్కూటర్ మార్కెట్లో భారీ ఆదరణ పొందడంతో, టీవీఎస్ ఈవీ విభాగంలో అగ్రస్థానానికి చేరుకుంది. తాజాగా విడుదలైన అమ్మకాల గణాంకాలు కూడా ఇదే విషయాన్ని స్పష్టం చేస్తున్నాయి. 2026 మే నెలలో టీవీఎస్ మోటార్ దేశవ్యాప్తంగా 42,415 ఎలక్ట్రిక్ స్కూటర్లను విక్రయించింది. ఈ అమ్మకాలతో భారత ఎలక్ట్రిక్ టూ-వీలర్ మార్కెట్లో అత్యధిక విక్రయాలు నమోదు చేసిన కంపెనీగా నిలిచింది. గత ఏడాది ఇదే కాలంతో పోలిస్తే కంపెనీ అద్భుతమైన వృద్ధిని నమోదు చేసింది.

భారతదేశంలో ఎలక్ట్రిక్ టూ-వీలర్ మార్కెట్ రోజురోజుకూ సరికొత్త రికార్డులను సృష్టిస్తోంది. తాజాగా విడుదలైన మే 2026 నెల ఎలక్ట్రిక్ ద్విచక్ర వాహనాల విక్రయాల గణాంకాలు ఈ విషయాన్ని స్పష్టం చేస్తున్నాయి. ప్రతిసారీ లాగే ఈసారి కూడా ఈవీ మార్కెట్లో టీవీఎస్ మోటార్ కంపెనీ తన తిరుగులేని ఆధిక్యాన్ని ప్రదర్శించింది. దేశంలోని టాప్ ఈ-స్కూటర్ కంపెనీల జాబితాలో టీవీఎస్‌తో పాటు బజాజ్ ఆటో, ఏథర్ ఎనర్జీ, హీరో మోటోకార్ప్ అత్యుత్తమ స్థానాల్లో నిలిచాయి. ఒకప్పుడు మార్కెట్‌ను శాసించిన ఓలా ఎలక్ట్రిక్ కూడా టాప్ 5 లో నిలిచినప్పటికీ, దాని అమ్మకాలు దారుణంగా పడిపోవడం టెక్ వర్గాలను ఆశ్చర్యానికి గురిచేస్తోంది.

భారత ఎలక్ట్రిక్ వాహన మార్కెట్లో పోటీ రోజురోజుకూ తీవ్రంగా మారుతోంది. ఇప్పటికే టాటా మోటార్స్, మహీంద్రా, మారుతి సుజుకి, ఎంజీ వంటి దిగ్గజ కంపెనీలు తమ ఆధిపత్యాన్ని కొనసాగిస్తున్నప్పటికీ, వియత్నాంకు చెందిన ఎలక్ట్రిక్ వాహన తయారీ సంస్థ విన్‌ఫాస్ట్ (Vinfast) కూడా వేగంగా తన ఉనికిని చాటుకుంటోంది. భారత మార్కెట్‌ను అత్యంత కీలకంగా భావిస్తున్న ఈ సంస్థ, స్థానిక తయారీకి ప్రాధాన్యం ఇస్తూ 'మేడ్ ఇన్ ఇండియా' వ్యూహంతో ముందుకు సాగుతోంది. VF6, VF7 ఎలక్ట్రిక్ SUVలతో ఇప్పటికే ఆసక్తిని పెంచిన విన్‌ఫాస్ట్, ఇప్పుడు మరో కీలక మైలురాయిని అందుకుంది. తమిళనాడులోని తూత్తుకుడిలో ఏర్పాటు చేసిన తన అత్యాధునిక తయారీ కేంద్రం నుంచి 10,000వ ఎలక్ట్రిక్ వాహనం ఉత్పత్తి అయినట్లు ప్రకటించింది.

దేశంలో పెట్రోల్, డీజిల్ ధరలు రోజురోజుకూ పెరిగిపోతున్నాయి. కేవలం గత 11 రోజుల్లోనే లీటర్ పెట్రోల్, డీజిల్ ధరలు సుమారు 8 రూపాయల వరకు పెరగడంతో సామాన్యుడి జేబుకు చిల్లు పడుతోంది. ఈ నేపథ్యంలో వాహనదారుల చూపు ప్రత్యామ్నాయ ఇంధనాల వైపు మళ్లుతోంది. ముఖ్యంగా సీఎన్‌జీ, ఎలక్ట్రిక్ (ఈవీ) కార్లకు మార్కెట్లో గిరాకీ ఒక్కసారిగా పెరిగింది. పెరిగిన ఇంధన ధరల భారాన్ని తగ్గించుకోవడానికి చాలా మంది కస్టమర్లు ఇప్పుడిప్పుడే ఎలక్ట్రిక్ వాహనాల కొనుగోలుకు మొగ్గు చూపుతున్నారు.

భారత ఆటోమొబైల్ రంగంలో మరో కీలక ఘట్టానికి రంగం సిద్ధమైంది. పర్యావరణ పరిరక్షణ, దిగుమతి ఇంధనాలపై ఆధారాన్ని తగ్గించడం, స్వదేశీ ప్రత్యామ్నాయ ఇంధనాల వినియోగాన్ని ప్రోత్సహించడం వంటి లక్ష్యాలతో దేశం ముందుకు సాగుతున్న వేళ, మారుతి సుజుకి (Maruti Suzuki) ఒక చారిత్రాత్మక అడుగు వేయబోతోంది. ప్రపంచ పర్యావరణ దినోత్సవం (జూన్ 5)కు ముందురోజు అయిన జూన్ 4న, భారతదేశంలోనే తొలి ఫ్లెక్స్-ఫ్యూయల్ ప్యాసింజర్ వాహనాన్ని అధికారికంగా ఆవిష్కరించేందుకు కంపెనీ సిద్ధమైంది. న్యూఢిల్లీలోని ప్రతిష్టాత్మక తాజ్ ప్యాలెస్ హోటల్‌లో ఈ ప్రత్యేక కార్యక్రమం నిర్వహించనున్నారు. ఈ వేడుకకు కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీతో పాటు, కేంద్ర పెట్రోలియం, సహజ వాయువుల శాఖ మంత్రి హర్దీప్ సింగ్ పూరీ ముఖ్య అతిథులుగా హాజరుకానున్నారు.

భారత ఆటోమొబైల్ మార్కెట్లో ఎలక్ట్రిక్ కార్లతో మంచి గుర్తింపు సంపాదించుకున్న చైనా దిగ్గజం బీవైడీ (BYD) సరికొత్త సంచలనానికి తెరలేపింది. ఇప్పటివరకు మనదేశంలో కేవలం ప్యూర్ ఎలక్ట్రిక్ కార్లను మాత్రమే విక్రయిస్తున్న ఈ సంస్థ.. ఇప్పుడు తన మొదటి ప్లగ్-ఇన్ హైబ్రిడ్ (PHEV) మోడల్‌ను లాంచ్ చేయడానికి ముహూర్తం ఖరారు చేసింది. జూన్ 9న ఈ సరికొత్త హైబ్రిడ్ కారును భారత మార్కెట్లోకి అధికారికంగా ప్రవేశపెట్టబోతున్నట్లు కంపెనీ వెల్లడించింది.

భారత ఆటోమొబైల్ రంగాన్ని షేక్ చేస్తూ రెండు ప్రముఖ విదేశీ కార్ల తయారీ సంస్థలు సరికొత్త రికార్డులను సృష్టించాయి. ప్రముఖ కార్ల బ్రాండ్లు అయిన నిస్సాన్ (Nissan), రెనాల్ట్ (Renault) కంపెనీలకు మే 2026 నెల ఒక లక్కీ పీరియడ్‌లా నిలిచింది. ఈ రెండు కంపెనీలు గత నెలలో భారతీయ మార్కెట్‌లో ఊహించని స్థాయిలో కార్లను విక్రయించి అమ్మకాల కొత్త జెండాలను పాతాయి.

భారత ఆటోమొబైల్ మార్కెట్లో ఎలక్ట్రిక్ వాహనాల క్రేజ్ రోజురోజుకు పెరుగుతోంది. ఒకప్పుడు భవిష్యత్ టెక్నాలజీగా భావించిన EVలు ఇప్పుడు సాధారణ వినియోగదారుల ఎంపికగా మారుతున్నాయి. పెట్రోల్, డీజిల్ ధరలు పెరగడం, నిర్వహణ ఖర్చులు తక్కువగా ఉండటం, పర్యావరణ హిత ప్రయోజనాలు, ప్రభుత్వ ప్రోత్సాహకాలు వంటి అంశాలు ఎలక్ట్రిక్ కార్ల వైపు వినియోగదారులను ఆకర్షిస్తున్నాయి. ఇటీవలి నెలల్లో EV మార్కెట్లో పోటీ కూడా గణనీయంగా పెరిగింది. కొత్త మోడళ్ల రాక, మెరుగైన బ్యాటరీ టెక్నాలజీ, ఎక్కువ డ్రైవింగ్ రేంజ్, ఆధునిక ఫీచర్లు వినియోగదారుల విశ్వాసాన్ని మరింత పెంచుతున్నాయి. ఫలితంగా, ఎలక్ట్రిక్ కార్లు ఇప్పుడు కేవలం నగర ప్రయాణాలకే పరిమితం కాకుండా కుటుంబ అవసరాలకు కూడా అనువైన ఎంపికలుగా మారుతున్నాయి.

భారత ఆటోమొబైల్ మార్కెట్లో ఎలక్ట్రిక్ వాహనాల విభాగంలో తనదైన ముద్ర వేస్తున్న జెఎస్ డబ్ల్యూ ఎంజీ మోటార్ ఇండియా (JSW MG Motor India) మరోసారి స్థిరమైన అమ్మకాల ప్రదర్శనతో ఆకట్టుకుంది. పెట్రోల్, డీజిల్ వాహనాలకు ఇప్పటికీ మార్కెట్లో భారీ డిమాండ్ ఉన్నప్పటికీ, ఎలక్ట్రిక్ మొబిలిటీపై పెరుగుతున్న ఆసక్తిని సద్వినియోగం చేసుకుంటూ MG తన వృద్ధి ప్రయాణాన్ని కొనసాగిస్తోంది. ముఖ్యంగా Comet EV, Windsor EV, ZS EV వంటి మోడళ్లకు వినియోగదారుల నుంచి లభిస్తున్న ఆదరణ కంపెనీకి బలంగా మారుతోంది. తాజాగా విడుదల చేసిన అమ్మకాల గణాంకాల ప్రకారం, 2026 మే నెలలో ఎంజీ మొత్తం 6,048 యూనిట్ల హోల్‌సేల్ విక్రయాలను నమోదు చేసింది.